04th Jan2021

ແມ່ຍິງກົມໃຫ່ຍຕຳຫຼວດ ສ້າງຂະບວນການດ້ານຕ່າງໆ ເພື່ອຂ່ຳນັບຮັບຕ້ອນວັນສຳຄັນ

by somchan

ພັນໂທ ນ. ສິມມະລີ ພັນທະວົງ ຄະນະບໍລິຫານງານ ສະຫະພັນແມ່ຍິງກະຊວງປ້ອງກັນຄວາມສະຫງົບ ປະທານສະຫະພັນແມ່ຍີງ ກົມໃຫ່ຍຕຳຫຼວດ ໄດ້ໃຫ້ສຳພາດວ່າ: ເພື່ອຂ່ຳນັບຮັບຕ້ອນວັນສ້າງຕັ້ງສະຫະພັນແມ່ຍິງກຳລັງປ້ອງກັນຄວາມສະຫງົບ ຄົບຮອບ 55 ປີ, ວັນສ້າງຕັ້ງກຳລັງ ປກສ ຄົບຮອບ 60 ປີ, ວັນສ້າງຕັ້ງກົມໃຫ່ຍຕຳຫຼວດ ຄົບຮອບ 45 ປີ ທີ່ຈະມາເຖິງໃນມໍ່ໆນີ້ ໃຫ້ເຕັມໄປດ້ວຍບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍສຳຄັນ,

ຄະນະສະຫະພັນແມ່ຍິງກົມໃຫ່ຍຕຳຫຼວດ ໄດ້ສ້າງຂະບວນການດ້ານຕ່າງໆ ເພື່ອຂ່ຳນັບຮັບຕ້ອນວັນສຳຄັນດັ່ງກ່າວ ເປັນຕົ້ນຂະບວນການແຂ່ງຂັນກິລາ, ສິລະປະ, ອານາໄມລວມ, ສຳລັບວຽກງງານວິຊາສະເພາະແມ່ນໄດ້ສຸມໃສ່ປະຕິບັດ 1 ແຜນງານ 2 ຍຸດທະສາດ 4 ໂຄງການ 17 ວຽກຈຸດສຸມ ແລະ ແຂ່ງຂັນປະຕິບັດລະບຽບວິໄນຂອງກົມກອງ ຕິດພັນກັບການປະຕິບັດເນື້ອໃນຂໍ້ແຂ່ງຂັນ 3 ດີ ຜ່ານການຈັດຕັ້ງປະຕິບັດວຽກງານວິຊາສະເພາະ 1 ປີຜ່ານມາ ຄະນະສະຫະພັນແມ່ຍີງກໍ່ຄືເອື້ອຍນ້ອງສາມາດຕິດຕາມເປົ້າໝາຍ ອາດສະຍາກຳຕ່າງໆ ເປັນຕົ້ນຈັບສັນຍານໂທລະສັບໄດ້ 196 ຄັ້ງ, ຮ່ວມແກ້ໄຂຄະດີຄຳຮ້ອງຟ້ອງ 34 ເລື່ອງ, ກວດຄົ້ນເຄຫະສະຖານຮັບ ແລະ ສົ່ງເຄື່ອງໃຫ້ເຈົ້າຂອງເດີມ 61 ຄັ້ງ, ຂັບລົດເປີດທາງໃຫ້ແຂກ 36 ຄັ້ງ, ຈົດທະບຽນປ້າຍລົດ 18,160 ຄັນ, ຮັບເອກະສານປ້າຍຕົກເຮ່ຍ 246 ສະບັບ, ແກ້ໄຂຄະດີຄ້າມະນຸດ 300 ກວ່າຄັ້ງ.

ຈາກຜົນງານດັ່ງກ່າວເຮັດໃຫ້ສະມາຊິກແມ່ຍີງພາຍໃນກົມໃຫ່ຍຕຳຫຼວດໄດ້ຮັບການຍ້ອງຍໍປະເພດຕ່າງໆ 35 ສະຫາຍ, ຄັດເລືອກແມ່ຍີງ 3 ດີ ປີ 2020 ປະເພດ I ມີ 248 ສະຫາຍ, 3 ດີ ປະເພດ II 19 ສະຫາຍ, ຄັດເລືອກໜ່ວຍແມ່ຍີງ 3 ດີ ໄດ້ 16 ໜ່ວຍ. ເຊິ່ງບາງຕອນທ່ານໄດ້ກ່າວວ່າ:

Off

Comments are closed.