12th Jan2021

ຈະລາຈອນນະຄອນຫຼວງວຽງຈັນຖະແຫຼງປິດເສັ້ນທາງຊົ່ວຄາວ

by somchan

ໃນວັນທີ 12 ມັງກອນນີ້ ພັທ ສັງຄົມ ພົມມະລາດ ຮອງຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນ ໄດ້ຖະແຫຼງກ່ຽວກັບການປິດເສັ້ນທາງ ຊົ່ວຄາວ ໃນບາງເວລາ ຢູ່ຖະໜົນໄກສອນພົມວິຫານ ແລະ ບັນດາເສັ້ນທາງອ້ອມຮອບຫໍປະຊຸມແຫ່ງຊາດ ໃນລະຫ່ວາງ ວັນທີ 13-15 ມັງກອນ 2021 ນີ້ ເຊີ່ງເປັນໄລຍະມື້ຈັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ, ທີ່ຫໍປະຊຸມແຫ່ງຊາດ.

ເພື່ອຈັດສັນເສັ້ນທາງສັນຈອນ ໃຫ້ມີຄວາມເປັນລະບຽບຮຽບຮ້ອຍ, ຮັບປະກັນໃຫ້ຂະບວນລົດການນຳພັກ – ລັດ, ລົດຂອງຜູ້ແທນ, ລົດຂອງສື່ມວນຊົນ, ລົດພະນັກງານຮັບໃຊ້ກອງປະຊຸມໄດ້ສັນຈອນໄປມາຢ່າງສະດວກປອດໄພ. ເຊີ່ງໄດ້ຈັດວາງກຳລັງຕຳຫຼວດຈະລາຈອນ ປະຈຳຢູ່ຕາມເສັ້ນທາງ, ຈຸດສຳຄັນຕ່າງໆ ທົ່ວນະຄອນຫຼວງວຽງຈັນ 77 ຈຸດ, ໃນນີ້ ເຂດອ້ອມຮອບຫໍປະຊຸມແຫ່ງຊາດມີ 19 ຈຸດ, ເຂດວົງນອກຫໍປະຊຸມມີ 34 ຈຸດ, ຈຸດປະຈຳການຄອຍເຫດ 10 ຈຸດ, ຈຸດກວດກາສັນຈອນ 10 ຈຸດ, ດ່ານເຂົ້າ – ເມືອງ 4 ຈຸດ, ເຊີ່ງຈະໄດ້ຄວບຄຸມ ລະບາຍການສັນຈອນຢ່າງເຂັ້ມງວດ ຕະຫຼອດ 24 ຊົ່ວໂມງ.

 

Off

Comments are closed.