21st Jan2021

ພິທີໂຮມຊຸມນຸມລະນຶກວັນສ້າງຕັ້ງກອງທັບປະຊາຊົນລາວຄົບຮອບ 72 ປີ

by somchan

ໃນວັນທີ 19 ມັງກອນ 2021ນີ້,ກະຊວງປ້ອງກັນປະເທດໄດ້ຈັດຕັ້ງພິທີໂຮມຊຸມນຸມລະນຶກ ວັນສ້າງຕັ້ງກອງທັບປະຊາຊົນລາວຄົບຮອບ 72 ປີຄື: 20/1/1949-20/1/2021ຂື້ນຢູ່ສະໂມສອນ ກົມໃຫຍ່ການເມືອງກອງທັບ. ໂດຍການໃຫ້ເປັນປະທານຂອງສະຫາຍພົນໂທ ທອງ ລອຍ ສີລິວົງ ກໍາມະການສູນກາງພັກ,ຮອງລັດຖະມົນຕີກະຊວງປ້ອງກັນປະເທດ,ຫົວຫນ້າກົມໃຫຍ່ ການເມືອງກອງທັບ ມີບັນດາສະຫາຍຄະນະນໍາກະຊວງປ້ອງກັນປະເທດ,ພະນັກງານປະຕິວັດອາວຸໂສ-ບິ່ງ ນານ,ພະນັກງານຫລັກແຫລ່ງອ້ອມຂ້າງກະຊວງປ້ອງກັນປະເທດເຂົ້າຮ່ວມ.

ໂອກາດນີ້ສະຫາຍພົນໂທ ທອງລອຍ ສີລິວົງ ກໍາມະການສູນກາງພັກ,ຮອງລັດຖະມົນຕີກະຊວງປ້ອງ ກັນປະເທດ,ຫົວຫນ້າກົມໃຫຍ່ການເມືອງກອງທັບກ່າວຄໍາປາໃສຕໍ່ພິທີໂຮມຊຸມນຸມລະນຶກວັນສ້າງຕັ້ງ

ກອງທັບປະຊາຊົນລາວຄົບຮອບ 72 ປີ ວ່າ: ຕະຫຼອດໄລຍະ 72 ປີ ຜ່ານມາ ໂດຍພາຍໃຕ້ການຊີ້ນໍາ-ນໍາພາເດັດຂາດ, ໂດຍກົງ ແລະ ຮອບດ້ານຂອງພັກການຈັດຕັ້ງປະຕິບັດແນວທາງ ປ້ອງກັນຊາດທົ່ວປວງຊົນຮອບດ້ານ ໄດ້ຕິດພັນກັບການພັດທະນາເສດຖະກິດ-ສັງຄົມ,ກອງທັບປະຊາຊົນລາວ ສາມາດຍາດໄດ້ຜົນງານອັນໃຫຍ່ຫຼວງແລະສ້າງວິລະກໍາອັນລ້ໍາເລີດ ເປັນຄວາມເອກອ້າງທະນົງໃຈໃຫ້ແກ່ກອງທັບປະຊາຊົນລາວກໍ່ຄືປະເວດຊາດຂອງພວກເຮົາ. ໂດຍຢຶດໝັ້ນ ແລະ ເສີມຂະຫຍາຍແນວທາງປ່ຽນແປງໃໝ່ ຮອບດ້ານ ແລະ ມີຫຼັກການຂອງພັກ,ກອງທັບ ປະຊາຊົນລາວສາມາດປະກອບສ່ວນຮັບປະກັນເຮັດໃຫ້ປະເທດຊາດມີສະຖຽນລະພາບທາງດ້ານ ການເມືອງຢ່າງຫນັກແຫນ້ນ, ເປັນກໍາລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບດ້ານຂອງພັກ ຕິດພັນກັບພັດທະນາຊົນນະບົດແກ້ໄຂຄວາມທຸກຍາກ ຂອງປະຊາຊົນ,ເດັດດຽວປະຕິບັດຕາມແນວທາງປ່ຽນແປງໃຫມ່ຂອງພັກ,ປົກປັກຮັກສາແລະ ເສີມຂະຫຍາຍທາດແທ້ປະຕິວັດ,ມູນເຊື້ອດີງາມຂອງຊາດ,ຂອງກອງທັບປະຊາຊົນລາວ,ຝຶກຝົນຫຼໍ່ຫຼອມ ທັດສະນະຄຸນສົມບັດສິນທໍາປະຕິວັດ,ຕັ້ງຫນ້າປັບປຸງກໍ່ສ້າງກໍາລັງໃຫ້ເຕີບໃຫຍ່ເຂັ້ມແຂງໃນທຸກດ້ານ, ຮູ້ຈັກອີງໃສກໍາລັງແຮງສັງລວມຂອງທົ່ວປວງຊົນ,ຫັນລົງກໍ່ສ້າງຮາກຖານການເມືອງຢ່າງແຂງແຮງ, ເຮັດໃຫ້ສະພາບຢູ່ຮາກຖານມີຄວາມສະຫງົບໂດຍພື້ນຖານ ແລະ ປະຊາຊົນບັນດາເຜົ່າມີຄວາມເຊື່ອຫມັ້ນຕໍ່ ກອງທັບປະຊາຊົນລາວ ປັດໃຈອັນສໍາຄັນຫນຶ່ງອີກທີ່ປະກອບສ່ວນສ້າງໃຫ້ກອງທັບປະຊາຊົນລາວ ເຕີບໃຫຍ່ເຂັ້ມແຂງ ແລະ ສາມາດເຮັດສໍາເລັດຫນ້າທີ່ອັນສູງສົ່ງຂອງຕົນນັ້ນ ກໍ່ ແມ່ນການ ປະກອບສ່ວນອຸ້ມຊູຊ່ວຍເຫຼືອອັນໃຫຍ່ຫຼວງຂອງບັນດາປະເທດເພືອນມິດຍຸດທະສາດ ສັງຄົມນິຍົມໃນ ຕະຫຼອດໄລຍະແຫ່ງການຕໍ່ສູ້ກູ້ຊາດ ໃນເມື່ອກ່ອນກໍ່ຄືໃນພາລະກິດປົກປັກຮັກສາ ແລະ ສ້າງສາ ພັດທະນາປະເທດຊາດໃນປັດຈຸບັນທີ່

ໃນພິທີທີບັນດາທ່ານການນຳ ແລະ ແຂກຖືກເຊີນ ຍັງໄດ້ຮັບຊົມ ການສະແດງສີນລະປະວັນນະຄະດີ ຂອງກອງສີລະປະກອນ ກອງທັບ ຕາມແຕ່ລະລາຍການຢ່າງມີບັນຍາກາດເບີກບານມ່ວນຊື່ນຕື່ມອີກ.

 

Off

Comments are closed.