17th Dec2020

ລມຕ ກະຊວງ ປກສ ເນັ້ນໜັກໃຫ້ທົ່ວກຳລັງ ປກສ ເຮັດໜ້າທີ່ຢ່າງເຕັມສ່ວນ ຮັບປະກັນຄວາມສະຫງົບທົ່ວປວງຊົນຮອບດ້ານ

by somchan

ພົທ ວິໄລ ຫຼ້າຄໍາຟອງ ລັດຖະມົນຕີກະຊວງ ໄດ້ໃຫ້ທິດຊີ້ນໍາແກ່ຄະນະພັກ – ຄະນະນຳກົມກອງອ້ອມຂ້າງກະຊວງ ແລະ ປກສ ແຂວງໃນຂອບເຂດທົ່ວປະເທດ ໃນໂອກາດທີ່ເປັນປະທານໃນກອງປະຊຸມສະຫລຸບການເຄື່ອນໄຫວວຽກງານປ້ອງກັນຄວາມສະຫງົບ ປະຈຳປີ 2020 ແລະ  ວາງທິດທາງແຜນການ ປີ 2021 ທີ່ຈັດຂຶ້ນໃນລະຫວ່າງວັນທີ 15-16 ພະຈິກ 2020 ນີ້ ທ່ານໄດ້ກ່າວວ່າ: ວຽກງານປ້ອງກັນຄວາມສະຫງົບແມ່ນມີບົດບາດສໍາຄັນຕໍ່ຍຸດທະສາດຄວາມຄວາມໜັ້ນຄົງຂອງຊາດກໍ່ຄືທ້ອງຖິ່ນ-ຮາກຖານ ແມ່ນໜ້າທີ່ການເມືອງຕົ້ນຕໍ່ຂອງທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວ, ທີ່ຈະຕ້ອງໄດ້ພ້ອມກັນຈັດຕັ້ງປະຕິບັດຢ່າງຕັ້ງຫນ້າ ແລະມີີຄວາມຮັບຜິດຊອບສູງ ໃນໄລຍະຜ່ານມາຄະນະພັກ ແຕ່ລະຂັ້ນ ໄດ້ຕັ້ງຫນ້າຊີ້ນໍາ-ນໍາພາກົມກອງເຫລົ່າລົບວິຊາສະເພາະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງ ໂດຍສະເພາະແມ່ນ 4 ຄາດຫມາຍ 4 ແຜນງານໃຫ່ຍ 41ໂຄງການຢ່າງມີຈຸດສຸມ, ນັບແຕ່ຂັ້ນກະຊວງ ລົງຮອດກົມກອງທ້ອງຖິ່ນ ມີຜົນສໍາເລັດໃນຫຼາຍດ້ານ,

ສາມາດຮັກສາສະຖຽນລະພາບທາງດ້ານການເມືອງ, ຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍທາງດ້ານສັງຄົມ ໂດຍພື້ນຖານ ເຊິ່ງເປັນເງື່ອນໄຂເຮັດໃຫ້ການພັດທະນາ ເສດຖະກິດ-ສັງຄົມ ດໍາເນີນໄປຢ່າງຕໍ່ເນື່ອງ ຄຽງຄູ່ກັບຜົນງານດ້ານດີ ແລະ ຄວາມພະຍາຍາມໃນການຊີ້ນໍາ-ນໍາພາ ເຫັນວ່າຍັງມີຫລາຍດ້ານໃນຊຸມປີຕໍ່ຫນ້າທີ່ຈະຕ້ອງໄດ້ສຸມໃສ່ ເປັນຕົ້ນ ການຫັນກໍາລັງ ປກສ ລົງກໍ່ສ້າງຮາກຖານການເມືອງຢ່າງມີຈຸດສຸມ ຕິດພັນກັບການສ້າງບ້ານ ແລະ ກຸ່ມບ້ານພັດທະນາ ຕາມທິດ 3 ສ້າງ ຢູ່ເຂດພື້ນທີ່ຫລໍ່ແຫລມ , ເພີ່ມທະວີວຽກງານວິຊາສະເພາະໃຫ້ແຂງແຮງຢູ່ແຕ່ລະຂັ້ນ, ສ້າງ ແລະ ປັບປຸງບັນດາແຜນການ ກຽມພ້ອມສູ້ຮົບ, ຄຸ້ມຄອງກວດກາການນໍາໃຊ້ສື່ສັງຄົມອອນລາຍໃຫ້ທົ່ວເຖີງ ສຸມໃສ່ການກວດກາຄົນເຂົ້າ-ອອກເມືອງ, ຄຸ້ມຄອງຄົນຕ່າງດ້າວ, ວຽກງານຄຸ້ມຄອງສໍາມະໂນຄົວ, ສະກັດກັ້ນ ແລະ ຕ້ານບັນຫາຢາເສບຕິດ, ການຄ້າມະນຸດ, ຫລຸດຜ່ອນອຸປະຕິເຫດຕາມທ້ອງຖະຫນົນ,ປະສານສົມທົບຢ່າງກົມກຽວ ລະຫວ່າງກົມກອງທ້ອງຖິ່ນ ແລະ ສູນກາງແກ້ໄຂປະກົດການຫຍໍ້ທໍ້ຕ່າງໆທີ່ເກີດຂື້ນໃຫ້ທັນເວລາ ແລະ ຮັດກຸມ ຮັບປະກັນວຽກງານວິຊາສະເພາະ ເຊີ່ງບາງຕອນທ່ານໄດ້ກ່າວວ່າ:

Off

Comments are closed.