18th Dec2020

ກອງປະຊຸມສະຫຼຸບວຽກງານວິສາຫະກິດຮັກສາຄວາມປອດໄພທົ່ວປະເທດຄັ້ງທີ 5 ປະຈຳປີ 2020 ໄດ້ອັດລົງດ້ວຍຜົນສຳເລັດອັນຈົບງາມ

by somchan

ກອງປະຊຸມສະຫຼຸບວຽກງານວິສາຫະກິດຮັກສາຄວາມປອດໄພທົ່ວປະເທດຄັ້ງທີ 5 ປະຈຳປີ 2020 ໄດ້ອັດລົງດ້ວຍຜົນສຳເລັດອັນຈົບງາມ ພາຍຫຼັງໄດ້ດຳເນີນມາເປັນເວລາ 2 ວັນ ໃນວັນທີ 17 ທັນວາ 2020 ພາຍໃຕ້ການເປັນປະທານຂອງ ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີບັນດາຄະນະພັກກະຊວງ, ຮອງຫົວໜ້າກົມໃຫ່ຍ, ຫ້ອງວ່າການກະຊວງ, ຫົວໜ້າກອງບັນຊາການ ປກສ ແຂວງ, ວິທະຍາຄານ, ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ, ລັດວິສາຫະກິດບໍລິການຄວາມປອດໄພ ແລະ ບໍລິສັດບໍລິການຄວາມປອດໄພຈຳກັດໃນຂອບເຂດທົ່ວປະເທດເຂົ້າຮ່ວມ.

ເຊິ່ງກອງປະຊຸມສະຫຼຸບວຽກງານວິສາຫະກິດຮັກສາຄວາມປອດໄພທົ່ວປະເທດຄັ້ງທີ 5 ປະຈຳປີ 2020 ຄັ້ງນີ້ໄດ້ດຳເນີນມາດ້ວຍຈິດໃຈເຄັ່ງຮ້ອນແຕ່ເຕັມໄປດ້ວຍເນື້ອໃນ, ຄວາມໝາຍ ແລະ ຄວາມຮັບຜິດຊອບສູງຂອງບັນດາຜູ້ແທນເຂົ້າຮ່ວມກອງປະຊຸມ ເປັນຕົ້ນການປະກອບຄຳເຫັນຂອງບັນດາທ່ານຜູ້ແທນກອງປະຊຸມ ເຕັມໄປດ້ວຍບັນຍາກາດຟົດຟື້ນ ແລະ ມີຊີວິດຊີວາ, ມີຄວາມເປັນເອກະພາບສູງຕໍ່ກັບເນື້ອໃນເອກະສານສຳຄັນຕ່າງໆ ທີ່ຄະນະຈັດຕັ້ງໄດ້ນຳມາເຜີຍແຜ່ແນະນຳໃນຄັ້ງນີ້

ໃນກອງປະຊຸມທີ່ມີຄວາມໝາຍສຳຄັນນີ້ ຍັງໄດ້ຮັບການໂອ້ລົມຂອງ ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ, ຜົນສຳເລັດວຽກງານວິສາຫະກິດ ແລະ ກຳລັງຮັກສາຄວາມປອດໄພທີ່ຍາດມາໄດ້ໃນ 1 ປີຜ່ານມາ ແລະ ພ້ອມທັງເນັ້ນໜັກບາງບັນຫາທີ່ຕ້ອງໄດ້ເອົາໃຈໃສ່ຈັດຕັ້ງປະຕິບັດ ເປັນຕົ້ນເອົາໃຈໃສ່ສຶກສາອົບຮົມທັດສະນະແນວຄິດ, ຄວາມຮັບຮູ້ເຂົ້າໃຈຕໍ່ວຽກງານຮັກສາຄວາມປອດໄພ, ວຽກງານປ້ອງກັນຄວາມສະຫງົບ ຈຳແນກໃຫ້ໄດ້ອັນຜິດ, ອັນຖືກ, ມິດ, ສັດຕູໃຫ້ຈະແຈ້ງ, ເພີ່ມຄວາມຮັບຜິດຊອບໃນການປະຕິບັດໜ້າທີ່ຮັກສາຄວາມປອດໄພໃຫ້ມີຄຸນນະພາບ, ຕີຖອຍແນວຄິດເອກະຊົນ, ຂີ້ຄ້ານ, ມັກງ່າຍ, ຂາດຄວາມເປັນແບບຢ່າງເພື່ອຮັກສາພາບພົດຂອງກຳລັງຮັກສາຄວາມປອດໄພໃຫ້ດີໃນຕໍ່ໜ້າ, ເອົາໃຈໃສ່ຊີ້ນຳ-ບັນຊາກຳລັງຮັກສາຄວາມປອດໄພ ປະຕິບັດໜ້າທີ່ໃຫ້ມີປະສິດທິພາບ, ປະສິດທິຜົນ, ເນັ້ນຄຸນນະພາບເປັນຫຼັກ, ເອົາໃຈໃສ່ການຝຶກອົບຮົມວິຊາສະເພາະຮັກສາຄວາມປອດໄພ ໃຫ້ມີຄວາມຊຳນານ, ໜັກແໜ້

Off

Comments are closed.