12th Jul2013

ລາວ-ຈີນຮ່ວມມືວຽກງານຮັກສາຄວາມໝັ້ນຄົງ

by somchan

ທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍຄະນະໄດ້ເດີນທາງເຖິງນະຄອນຫຼວງ ວຽງຈັນດ້ວຍຄວາມສະຫວັດດີພາບໃນຕອນທ່ຽງຂອງວັນທີ 11 ກໍລະກົດ 2013 ພາຍຫຼັງສຳເລັດການຢ້ຽມຢາມສັນທະ ວະໄມຕີກະຊວງຄວາມໝັ້ນຄົງແຫ່ງ ສປ ຈີນ ຢ່າງເປັນທາງ ການໃນວັນທີ 7 ກໍລະກົດ 2013 ໂດຍມີບັນດາຄະນະພັກ ກະຊວງປ້ອງກັນຄວາມສະຫງົບໃຫ້ການຕ້ອນຮັບຄະນະຢ່າງ ອົບອຸ່ນທີ່ສະໜາມບິນສາກົນວັດໄຕ.      ທ່ານ ພົຈວ ພູມມີ ວັນດີໄຊ ຫົວໜ້າຫ້ອງວ່າການກະຊວງ ປກສ  ເປີດເຜີຍວ່າ:ການຢ້ຽມຢາມໃນຄັ້ງນີ້ ບັນດາຄະນະຜູ້ແທນກະຊວງ ປກສ ລາວ ໄດ້ພົບປະເຈລະຈາ ແລະ ເຮັດວຽກກັບກະຊວງຄວາມໝັ້ນຄົງ ສປ ຈີນ,ທັງສອງຝ່າຍໄດ້ພ້ອມກັນລົງນາມສັນຍາຮ່ວມມືວຽກງານຮັກສາຄວາມໝັ້ນຄົງຄັ້ງທຳອິດ, ເຊີ່ງນີ້ແມ່ນຜົນສຳເລັດຢ່າງໃຫຍ່ຫຼວງ ແລະ ເປັນການເພີ່ມທະວີການພົວພັນລະຫວ່າງສອງຊາດ ເວົ້າລວມ, ເວົ້າສະເພາະແມ່ນສອງກໍາລັງປ້ອງກັນຄວາມສະຫງົບແຫ່ງ ສປປ ລາວ ແລະ ກຳລັງຄວາມໝັ້ນຄົງແຫ່ງ ສປ ຈີນ ທັງສອງຝ່າຍຈະມີການຮ່ວມມືກັນ ເພື່ອເຮັດໃຫ້ສອງປະເທດມີຄວາມໝັ້ນຄົງ.ຝ່າຍຈີນຍັງຍິນດີ ໃຫ້ການຊ່ວຍເຫຼືອຝ່າຍລາວຫຼາຍດ້ານຄື: ຝຶກອົບຮົມດ້ານວິຊາສະເພາະ, ດ້່ານເຄື່ອງມືອຸປະກອນທີ່ຈຳເປັນ ແລະ ສ້າງບຸກຄະລາກອນ. ໃນໂອກາດນີ້, ບັນດາຄະນະຜູ້ແທນຍັງໄດ້ເຂົ້າຢ້ຽມຂ່ຳນັບ ທ່ານ ເມິ່ງ ຈຽນຈູ້ ກຳມະການກົມການເມືອງສູນກາງພັກ ເລຂາຄະນະພັກການເມືອງ ແລະ ກົດໝາຍ ສູນກາງພັກຄອມມູນິດຈີນ,ອະດີດລັດຖະມົນຕີກະຊວງສັນຕິບານ ສປ ຈີນ ແລະ ພົບປະທ່ານລັດຖະມົນຕີວ່າການກະຊວງສັນຕິບານ ສປ ຈີນ ຕື່ມອີກ.

Off

Comments are closed.