04th Dec2020

ກະຊວງປ້ອງກັນປະເທດຈັດພິທີໂຮມຊຸມນຸມສະເຫລີມສະຫລອງວັນສະຖາປະນາ 2 ວັນປະຫວັດສາດ

by somchan

ກະຊວງປ້ອງກັນປະເທດຈັດພິທີໂຮມຊຸມນຸມສະເຫລີມສະຫລອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ວັນທີ 2 ທັນວາ ຄົບຮອບ 45 ປີ ແລະ ວັນເກີດປະທານໄກສອນພົມວິຫານ ຄົບຮອບ 100 ປີ ໃນວັນທີ 4 ທັນວາ 2020 ໂດຍການເປັນປະທານຂອງ ພົທ ທອງລອຍ ສີລິວົງ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ມີຄະນະນໍາກະຊວງປ້ອງກັນປະເທດ, ພະນັກງານປະຕິວັດອາວຸໂສບໍານານ, ນາຍ ແລະ ພົນທະຫານອ້ອມຂ້າງກະຊວງປ້ອງກັນປະເທດເຂົ້າຮ່ວມ.

ໃນງານໂຮມຊຸມນຸມຄັ້ງນີ້ ພົນໂທ ທອງລອຍ ສີລິວົງ ໄດ້ຍົກໃຫ້ເຫັນເຖິງຜົນສໍາເລັດ ແລະ ການເຕີບໃຫ່ຍຂະຫຍາຍຕົວຂອງປະເທດຊາດຕະຫລອດໄລຍະ 45 ປີຜ່ານມາ ໂດຍພາຍໃຕ້ແນວທາງການປ່ຽນແປງໃຫມ່ອັນຖືກຕ້ອງຂອງພັກ ການພັດທະນາເສດຖະກິດ – ສັງຄົມໄດ້ມີບາດກ້າວຂະຫຍາຍຕົວຢ່າງຕໍ່ເນື່ອງ, ສໍາລັບຂົງເຂດວຽກງານປ້ອງກັນຊາດປ້ອງກັນຄວາມສະຫງົບໂດຍຍຶດຫມັ້ນ ແລະ ເສີມຂະຫຍາຍແນວທາງປ່ຽນແປງໃຫມ່ຮອບດ້ານ ແລະ ມີຫລັກການຂອງພັກ ກອງທັບປະຊາຊົນ ລາວສາມາດປະກອບສ່ວນຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງຢ່າງຫນັກແຫນ້ນ, ເປັນກໍາລັງຫລັກແຫລ່ງໃນການປະຕິບັດແນວທາງປ້ອງກັນຊາດປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ຕິດພັນກັບການພັດທະນາຊົນນະບົດແກ້ໄຂຄວາມທຸກຍາກຂອງປະຊາຊົນ, ເດັດດ່ຽວ ເດີນຕາມແນວທາງປ່ຽນແປງໃຫມ່ຂອງພັກ, ປົກປັກຮັກສາ ແລະ ເສີມຂະຫຍາຍທາດແທ້ປະຕິວັດ, ມູນເຊື່ອອັນດີງາມຂອງຊາດຂອງກອງທັບປະຊາຊົນລາວ ສາມາດຕອບສະຫນອງໄດ້ຄວາມຮຽກຮ້ອງຕ້ອງການໃນໄລຍະໃຫມ່ຂອງພັກໄດ້ເປັນຢ່າງດີ ພ້ອມທັງຍົກໃຫ້ເຫັນຄຸນສົມບັດສິນທຳປະຕິວັດແບບແຜນວິທີເຮັດວຽກ ແລະ ການດຳລົງຊີວິດຂອງປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ.

 

ໂອກາດນີ້ ພົນໂທ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ ຍັງໄດ້ຮຽກຮ້ອງບັນດານາຍ ແລະ ພົນທະຫານອ້ອມຂ້າງກະຊວງປ້ອງກັນປະເທດ ຈົ່ງສຶບຕໍ່ຮໍ່າຮຽນເອົາແບບຢ່າງຄຸນສົມບັດ, ທາດແທ້ປະຕິວັດ, ຄວາມຈົ່ງຮັກພັກດີ, ຄວາມເດັດດ່ຽວຫນຽວແຫນ້ນຂອງປະທານໄກສອນ ພົມວິຫານ, ພ້ອມກັນຍືດຫມັ້ນໃນເສັ້ນທາງ ແລະຈຸດຫມາຍອຸດົມການສັງຄົມນິຍົມປະກອບສ່ວນເຂົ້າໃນພາລະກິດປ່ຽນແປງໃຫມ່ສ້າງສາພັດທະນາປະເທດຊາດໃຫ້ມັ່ງຄັ້ງເຂັ້ມແຂງປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ປະຊາທິປະໄຕ, ສິວິໄລ ແລະ ຍຸຕິກໍາ, ເພີ່ມທະວີບົດບາດການນໍາພາຂອງພັກ ຕໍ່ກໍາລັງປະກອບອາວຸດ, ເສີມຂະຫຍາຍທາດແທ້ມູນເຊື້ອອັນດີງາມຂອງຊາດ, ຂອງກອງທັບປະຊາຊົນລາວ ມີລະບຽບແບບແຜນ ແລະ ທັນສະໄຫມ, ເພີ່ມທະວີວຽກງານອົບຮົມຫັດແອບ ເພື່ອຍົກສູງຄວາມສາມາດທາງດ້ານສິລະປະຍຸດ-ຍຸດທະວິທີ ແລະ ການກຽມພ້ອມສູ້ຮົບ; ອອກແຮງກໍ່ສ້າງຫນ່ວຍພັກປອດໄສ, ເຂັ້ມແຂງ, ຫນັກແຫນ້ນ ຕິດພັນກັບການກໍ່ສ້າງກົມກອງ 3 ປອດ, ນັກຮົບວັດທະນະທໍາ – ກົມກອງວັດທະນະທໍາ ໃຫ້ມີຄຸນນະພາບສູງກວ່າເກົ່າ ແລະ ປະກົດຜົນເປັນຈິງ.

 

Off

Comments are closed.