30th Oct2020

ກອງບັນຊາການປ້ອງກັນສູນກາງ ຈັດກອງປະຊຸມການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020

by somchan

ອົງຄະນະພັກກອງບັນຊາການປ້ອງກັນສູນກາງ ຈັດກອງປະຊຸມສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2020 ແລະ ທິດທາງແຜນການປີ 2021ໃນວັນທີ 29 ຕຸລາ ນີ້ ພາຍໃຕ້ການເປັນປະທານຂອງ ພົຈວ ສົມພົງ ຂຳວິລຸນ ຄະນະພັກກະຊວງ ເລຂາຄະນະພັກ, ຫົວໜ້າກອງບັນຊາການປ້ອງກັນສູນກາງ, ມີຄະນະພັກພະນັກງານຫຼັກແຫຼ່ງ, ຫ້ອງ, ກອງ ອ້ອມຂ້າງກອງບັນຊາການເຂົ້າຮ່ວມ.

ພັອ ຄຳເກິ່ງ ຜິວວັນນາ ຄະນະປະຈຳພັກ ຮອງຫົວໜ້າກອງບັນຊາການປ້ອງກັນສູນກາງ ໄດ້ສະຫຼຸບຕີລາຄາ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2020 ແລະ ທິດທາງແຜນການປີ 2021 ເຊິ່ງທ່ານຍົກໃຫ້ເຫັນດ້ານດີຜົນງານ ແລະ ດ້ານອ່ອນຂໍ້ຄົງຄ້າງ ເປັນຕົ້ນດ້ານການຈັດຕັ້ງ ຄະນະພັກ, ຄະນະບັນຊາ ກອງບັນຊາການປ້ອງກັນສູນກາງ ໄດ້ຢືດໝັ້ນ ແລະ ປະຕິບັດຢ່າງເຂັ້ມງວດ ຕາມ 5 ຫຼັກການ 3 ທິດນຳ ໃນການກໍ່ສ້າງ ແລະ ປັບປຸງພັກ,​ ການດຳເນີນຊີວິດການເມືອງຂອງແຕ່ລະໜ່ວຍພັກເປັນປົກກະຕິ, ຮັບປະກັນ ແລະ ເສີມຂະຫຍາຍໄຊຊະນະນຳພາ, ລັກສະນະສຶກສາອົບຮົມ ແລະ ລັກຊະນະຕໍ່ສູ້ພາຍໃນໜ່ວຍພັກ. ພ້ອມນີ້ ຄະນະໜ່ວຍພັກ ສະມາຊິກພັກ ໄດ້ມີສະຕິເຄົາລົບປະຕິບັດກົດລະບຽບຂອງພັກ, ກົດໝາຍຂອງລັດ, ຂອງກຳລັງປ້ອງກັນຄວາມສະຫງົບ ໄດ້ຢ່າງເຂັ້ມງວດ ເປັນແບບຢ່າງທີ່ດີໃນການເຄື່ອນໄຫວ ດຳລົງຊີວິດດ້ວຍຄວາມປອດໃສ ຂາວສະອາດ. ນອກຈາກນີ້ ຄະນະພັກ, ຄະນະກອງບັນຊາການ ໄດ້ນຳພາຄະນະໜ່ວຍພັກ, ສະມາຊິກພັກ ຍົກສູງຄວາມຮັບຄວາມຊອບຕໍ່ໜ້າທີ່ວິຊາສະເພາະທີ່ໄດ້ຮັບມອບໝາຍ, ນຳພາປັບປຸງການຈັດຕັ້ງມະຫາຊົນ, ຊາວໜຸ່ມ-ແມ່ຍິງ ອຳນວຍຄວາມສະດວກໃຫ້ເຂົາເຈົ້າເຄື່ອນໄຫວຕາມພາລະບັດບາດຂອງຕົນໄດ້ເປັນຢ່າງດີ, ເອົາໃຈໃສ່ຄຸ້ມຄອງປ້ອງກັນພັກ-ພະນັກງານ, ຮັກສາຄວາມສະຫງົບພາຍໃນມີຄວາມເປັນລະບຽບຮຽບຮ້ອຍ, ເປັນເຈົ້າການສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆທີ່ເກີດຂຶ້ນຢູ່ພາຍໃນກົມກອງໄດ້ເປັນຢ່າງດີ.

ຈາກຜົນງານດັ່ງກ່າວ ສາມາດຕີລາຄາຄຸນນະພາບ, ຈັດແບ່ງປະເພດຂອງສະມາຊິກພັກ ແຕ່ລະໜ່ວຍພັກໄດ້ຄື: ມີສະມາຊິກພັກທັງໝົດ 492 ສະຫາຍ, ຍິງ 86 ສະຫາຍ. ໃນນີ້ ປະເພດແຂງ 452 ສະຫາຍ, ຍິງ 82 ສະຫາຍ, ປະເພດກາງ 19 ສະຫາຍ, ອ່ອນ 2 ສະຫາຍ, ປະເພດໜ່ວຍພັກມີ 19 ໜ່ວຍ. ໃນນີ້ ໜ່ວຍພັກແຂງ 15 ໜ່ວຍ, ກາງ 4 ໜ່ວຍພັກ.

ພ້ອມດ້ວຍກັນນີ້ ກອງປະຊຸມຍັງໄດ້ເຊື່ອມຊືມ ຜົນສຳເລັດຂອງກອງປະຊຸມໃຫຍ່ຜູ້ແທນຄັ້ງທີ 5 ອົງຄະນະພັກກະຊວງປ້ອງກັນຄວາມສະຫງົບ, ບົດໂອ້ລົມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດ ແລະ ມະຕິຕົກລົງຂອງຄະນະເລຂາທິການສູນກາງພັກຕື່ມອີກ.

Off

Comments are closed.