17th Nov2020

ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ 8 ໄດ້ສຳເລັດລົງຢ່າງຈົບງາມ

by somchan

ກອງປະຊຸມສະໄໝສາມັນເທື່ອທີ່ 10 ຂອງສະພາແຫ່ງຊາດຊຸດທີ 8 ໄດ້ອັດລົງດ້ວຍຜົນສຳເລັດອັນຈົບງາມ ໃນວັນທີ 17 ພະຈິກ 2020 ນີ້ ພາຍຫຼັງທີ່ໄດ້ດຳເນີນມາເປັນເວລາ 16 ວັນ ນັບແຕ່ວັນທີ 27 ຕຸລາ – 17 ພະຈິກ 2020 ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໂດຍການເປັນກຽດເຂົ້າຮ່ວມຂອງພະນະທ່ານ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກ ປະທານປະເທດ ມີ ທ່ານ ທອງລຸນ ສີສຸລິດ ນາຍຍົກລັດຖະມົນຕີ ມີບັນດາການນຳພັກ-ລັດ ອະດີດການນຳຂັ້ນສູງ, ສະມາຊິກສະພາແຫ່ງຊາດທຸກເຂດເລືອກຕັ້ງ ແລະ ແຂກຖືກເຊີນເຂົ້າຮ່ວມ.

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ກ່າວສູນທອນພົດປິດກອງປະຊຸມຢ່າງເປັນທາງການ ຊຶ່ງທ່ານໄດ້ກ່າວວ່າ: ກອງປະຊຸມສະໄໝສາມັນເທື່ອທີ່ 10 ຂອງສະພາແຫ່ງຊາດຊຸດທີ 8 ໄດ້ດຳເນີນບົນພື້ນຖານການເສີມຂະຫຍາຍສິດປະຊາທິປະໄຕ, ຄວາມຮັບຜິດຊອບທາງດ້ານການເມືອງຂອງສະມາຊິກສະພາແຫ່ງຊາດ ກອງປະຊຸມໄດ້ຮັບຟັງບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ພິຈາລະນາແຜນງົບປະມານແຫ່ງລັດປະຈຳປີ 2021,ຮັບຟັງການຊີ້ແຈງອະທິບາຍຈາກ 5 ກະຊວງ, ອົງການໃນບັນຫາທີ່ພົ້ນເດັ່ນທີ່ສົ່ງຜົນກະທົບຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ; ພິຈາລະນາ ແລະ ຮັບຮອງເອົາການສະເໜີຂອງທ່ານນາຍົກລັດຖະມົນຕີ ກ່ຽວກັບການແຕ່ງຕັ້ງສະມາຊິກລັດຖະບານ 2 ທ່ານ ແລະ ບັນຫາອື່ນໆ ເຊິ່ງບາງຕອນສຳຄັນທ່ານໄດ້ກ່າວວ່າ:

Off

Comments are closed.