11th Dec2020

ຂະບວນການແຂ່ງຂັນຍິງປືນ ຊິງຂັນລັດຖະມົນຕີກະຊວງ ປກສ

by somchan

ໃນວັນທີ 11 ທັນວາ ນີ້ ຄະນະບໍລິຫານງານຊາວໜຸ່ມ ກະຊວງ ປກສ ໄດ້ຈັດການແຂ່ງຂັນກິລາຍິງປືນຊິງຂັນ ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ເພຶ່ອສ້າງຂະບວນການຂ່ຳນັບ ຊົມເຊີຍວັນຊາດທີ 2 ທັນວາ ຄົບຮອບ 45 ປີ ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ ຜົນສຳເລັດກອງປະຊຸມໃຫ່ຍຜູ້ແທນ ອົງຄະນະພັກກະຊວງປ້ອງກັນຄວາມສະຫງົບ ຄັ້ງທີ 5 ຂ່ຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ວັນທີ 5 ເມສາ ຄົບຮອບ 60 ປີ ແລະ ຂ່ຳນັບຮັບຕ້ອນກອງປະຊຸມໃຫ່ຍ ຜູ້ແທນຊາວໜຸ່ມປະຊາຊົນປະຕິວັດລາວ ຄັ້ງທີ 8 ທີ່ຈະຈັດຂື້ນໃນມໍ່ໆນີ້ ທີ່ສະໝາມຝືກຊ້ອມຍິງປືນ 5 ເມສາ ໂດຍການເຂົ້າຮ່ວມເປັນກຽດມີ ທ່ານ ອາລຸນໄຊ ສູນນະລາດ ກຳມະການ ສຳຮອງສູນກາງພັກ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ພົຈວ ຄຳສາຍ ຈັນທະວົງ ຄະນະພັກກະຊວງ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ມີບັນດາຄະນະພັກ ຄະນະກົມ, ເລຂາຄະນະບໍລິຫານງານຊາວໜຸ່ມ 18 ກົມກອງອ້ອມຂ້າງ ກະຊວງປ້ອງກັນຄວາມສະຫງົບ, ສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍພະນັກງານ-ລັດຖະກອນ ແລະ ນາຍຫຼວດເຂົ້າຮ່ວມ.

ໂອກາດນີ້ ພັທ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະຊວງປ້ອງກັນຄວາມສະຫງົບ ໄດ້ກ່າວວ່າ: ການສ້າງຂະບວນການໃນຄັ້ງນີ້ແມ່ນສຸດທີ່ມີຄວາມໝາຍ, ຄວາມສຳຄັນເປັນຢ່າງຍິ່ງ ເພື່ອເປັນການສ້າງຂະບວນການຂ່ຳນັບຊົມເຊີຍ, ຂ່ຳນັບຮັບຕ້ອນວັນສຳຄັນຕ່າງໆຂອງພັກຂອງຊາດ ຂອງກຳລັງປ້ອງກັນຄວາມສະຫງົບ ໃຫ້ມີບັນຍາກາດຝົດຟື້ນ ແລະ ທັງເປັນການຝືກຊ້ອມຄວາມສຳນິຊຳນານ ໃນການນຳໃຊ້ອາວຸດ ໃຫ້ມີຄວາມຄ່ອງແຄ້ວ ເພື່ອພ້ອມກັນຮັບໃຊ້ໜ້າທີ່ການເມືອງ ໄດ້ຢ່າງເຕັມສ່ວນ ເປັນການປະກອບສ່ວນ ໃນການປົກປັກຮັກສາຄວາມສະຫງົບ ຄວາມເປັນລະບຽບຮຽບຮ້ອຍຂອງປະເທດຊາດ ສ້າງຄວາມສາມັກຄີຮັກແພງລະຫວ່າງ ພະນັກງານລັດດ້ວຍກັນ ໃຫ້ແໜ້ນແຟ້ນຍິ່ງໆຂຶ້ນ

ເຊີ່ງການແຂ່ງຂັນກິລາຍິງປືນໃນຄັ້ງນີ້ ແມ່ນມີນັກກິລາເຂົ້າຮ່ວມແຂ່ງຂັນ 100 ກ່ວາຄົນ ທີ່ມາຈາກກະຊວງ ປກສ ແລະ ສູນກາງຊາວໜຸ່ມປະຊາຊົນປະຕິວັດລາວ.

Off

Comments are closed.