13th Jan2021

ຄະນະຊີ້ນຳລວມປ້ອງກັນຂອງກົມໃຫຍ່ການເມືອງ ປກສ ລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ບັນດາຈຸດປ້ອງກັນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ

by somchan

ໃນວັນທີ 11 ມັງກອນ 2021 ຄະນະຊີ້ນຳລວມປ້ອງກັນຂອງກົມໃຫຍ່ການເມືອງ ປກສ ໄດ້ລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ບັນດາຈຸດປ້ອງກັນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ເຊິ່ງນຳພາໂດຍ ພັອ ເພີນຄຳ ແສງດາລາ ຄະນະພັກກົມໃຫຍ່ການເມືອງ ຫົວໜ້າກົມສື່ມວນຊົນ ແລະ ພັອ ສອນພະຈັນ ທຳມະວົງ ຄະນະພັກກົມໃຫຍ່ການເມືອງ ຫົວໜ້າກົມໂຄສະນາອົບຮົມ ກົມໃຫຍ່ການເມືອງ ປກສ ພ້ອມດ້ວຍຄະນະ.

       ໃນການລົງເຄື່ອນໄຫວໃນຄັ້ງນີ້ແມ່ນລົງກວດກາກຳລັງຢູ່ແຕ່ລະຈຸດປ້ອງກັນທີສຳຄັນຕ່າງໆເພື່ອກຳສະພາບການປະຕິບັດໜ້າທີຂອງພະນັກງານ-ນັກຮົບທີປະຈຳຢູ່ແຕ່ລະຈຸດປ້ອງກັນ ແລະ ເພື່ອເປັນການຄົ້ນຄ້ວາປະຕິບັດນະໂຍບາຍຕໍ່ພະນັກງານ-ນັກຮົບທີມີຜົນງານໃນການປະຕິບັດໜ້າທີໃຫ້ແທດເໝາະກັບສະພາບຕົວຈິ່ງ, ເກັບກຳສະພາບຂໍ້ສະດວກ, ຂໍ້ຫຍຸ້ງຍາກເພື່ອຮັບປະກັນໃຫ້ກັບວຽກງານປ້ອງກັນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວບັນລຸຕາມຈຸດປະສົງລະດັບຄາດໝາຍ, ຮັບປະກັນຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍຮອບດ້ານ.

       ໃນໂອກາດນີ້ທາງຄະນະຊີ້ນຳລວມປ້ອງກັນຂອງກົມໃຫຍ່ການເມືອງ ປກສ ແລະ ບັນດາຄະນະຮັບຜິດຊອບຂອງແຕ່ລະຈຸດປ້ອງກັນ ກໍ່ໄດ້ສົນທະນາ, ປຶກສາຫາລືແລກປ່ຽນບົດຮຽນຄຳຄິດຄຳເຫັນເຊິ່ງກັນ ແລະ ກັນ ຫຼາຍບັນຫາ ເພື່ອໃຫ້ບັນດາແຜນວຽກທີໄດ້ວາງໄວ້ມີຜົນສຳເລັດຢ່າງຈົບງາມ.

Off

Comments are closed.