09th Jul2013

ລັດຖະມົນຕີວ່າການກະຊວງ ປກສ ເດີນທາງໄປຢ້ຽມຢາມ ສປ ຈີນ

by somchan

ໃນວັນທີ7ກໍລະກົດ2013ທ່ານ ດຣ ທອງບັນ ແສງອາພອນ ເລຂາທິການສູນກາງພັກລັດຖະມົນຕີວ່າການກະຊວງ ປ້ອງກັນຄວາມສະຫງົບແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມແລະເຮັດວຽກຢູ່ ສປ ຈີນຢ່າງ ເປັນທາງການຕາມການເຊື້ອເຊີນຂອງລັດຖະມົນຕີວ່າການ ກະຊວງຮັກສາຄວາມໝັ້ນຄົງ ສປ ຈີນ.

ໃນການຢ້ຽມຢາມໃນຄັ້ງນີ້ບັນດາຄະນະຜູ້ແທນຈະໄດ້ຮ່ວມລົງນາມເຊັນບົດບັນທຶກການຮ່ວມມື ລະຫວ່າງກະຊວງປ້ອງກັນຄວາມສະຫງົບ ສປປ ລາວ ກັບ ກະຊວງຮັກສາຄວາມໝັ້ນຄົງ ສປ ຈີນ ເປັນຄັ້ງທຳອິດ ເພື່ອເປັນການເສີມຂະຫຍາຍສາຍພົວພັນເພີ່ມທະວີຄວາມຮ່ວມມື ແລະ ແລກປ່ຽນປະສົບການ – ບົດຮຽນໃນການປະຕິບັດວຽກງານຂອງສອງປະເທດ ເວົ້າລວມ ເວົ້າສະເພາະກໍ່ແມ່ນກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງຮັກສາຄວາມໝັ້ນຄົງ ສປ ຈີນ ໃນການປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີປະສິດທິຜົນ ແລະ ມີຄວາມແໜ້ນແຟ້ນຫຼາຍຂື້ນ.

ໃນໂອກາດນີ້ບັນດາຄະນະຜູ້ແທນຍັງຈະໄດ້ພົບປະກັບທ່ານລັດຖະມົນຕີວ່າການກະຊວງສັນຕິບານ ສປ ຈີນ ແລະ ພົບປະກັບກຳມະການກົມການເມືອງສູນກາງພັກ ເລຂາຄະນະພັກການເມືອງ ແລະ ກົດໝາຍສູນກາງພັກ ຄອມມູນິດຈີນ ພ້ອມທັງທ່ຽວຊົມບັນດາພື້ນຖານໂຄງລ່າງເສດຖະກິດ-ສັງຄົມ ແລະ ສະຖານທີ່ທ່ອງທ່ຽວແຫ່ງຕ່າງໆ ທີ່ໄດ້ຮັບຄວາມນິຍົມໃນ ສປ ຈີນ.

Off

Comments are closed.