29th Dec2020

ລັດວິສາຫະກິດລາວ ບໍລິການຄວາມປອດໄພ ລະຫວ່າງປະເທດ ເປີດຂະບວນການແຂ່ງຂັນ ສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກຳລັງ ປກສ ຄົບຮອບ 60 ປີ

by somchan

ລັດວິສາຫະກິດລາວ ບໍລິການຄວາມປອດໄພ ລະຫວ່າງປະເທດ ເປີດຂະບວນການແຂ່ງຂັນ ສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃນວັນທີ 29 ທັນວາ 2020 ນີ້ ໂດຍການເຂົ້າຮ່ວມເປັນກຽດ ຂອງ ພັທ ລີຕູັ ມີໄຊຕູັ ຜູ້ອຳນວຍການ ລັດວິສາຫະກິດ ບໍລິການຄວາມປອດໄພ ລະຫວ່າງປະເທດ ,ມີຄະນະພັກ, ຄະນະອຳນວຍການ, ຫົວໜ້າກອງຮ້ອຍ ແລະ ພະນັກງານວິຊາການເຂົ້າຮ່ວມ.

ພັທ ນາງ ແວວອຳໄພ ພົນວິໄລ ຫົວໜ້າຫ້ອງການບໍລິຫານ-ຈັດຕັ້ງລັດວິສາຫະກິດ ບໍລິການຄວາມປອດໄພ ລະຫວ່າງປະເທດ ໄດ້ຜ່ານຂໍ້ຕົກລົງ ຂອງລັດວິສາຫະກິດລາວ ບໍລິການຄວາມປອດໄພ ລະຫວ່າງປະເທດ ວ່າດ້ວຍການສ້າງຂະບວນການ ແຂ່ງຂັນສ້າງຜົນງານ ແລະ ຂໍ້ຕົກລົງວ່າດ້ວຍການແຕ່ງຕັ້ງຄະນະສະເພາະກິດລົງຕິດຕາມ-ກວດກາຂະບວນການແຂ່ງຂັນ ສ້າງຜົນງານເພື່ອຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃນນີ້ໄດ້ຕົກລົງໃຫ້ສາຍກວດ 6 ກອງຮ້ອຍ 13 ເໜື່ອ ແລະ 13 ໃຕ້ ສ້າງຂະບວນການແຂ່ງຂັນ ສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ແລະ ແຕ່ງຕັ້ງ ທ່ານ ບຸນຍັງ ສີສຸວັນ ຜູ້ກວດກາພັກ ເປັນຫົວໜ້າ ພັທ ຫັວງລີ ໄຊຊື່, ພັທ ສົມຫວັງ ຫວ່າງບົວຊົງ ເປັນຮອງ.

ຈາກນັ້ນ ພັທ ຄຳເພື່ອນ ພົມມະຈັກ ຮອງຜູ້ອຳນວຍການລັດວິສາຫະກິດ ບໍລິການຄວາມປອດໄພ ລະຫວ່າງປະເທດ ໄດ້ມີຄຳເຫັນກ່າວເປີດຂະບວນການແຂ່ງຂັນ ສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 60 ປີ ຕາມ 5 ເນື້ອໃນຄື: ການສືກສາອົບຮົມການເມືອງແນວຄິດ ໃຫ້ແກ່ກຳລັງຮັກສາຄວາມປອດໄພຢ່າງທົ່ວເຖີງ ໃຫ້ມີແນວຄິດອຸ່ນອ່ຽນ ທຸນທ່ຽງ, ເອົາໃຈໃສ່ໃນການປະຕິບັດໜ້າທີ່ ດ້ວຍຄວາມຮັບຜິດຊອບສູງ ໃຫ້ໄດ້ 95 ສ່ວນຮ້ອຍຂື້ນໄປ, ກວດກາຈຸດຢາມຂອງຕົນໃຫ້ຄົບ ທຸກກະຍາມໃຫ້ໄດ້ 90 ສ່ວນຮ້ອຍຂື້ນໄປ ປັບປຸງລະບຽບການນຸ່ງຖື ອຸປະກອນຮັກສາຄວາມປອດໄພຄົບຊຸດໃຫ້ໄດ້ 95 ສ່ວນຮ້ອຍຂື້ນໄປ ແລະ ອື່ນໆ ເຊີ່ງບາງເນື້ອໃນທ່ານມີຄຳເຫັນວ່າ:

ພ້ອມນີ້ບັນດາຫົວໜ້າກອງຮ້ອຍ ແຕ່ລະກອງຮ້ອຍຍັງໄດ້ຂື້ນ ຈັບມືກັນ ປະຕິບັດຂໍ້ແຂ່ງຂັນສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃຫ້ມີຂະບວນການຝົດຟື້ນ ໂດຍຊ່ອງໜ້າຜູ້ອຳນວຍການ ລັດວິສາຫະກິດລາວ ບໍລິການຄວາມປອດໄພ ລະຫວ່າງປະເທດ.

 

Off

Comments are closed.