19th Nov2020

ກະຊວງ ປກສ ເຜີຍແຜ່ເອກະສານວັນຄ້າຍວັນເກີດຂອງປະທານໄກສອນພົມວິຫານ ແລະ ມູນເຊື້ອວັນຊາດທີ 2 ທັນວາ

by somchan

ໃນວັນທີ 19 ພະຈິກ 2020 ນີ້. ກະຊວງປ້ອງກັນຄວາມສະຫງົບ ໄດ້ຈັດຕັ້ງເຜີຍແຜ່ 2 ເອກະສານສໍາຄັນຂອງພັກຂອງຊາດຄື ເອກກະສານວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ແລະ ເອກະສານມູນເຊື້ອ ວັນຊາດ ທີ 2 ທັນວາ ຄົບຮອບ 45 ປີ ໂດຍການເຜີຍແຜ່ເອກະສານຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປກສ ແລະ ພົຈວ ຈັນສະແຫວງ ທິບຄູນທອງ ຮອງຫົວຫນ້າຫ້ອງວ່າການກະຊວງ ປກສ ມີບັນດາຄະນະພັກ-ຄະນະບັນຊາ, ພະນັກງານຫລັກແຫລ່ງ 18 ກົມກອງ ອອ້ມຂ້າງກະຊວງເຂົ້າຮ່ວມຮັບຟັງ.

 

ໂອກາດນີ້ ພົຕ ກົງທອງພົງ ວິຈິດ ຮອງ ລັດຖະມົນຕີກະຊວງ ປກສ ແລະ ພົວ ຈັນ ສະແຫວງ ທິບຄຸນທອງ ຮອງຫົວຫນ້າຫ້ອງວ່າການກະຊວງ ປກສ ໄດ້ພັດປ່ຽນກັນຂື້ນ ເຜີຍແຜ່ 2 ເອກະສານ ໂດຍໄດ້ຍົກໃຫ້ເຫັນຊີວິດ ແລະ ການເຄື່ອນໄຫວປະຕິວັດ ຂອງ ປະທານໄກສອນ ພົມວິຫານ, ນັກປະຕິວັດຜູ້ດີເລີດເປັນຜູ້ນໍາສູງສຸດຂອງການປະຕິວັດ ລາວທີ່ມີຄວາມປີຊາສາມາດມີຄວາມສະຫລາດຫລັກແຫຼມ ມີໄຫວພິບອັນແຫຼມຄົມ ແລະມີນໍ້າໃຈຕໍ່ສູ້ອັນເດັດດ່ຽວຫນຽວແຫນ້ນ ເປັນຜູ້ນໍາທີ່ແສນເຄົາລົບຮັກຂອງພັກ-ລັດ ແລະ ປະ ຊາຊົນລາວ ເປັນວິລະບຸລຸດຂອງຊາດລາວເຮົາ ໃນພາລະກິດປະຕິວັດກໍ່ຄືໄລຍະສ້າງສາ ພັດທະນາປະເທດຊາດ ປະທານໄກສອນ ພົມວິຫານ ກໍ່ໄດ້ນໍາພາປະຊາຊົນລາວບັນດາເຜົ່າ ສາມັກຄີກັນຕໍ່ສູ້ຢ່າງພິລະອາດຫານ ຕ້ານການຮຸກຮານຂອງພວກລ່າເມືອງຂື້ນແບບເກົ່າລະ ແບບໃຫມຈົນສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາ ສາທາລະນະ ລັດ ປະຊາທິປະໄຕ ປະຊາຊົນລາວ ຂື້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975 ເຊີ່ງ ເປັນວັນແຫ່ງໄຊຊະນະ ແຫ່ງການຕໍ່ສູ້ອັນຍຶດເຍື້ອຍາວນານ ຜ່ານຫລາຍບັ້ນຮົບທີ່ດຸເດືອດ ຂ້ຽວຂາດ ເປັນວັນທີ່ປະຊາຊົນລາວບັນດາເຜົ່າ ເປັນເຈົ້າຂອງປະເທດຊາດຢ່າງແທ້ຈີງ ຕະຫລອດໄລຍະ 45 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ປະເທດລາວ ໄດ້ຮັບການພັດທະນາຂື້ນຢ່າງບໍ່ຢຸດຢັ້ງ ພື້ນຖານເສດຖະກິດໄດ້ຮັບການປັບປຸງລະບົບການເມືອງຂອງລະບອບປະຊາທິປະໄຕແຕ່ລະຂັ້ນມີຄວາມຫນັກແຫນ້ນ ເຂັ້ມແຂງ ສາມາດຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໄດ້ໂດຍພື້ນຖານ ອຸດສາຫະກໍາ ແລະ ການຄ້າໄດ້ຂະຫຍາຍຕົວ ຢ່າງຕໍ່ເນື່ອງ ແລະ ເພີ່ມຂື້ນໃນທຸກໆປີ, ວຽກງານປ້ອງກັນຊາດປ້ອງກັນຄວາມສະຫງົບ ໄດ້ຕັ້ງຫນ້າອົບຮົມ ຫັດແອບ ສິນລະປະຍຸດ ຍຸດທະວິທີ ໃຫ້ມີຄວາມຊໍານານ ຕິດພັນກັບການຍົກລະດັບຄວາມສາມາດ ຂອງຜູ້ບັນຊາສູ້ຮົບໃຫ້ມີແບບແຜນທັນສະໄຫມເປັນກ້າວໆ ສ້າງກໍາລັງກອງຫລອນທ້ອງຖີ່ນ. ກໍາລັງ ປກສ ບ້ານ ສາມາດເຄື່ອນໄຫວເຮັດຫນ້າທີ່ຕາມພາລະບົດບາດຕ້ານປະກົດການຫຍໍ້ທໍ້ຢູ່ທ້ອງຖິ່ນຮາກຖານ ໃຫ້ລຸດຫນ້ອຍຖອຍລົງ ພັກລັດຖະບານໄດ້ເປີດກ້ວາງວຽກງານພົວພັນກັບຕ່າງປະເທດ ແລະ ຮ່ວມມືສາກົນໂດຍຢຶດຫມັ້ນແນວທາງການຕ່າງປະເທດ “ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເຫມີຕົ້ນສະເຫມີປາຍ ເປັນເຈົ້າ ການເຊື່ອມໂຍງກັບພາກພື້ນ ແລະ ສາກົນ ປະກອບສ່ວນຢ່າງຕັ້ງຫນ້າເຂົ້າໃນການສ້າງປະຊາຄົມອາຊຽນ.

ຈຸດປະສົງການຈັດຕັ້ງເຜີຍແຜ່ເອກະສານໃນຄັ້ງນີ້ ເພື່ອເຮັດໃຫ້ພະນັກງານຫລັກ ແຫລ່ງອ້ອມຂ້າງກະຊວງນໍາເອົາເນື້ອໃນ ແລະ ບົດຮຽນອັນດີງາມຂອງປະທານໄກສອນ ພົມວິຫານ ແລະ ມູນເຊື້ອວັນຊາດທີ 2 ທັນວາ ໄປຫມູນໃຊ້ໃນຫນ້າທີ່ວຽກງານຕົວຈີງໃຫ້ເກີດດອກອອກຜົນ.

Off

Comments are closed.