25th Nov2020

ກອງປະຊຸມລັດຖະບານ ສະໄໝສາມັນ ປະຈໍາເດືອນ ພະຈິກ 2020

by somchan

ກອງປະຊຸມລັດຖະບານ ສະໄໝສາມັນປະຈຳເດືອນພະຈິກ 2020 ໄດ້ຈັດຂຶ້ນໃນວັນທີ 24 ພະ ຈິກ 2020 ທີ່ ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ  ທອງລຸນ ສີສຸລິດ, ນາຍົກລັດຖະມົນຕີ; ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ເຂົ້າຮ່ວມ.

ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າ ພິຈາລະນາ ແລະ ປະກອບຄຳຄິດເຫັນ ຕໍ່ບັນດາເອກະສານສໍາຄັນ ຕ່າງໆ ທີ່ພົວພັນເຖີງການພັດທະນາເສດຖະກິດ-ສັງຄົມ ຂອງຊາດ ແລະ ຄວາມສະຫງົບ ເປັນລະບຽບຮຽບຮ້ອຍ ຂອງສັງຄົມ

ກອງປະຊຸມ ໄດ້ຮັບຟັງການລາຍງານຈາກຂະແໜງການກ່ຽວຂ້ອງ ກ່ຽວກັບສະພາບພົ້ນເດັ່ນພາຍໃນ ແລະ ຕ່າງປະເທດ. ຕໍ່ສະພາບການພາຍໃນ, ກອງປະຊຸມໄດ້ຊີ້ນໍາໃຫ້ທຸກພາກສ່ວນ ມີສະຕິລະວັງຕົວຕໍ່ກົນອຸບາຍມ້າງເພຂອງຄົນບໍ່ຫວັງດີ, ເອົາໃຈໃສ່ແກ້ໄຂປະກົດການຫຍໍ້ທໍ້ໍໃນສັງຄົມ ເປັນຕົ້ນ ຢາເສບຕິດ ແລະ ແກ້ໄຂບັນຫາອຸປະຕິເຫດຕາມທ້ອງຖະໜົນ, ເພີ່ມ​ທະ​ວີ​ການຕິດ​ຕາມກວດ​ກາສື່ສັງ​ຄົມ​ອອນ​ລາຍ ທີ່ອອກຂ່າວບໍ່ມີມູນຄວາມຈິງ ຫຼື ໃສ່ຮ້າຍປ້າຍສີ, ສື່ມວນຊົນລາວ ຕ້ອງເປັນກະບອກສຽງທີ່ແຫຼມຄົມ ເພື່ອໃຫ້ຂໍ້ມູນຖືກຕ້ອງ ແລະ ຊັດເຈນແກ່ສັງຄົມຢ່າງ​ທັນ​ການ.

ກອງປະຊຸມ ຮັບຊາບການລາຍງານ ກ່ຽວກັບສະພາບການ​ແຜ່ລະບາດຂອງພະຍາດ ໂຄວິດ 19, ການກວດພົບຜູ້ຕິດເຊື້ອ​ໃໝ່ທີ່​ເດີນ​ທາງ​ມາຈາກຕ່າງປະເທດ ແລະ ເຫັນດີຕໍ່ທິດ​ທາງ​ແຜນ​ການ​ໃນ​ຕໍ່​ໜ້າໂດຍ,ໄດ້​ຊີ້ນໍາໃຫ້ຄະນະສະເພາະກິດ ​ສືບຕໍ່ເຂັ້ມ​ງວດຈັດ​ຕັ້ງ​ປະ​ຕິ​ບັດ​ມາດ​ຕະ​ກາ​ນ​ປ້ອງ​ກັນ, ຄວບຄຸມ, ສະ​ກັດ​ກັ້ນ ແລະ ແກ້ໄຂການລະບາດຂອງພະຍາດ ໂຄວິດ 19 ເພື່ອ​ຮັບ​ປະ​ກັນ​ບໍ່​ໃຫ້​ມີ​ການ​ລະ​ບາດ​ຮອບ 2; ໄດ້ຄົ້ນຄັວາ, ປືກສາຫາລື, ພິຈາລະນາ ວຽກງານທີ່ສຳຄັນຂອງຊາດຕື່ມອີກ ຫຼາຍບັນຫາ, ພ້ອມນີ້ກໍ່ໄດ້ ວາງທິດທາງແຜນການແຜນງານວຽກງານຈຸດສຸມ ໃນເດືອນ ທັນວາ 2020 ໂດຍໄດ້ຊີ້ນຳໃຫ້ບັນດາຂະແໜ່ງການຕ່າງໆນັບແຕ່ສູນກາງລົງຮອດທ້ອງຖິນ, ເພີມທະວີຄວາມຮັບຜິດຊອບແຕ່ລະວຽກງານທີ່ໄດ້ຮັບມອບໝາຍໃຫ້ມີປະສິດທິຜົນ

 

Off

Comments are closed.