13th Jan2021

ອານຸກໍາມະການປ້ອງກັນ ກົມໃຫຍ່ການເມືອງ ກະຊວງ ປກສ ລົງຕິດຕາມຊຸກຍູ້ວຽກງານ ປ້ອງກັນກອງປະຊຸມໃຫຍ່ ຄັ້ງທີ 11 ຂອງພັກ

by somchan

ພຈົວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ກະຊວງ ປກສ ພ້ອມ ດ້ວຍຄະນະ ໄດ້ລົງຕິດຕາມຊຸກຍູ້ວຽກງານປ້ອງກັນ ກອງປະຊຸມໃຫຍ່ ຄັ້ງທີ 11 ຂອງພັກ. ຢູ່ບັນດາຈຸດປ້ອງກັນຕ່າງໆ ເພື່ອໃຫ້ກໍາລັງໃຈ ແລະ ໃຫ້ທິດຊີ້ນໍາຕໍ່ກໍາລັງປ້ອງກັນໃນແຕ່ລະຈຸດ ສຸມໃສ່ໃນການປ້ອງກັນກອງປະຊຸມໃຫ້ມີຄວາມສະຫງົບ ປອດໄຟ.

ໂອກາດນີ້ ຫົວຫນ້າຈຸດປ້ອງກັນແຕ່ລະຈຸດ ໄດ້ລາຍງານສະພາບການຈັດຕັ້ງປະຕິບັດວຽກງານປ້ອງກັນ ຕະຫຼອດໄລຍະເລີ່ມຈັດຕັ້ງປະຕິບັດ ເຊິ່ງໃນແຕ່ລະບ້ານປະກອບມີ ກໍາລັງ ປກຊ-ປກສ ແລະ ປກສ ກຸ່ມບ້ານເຮັດຫນ້າທີ່ເວນຍາມຕະຫຼອດ 24 ຊົ່ວໂມງ ເພື່ອຕິດຕາມກວດກາພາຫະນະ ແລະ ຄົນເຂົ້າ-ອອກ, ປ້ອງກັນສະກັດ ກັ້ນປະກົດການຫຍໍ້ທໍ້ຕ່າງໆ. ນອກນັ້ນ, ຍັງໄດ້ແບ່ງຈຸກໍາລັງສາລະເວ ໃນຍາມກາງຄືນ, ຄອຍເຫດ 24 ຊົ່ວໂມງ ທັງນີ້ເພື່ອຮັບປະກັນໄດ້ຄວາມສະຫງົບ ແລະ ຄວາມເປັນ ລະບຽບຮຽບຮ້ອຍ ເຮັດໃຫ້ກອງປະຊຸມດໍາເນີນໄປດ້ວຍຜົນສໍາເລັດ.

ໂອກາດດັ່ງກ່າວ ພຈົວ ຄໍາສາຍ ຈັນທະວົງ ໄດ້ສະແດງຄວາມຍ້ອງຍໍຊົມເຊີຍ ແລະ ໃຫ້ກໍາລັງໃຈຕໍ່ເຈົ້າຫນ້າທີ່ ທີ່ປະຕິບັດຫນ້າທີ່ວຽກງານຂອງຕົນຢ່າງມີຄວາມ ຮັບຜິດຊອບສູງ. ພ້ອມທັງ ເນັ້ນຫນັກໃຫ້ເຈົ້າຫນ້າທີ່ຢູ່ບັນດາຈຸດຕ່າງໆ ສືບຕໍ່ປະຕິບັດວຽກງານປ້ອງກັນ ໃນ ໄລຍະການດໍາເນີນກອງປະຊຸມໃຫຍ່ ຄັ້ງທີ 11 ຂອງພັກ ໃຫ້ມີຜົນສໍາເລັດ ພ້ອມທັງຮັກສາ ໄດ້ຄວາມສະຫງົບ ແລະ ຄວາມເປັນລະບຽບຮຽບ ຮ້ອຍໂດຍພື້ນຖານ.

Off

Comments are closed.