14th Jan2021

ຮອງຫົວໜ້າກົມໃຫ່ຍການເມືອງ ປກສ ເນັ້ນການນຳພາ-ບັນຊາ ຂອງທຸກໜ່ວຍພັກກົມກອງໃນຕໍ່ໜ້າຕ້ອງເຂັ້ມງວດຕາມລະບຽບການ

by somchan

ພຈົວ ປອ ສຸວັນນີ ສີສຸພາບມີໄຊ ຄະນະພັກກະຊວງ ຮອງເລຂາຄະນະພັກກົມໃຫ່ຍ ຮອງຫົວຫນ້າກົມໃຫຍ່ການເມືອງ ປກສ ໄດ້ໂອ້ລົມ ແລະ ໃຫ້ທິດຊີ້ນໍາແກ່ຄະນະພັກ-ຄະນະນໍາ ອ້ອມຂ້າງກົມໃຫຍ່ການເມືອງ ປກສ ໃນໂອກາດທີ່ທ່ານໄດ້ເຂົ້າຮ່ວມ ເປັນປະທານກອງຊຸມສະຫລຸບວຽກງານປະຈໍາປີ 2020 ຂອງກົມໃຫ່ຍການເມືອງ ປກສ ທີ່ຈັດຂຶ້ນໃນວັນທີ 12 ມັງກອນ 2021 ທ່ານ ໄດ້ກາວວາ:

ການຊີ້ນໍາ-ນໍາພາຂອງຄະນະພັກກົມໃຫຍ່ ກໍຄືຄະນະພັກແຕ່ລະຂັ້ນ ຜ່ານມາໄດ້ຕັ້ງ ຫນ້າຊີ້ນໍາ ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງ ແລະ ມະຕິ ກອງ ປະຊຸມໃຫຍ່ຄັ້ງທີ VI ຂອງຄະນະພັກກົມໃຫຍ່ ສືບຕໍ່ຈັດຕັ້ງປະຕິບັດ ແຜນງານໃຫຍ່ທີ 2 ແລະ 9 ໂຄງການຂອງ ກະຊວງ ປກສ ວາງອອກ ຢ່າງມີຈຸດສຸມ, ແທດເຫມາະ ຕົວຈິງ ແລະ ມີຜົນສໍາເລັດໃນ ຫຼາຍດ້ານ, ຜົນງານດັ່ງກ່າວນັ້ນ, ຍ້ອນມີການຊີ້ນໍາ-ນໍາພາ, ການບັນຊາຂອງຄະນະພັກກະຊວງ, ກໍ່ຄື ຄະນະ ພັກກົມໃຫຍ່ ຊຶ່ງໄດ້ຕັ້ງຫນ້າ ຊີ້ນໍາ-ນໍາພາ, ບັນຊາຈັດຕັ້ງປະຕິບັດ ແລະ ແກ້ໄຂແຕ່ລະວຽກງານ

ຊົນ (5 ປີ ) ຢ່າງ ໃກ້ຊິດ ເຖີງຢ່າງໃດກໍຕາມ, ຄຽງຄູ່ກັບຜົນສໍາເລັດຫຼາຍດ້ານ ໃນຕໍ່ໜ້ານີ້ຍັງຈະຕ້ອງໄດ້ສືບຕໍ່ແກ້ໄຂ : ເອົາໃຈໃສ່ສືບຕໍ່ສຶກສາອົບຮົມການເມືອງ-ນໍາພາແນວຄິດໃນທົ່ວກໍາລັງ ໃຫ້ມີຄວາມຫນັກແຫນ້ນ ເຂັ້ມແຂງ ແທດເຫມາະກັບຫນ້າທີ່ການເມືອງ ຂອງກໍາລັງໃນສະພາບການໃຫມ່, ສ້າງເງື່ອນໄຂ ຍູ້ແຮງ ຂະບວນການໃນທົ່ວກໍາລັງ ເພື່ອຂ່ໍານັບຮັບຕ້ອນວັນສ້າງ ຕັ້ງກໍາລັງ ປກສ ຄົບຮອບ 60 ປີ ກອງປະຊຸມ ໃຫຍ່ ຄັ້ງທີ XI ຂອງພັກ , ດໍາເນີນການເລືອກຕັ້ງສະມາຊິກ ສະພາແຫ່ງຊາດຊຸດທີ IX, ສະມາຊິກ ສະພາປະຊາຊົນແຂວງ-ນະຄອນຫຼວງ ຊຸດທີ II ປັບປຸງລະບົບການຈັດຕັ້ງນໍາພາ-ບັນຊາ, ກໍານົດໂຄງ ປະກອບບຸກຄະລາກອນ ແລະ ຈໍາ ນວນພົນໃຫ້ແທດເຫມາະກັບຫນ້າທີ່ການເມືອງ

ຄຽງຄູກັບການແກ້ໄຂປະກົດການຫຍໍ້ທໍ້ໃນກົມກອງ ຖ້າຫົວຫນ່ວຍກົມກອງໃດໄດ້ປັບປຸງແລ້ວ, ແຕ່ເຄື່ອນໄຫວບໍ່ໄປບໍ່ມາ ສ້າງຄວາມຫຍຸ້ງຍາກ ແລະ ຍັງມີຫາງສຽງສ່ອງແສງຈາກສັງຄົມແມ່ນໃຫ້ປັບປຸງຄືນໃຫມ່ຈົນກວ່າຫົວຫນ່ວຍນັ້ນຈະມີຄວາມສະຫງົບ, ມີຄວາມເປັນເອກະພາບ ແກ້ໄຂສະມາຊິກພັກທີ່ເສຍທາດຂາດຄຸນ, ຂາດສະຕິຮັບຜິດຊອບຕໍ່ຫນ້າທີ່, ຂາດຄວາມເປັນແບບຢ່າງໃນການດໍາລົງຊີວິດ, ລະເມີດວິໄນພັກ ແລະ ກົດຫມາຍຂອງລັດ , ເສີມຂະຫຍາຍບົດບາດຂອງກົມກອງ ວິຊາສະເພາະໃນການປະຕິບັດຫນ້າທີ່ການເມືອງໃຫ້ສໍາເລັດຕາມການມອບຫມາຍ.

Off

Comments are closed.