16th Dec2020

ຄ້າຂາຍຢາບ້າຫວັງລວຍທາງລັດ ສຸດທ້າຍຖືກເຈົ້າໜ້າທີ່ກັກຕົວມາດຳເນີນຄະດີ

by somchan

ຕາມການລາຍງານຂອງເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນວັນທີ 08 ທັນວາ 2020 ເຈົ້າໜ້າທີ່ໄດ້ຮັບການລາຍງານຈາກພົນລະເມືອງດີ ວ່າມີກຸ່ມຄົນບໍ່ດີຈໍານວນໜຶ່ງ ໄດ້ເຄື່ອນໄຫວຄ້າຂາຍຢາເສບຕິດຢູ່ເຂດບ້ານບັງລຽງ ເມືອງປາກຊ່ອງ ແຂວງຈໍາປາສັກ ຈາກນັ້ນທາງເຈົ້າໜ້າທີ່ຈຶ່ງໄດ້ຈັດຕັ້ງກໍາລັງວິຊາສະເພາະ

ສົມທົບກັບ ປກສ ເມືອງປາກຊ່ອງ ແລະ ອໍານາດການປົກຄອງບ້ານ ຕິດຕາມກວດກາ ສາມາດກັກຕົວ ຕ້ອງຫາໄດ້ 03 ຄົນຄື: ນາງ ອຽນ ອາຍຸ 28 ປີ ຢູ່ບ້ານທົ່ງກາຫຼົງ, ທ້າວ ອຽນ ອາຍຸ 21 ປີ ຢູ່ບ້ານໜອງເຂືອງໃຫ່ຍ ແລະ ທ້າວ ສັກ ອາຍຸ 20 ປີ ຢູ່ບ້ານທົ່ງກາຫຼົງ ເມືອງປາກຊ່ອງ ແຂວງຈໍາປາສັກ ພ້ອມຢາບ້າຈໍານວນ 23.600 ເມັດ ແລະ ຂອງກາງພົວພັນກັບການກະທຳຜິດອີກຈໍານວນໜຶ່ງ.

ປະຈຸບັນເຈົ້າໜ້າທີ່ພວມດໍາເນີນຄະດີຕາມລະບຽບກົດໝາຍ.

Off

Comments are closed.