18th Dec2020

ພິທີປະກາດກົງຈັກການຈັດຕັ້ງ ກອງບັນຊາການປ້ອງກັນສູນກາງ

by somchan

ກອງບັນຊາການປ້ອງກັນສູນກາງ ກະຊວງປ້ອງກັນຄວາມສະຫົງບ ໄດ້ປະກາດກົງຈັກການຈັດຕັ້ງ. ໃນວັນທີ 18 ທັນວາ 2020 ນີ້ ເປັນປະທານຂອງ ພົຈວ ສົມພົງ ຂຳວິລຸນ ຄະນະພັກກະຊວງ ຫົວໜ້າກອງບັນຊາການປ້ອງກັນສູນກາງ, ມີຄະນະກອງບັນຊາການ, ຄະນະພັກ- ຄະນະບັນຊາ, ຫ້ອງ, ກອງຮ້ອຍ, ໂຮງຮຽນ, ພະນັກງານຫຼັກແຫຼ່ງ ແລະ ພະນັກງານ-ນັກຮົບອ້ອມຂ້າງເຂົ້າຮ່ວມ.

ພັທ ສູນເພັງ ສິນທະວອນ ຫົວໜ້າຫ້ອງການເມືອງ ກອງບັນຊາການປ້ອງກັນສູນກາງ ໄດ້ຜ່ານຂໍ້ຕົກລົງ ລັດຖະມົນຕີກະຊວງປ້ອງກັນຄວາມສະຫົງບ ວ່າດ້ວຍ ການສ້າງຕັ້ງກອງພັນ ໃຫ້ຂຶ້ນກັບກອງບັນຊາການປ້ອງກັນສູນກາງ 3 ກອງພັນ ໃນນີ້ ມີ ກອງພັນປ້ອງກັນຜູ້ນຳພັກ-ລັດ ປະກອບມີ 1 ສຳນັກງານ, 4 ກອງຮ້ອຍ, ກອງພັນປ້ອງກັນສຳນັກງານ-ອົງການ ມີ 1 ສຳນັກງານ, 5 ກອງຮ້ອຍ ແລະ ກອງພັນປ້ອງກັນແຂກຕ່າງປະເທດ ກອງປະຊຸມ ມີ 1 ສຳນັກງານ, 3 ກອງຮ້ອຍຂຶ້ນກັບ ພ້ອມນີ້ຍັງໄດ້ ຜ່ານຂໍ້ຕົກລົງ ຂອງກົມໃຫຍ່ການເມືອງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງນາຍຕຳຫຼວດ ທີ່ຂຶ້ນກັບກອງບັນຊາການປ້ອງກັນສູນກາງ ໃນນີ້ໄດ້ແຕ່ງຕັ້ງ ບັນດາຫົວໜ້າຫ້ອງ, ຮອງຫ້ອງ, ກອງພັນທີ່ຂຶ້ນກັບກອງບັນຊາການປ້ອງກັນສູນກາງ ແລະ ຂໍ້ຕົກລົງ ຫົວໜ້າກອງບັນຊາການປ້ອງກັນສູນກາງ ວ່າດ້ວຍການແຕ່ງຕັ້ງນາຍຕຳຫຼວດອ້ອມຂ້າງ ກອງບັນຊາການ ປ້ອງກັນສູນກາງ ໃນນີ້ໄດ້ແຕ່ງຕັ້ງ ບັນດາຫົວໜ້າ ແລະ ຮອງພະແນກ, ສຳນັກງານ, ກອງຮ້ອຍ, ໝວດ, ໝູ່ ທີ່ຂຶ້ນກັບຫ້ອງ, ກອງພັນ ແລະ ໂຮງຮຽນ ອ້ອມຂ້າງກອງບັນຊາການປ້ອງກັນສູນກາງ. ທັງນີ້ເພື່ອເຮັດໃຫ້ລະບົບໂຄງຮ່າງກົງຈັກການຈັດຕັ້ງ ຂອງກອງບັນຊາການປ້ອງກັນສູນກາງ ມີຄວາມເປັນເອກະພາບ, ມີຄວາມຄ່ອງຕົວໃນການຄຸ້ມຄອງບັນຊາ ແລະ ເຄື່ອນໄຫວວຽກງານວິຊາສະເພາະໃຫ້ຖຶກຕ້ອງຕາມພາລະບົດບາດ, ໜ້າທີ່, ຂອບເຂດສິດການຈັດຕັ້ງຂອງຕົນ.

Off

Comments are closed.