14th Jan2021

ສືບຕໍ່ດຳເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 11 ຂອງພັກ

by somchan

ໃນການດໍາເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນ ປະຕິວັດລາວ ໃນມື້ທີ 2 ຄືວັນທີ 14 ມັງກອນ 2021 ພາຍໃຕ້ການເປັນປະທານຂອງສະຫາຍ ບຸນຍັງ ວໍລະຈິດ ເລຂາທິການທິໃຫຍ່ ຄະນະບໍລິຫານງານສູນກາງພັກ ປະທານປະເທດ ບັນດາຄະນະຜູ້ແທນ ກອງປະຊຸມໄດ້ຮັບຟັງ ແລະ ປະກອບຄໍາຄິດເຫັນໃສ່ຮ່າງບົດສໍາຫຼວດການນໍາພາລວມ ຂອງຄະນະບໍລິຫານງານສູນກາງພັກສະໄຫມທີ 10 ທີ່ສະເຫນີ ໂດຍ ສະຫາຍ ພັນຄໍາ ວິພາວັນ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ, ຮັບຟັງການສະເຫນີມາດຖານ, ເງື່ອນໄຂ ແລະ ລາຍຊື່ຜູ້ສະຫມັກຮັບເລືອກຕັ້ງເຂົ້າໃນຄະນະບໍລິຫານງານສູນກາງພັກສະໄຫມທີ 11 ນໍາສະເຫນີໂດຍສະຫາຍ ຈັນສີ ໂພສີຄໍາ ກໍາມະການກົມການເມືອງສູນກາງພັກ ຫົວຫນ້າຄະນະຈັດຕັ້ງສູນກາງພັກ ຫົວຫນ້າ ອະນຸກໍາມະການກົດລະບຽບ ແລະ ບຸກຄະລາກອນ. ພ້ອມດຽວກັນນີ້ ບັນດາຄະນະຜູ້ແທນກອງປະຊຸມ ໄດ້ພ້ອມກັນຄົ້ນຄວ້າບຸກຄະລາກອນຢ່າງພາວະວິໄສ ແລະ ປ່ອນບັດເລືອກ ຕັ້ງເອົາກໍາມະການສູນກາງພັກທັງສົມບູນ ແລະ ສໍາຮອງ ຖືກຕ້ອງຕາມກົດລະບຽບຂອງພັກວາງອອກ.

ສຳລັບການດໍາເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນ ປະຕິວັດລາວ ໃນມື້ທຳອິດຄື ວັນທີ 13 ມັງກອນ 2021 ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ ໄດ້ກ່າວຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງ ພັກວ່າ: ທິດທາງ ຕົ້ນຕໍ ທັງເປັນເປົ້າຫມາຍ ໃຈກາງຂອງການບູລະນະລະບອບ ປະຊາທິປະໄຕ ປະຊາຊົນ ໃຫ້ສົມບູນຍິງຂື້ນໃນຊຸມປີຕໍ່ຫນ້າ ພັກແມ່ນຖືເອົາວຽກງານ ປ້ອງກັນຊາດ-ປ້ອງກັນຄວາມສະຫງົບເປັນຫນ້າທີ່ພື້ນຖານ ແລະ ຕ້ອງປະຕິບັດຢ່າງເປັນປະຈໍາ ໄປພ້ອມກັບການບູລະນະລະບອບການເມືອງທີ່ພັກເປັນແກນນຳໃຫ້ມີຄວາມ ເຂັ້ມແຂງ, ຮັບປະກັນໃຫ້ການເມືອງມີສະຖຽນລະພາບຢ່າງຫນັກແຫນ້ນ.

ສ່ວນວັນທີ 15 ມັງກອນ 2021 ແມ່ນຈະເປັນມື້ສຸດທ້າຍຂອງການດຳເນີນກອງປະຊຸມ.

 

Off

Comments are closed.