30th Dec2020

ປກສ ແຂວງອັດຕະປື ຈັບຕົວເປົ້າໝາຍຄ້າຂາຍຢາເສບຕິດ 4 ຄົນ ພ້ອມຂອງກາງຢາໄອ 25 ຫໍ່

by somchan

ວັນທີ 24 ທັນວາ 2020 ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອັດຕະປື ໄດ້ສົມທົບກັບເຈົ້າໜ້າທີ່ດ່ານເຊປຽນ, ທະຫານກອງຮ້ອຍຊາຍແດນ 543, ປກສ ກຸ່ມບ້ານສົ້ມປ່ອຍ ແລະ ອໍານາດການປົກຄອງບ້ານຫາດໃຫ່ຍ ເມືອງສະໜາມໄຊ ແຂວງອັດຕະປື

ໄດ້ເຂົ້າກັກຕົວພວກລັກລອບຄ້າ-ຂາຍຢາເສບຕິດ 4 ຄົນ ພ້ອມຢາໄອ 25 ຫໍ່ ນ້ຳໜັກ 43 kg, ຜົງຂາວ 1 ຖົງ, ນໍ້າໜັກ 1 kg, ເງີນກີບ 4 ລ້ານກວ່າກີບ, ເງີນບາດ 6 ພັນກວ່າບາດ, ເງີນໂດລາ 7 ພັນໂດລາ, ໂທລະສັບ 5 ໜ່ວຍ ແລະ ລົດໃຫ່ຍ 1 ຄັນ. ຜູ້ຕ້ອງຫາທັງ 4 ຄົນມີ ທ້າວ ສົມວິດ ອາຍຸ 45 ປີ ປະຊາຊົນບ້ານອີໄລໃຕ້ ເມືອງນາຊາຍທອງ ນະຄອນຫຼວງວຽງຈັນ, ທ້າວ ຂັນທອງ ອາຍຸ 24 ປີ ປະຊາຊົນບ້ານຂັນໝາກ, ນາງ ແປ້ບຊີ ອາຍຸ 24 ປີ ປະຊາຊົນບ້ານນ້ຳພ້າວ ທັງສອງຢູ່ເມືອງວັງວຽງ ແຂວງວຽງຈັນ ແລະ ນາງ ແກ້ວວິໄລ ອາຍຸ 30 ປີ ປະຊາຊົນຢູ່ບ້ານໂພນໄຊ ນະຄອນປາກເຊ ແຂວງຈຳປາສັກ ຜ່ານການສືບສວນ-ສອບສວນ ພວກກ່ຽວໃຫ້ການຮັບສາລະພາບວ່າ: ຢາເສບຕິດຈຳນວນດັ່ງກ່າວແມ່ນຂອງພວກກ່ຽວແທ້.

ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີພວກກ່ຽວຕາມຂັ້ນຕອນກົດໝາຍ.

Off

Comments are closed.