13th Jan2021

ການນຳພັກ-ລັດ ແລະ ຜູ້ແທນກອງປະຊຸມເຂົ້າວາງພວງມາລາຢູ່ອານຸສາວະລີນັກຮົບນິລະນາມ ແລະ ໜ້າຮູບປັ້ນປະທານໄກສອນພົມວິຫານ

by somchan

ຄະນະບໍລິຫານງານສູນກາງພັກປະຊາຊົນປະຕິວັດລາວນຳໂດຍສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ ພ້ອມດ້ວຍຄະນະຜູ້ແທນທີ່ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ໄດ້ເຂົ້້າວາງພວງມາລາຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ຢູ່ໜ້າຮູບປັ້ນປະທານໄກສອນພົມວິຫານ ໃນຕອນເຊົ້າຂອງວັນທີ 12 ມັງກອນ 2021 ນີ້  ເນື່ອງໃນໂອກາດຂຳນັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ.

ການເຂົ້້າວາງພວງມາລາຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ຢູ່ໜ້າຮູບປັ້ນປະທານໄກສອນພົມວິຫານ ຂອງຄະນະບໍລິຫານງານສູນກາງພັກ ແລະ ຄະນະຜູ້ແທນທີ່ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວໃນຄັ້ງນີ້

ນອກຈາກເປັນການຂຳນັບຮັບຕ້ອນກອງປະຊຸມໃຫຍ່ແລ້ວຍັງເປັນການສະແດງເຖີ່ງຄວາມຮູ້ບຸນຄຸນ ແລະ ລະນຶກເຖີ່ງຜົນງານ, ຄຸນງາມຄວາມດີຂອງນັກຮົບປະຕິວັດທີ່ໄດ້ອຸທິດເຫື່ອແຮງ, ເສຍສະຫຼະຊີວິດເລືອດເນື້ອເພື່ອຕໍ່ສູ້ປົດປ່ອຍປະເທດຊາດ ແລະ ລະນຶກເຖີ່ງຄຸນງາມຄວາມດີຂອງປະທານໄກສອນພົມວິຫານຜູ້ນຳທີແສນເຄົາລົບຮັກຂອງປວງຊົນລາວບັນດາເຜົ່າທີເປັນຜູ້ກໍ່ຕັ້ງພັກປະຊາຊົນປະຕິວັດລາວ ແລະ ໄດ້ນຳພາຂະບວນການປະຕິວັດລຸກຮື້ຂື້ນຕໍ່ກັບສັດຕູຜູ້ຮຸກຮານຈົນສາມາດປົດປ່ອຍປະເທດຊາດ, ສະຖາປະນາເປັນ ສ ປປ ລາວ ໃນວັນທີ 2 ທັນວາ 1975 ພ້ອມທັງນຳພາປະຕິບັດສອງໜ້າທີຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດຈົນຈະເລີນຮຸ່ງເຮືອງມາເຖີ່ງທຸກວັນນີ້.

Off

Comments are closed.