29th Jan2021

ພິທີມອບ-ຮັບຢາເສບຕິດ 1 ລ້ານກ່ວາເມັດ ແລະ ຢາໄອສ 9 ຖົງ ລະຫວ່າງກອບັນຊາການ ປກສ ແຂວງສະຫວັນນະເຂດ

by somchan

ໃນວັນທີ25 ມັງກອນ 2021 ກອງບັນຊາການ ທະຫານແຂວງສະຫວັນນະເຂດ ໄດ້ມອບ ຢາເສບຕິດ ປະເພດ (ຢາບ້າ) ຈໍານວນ 788ມັດແລະຢາໄອສ 09 ຖົງ ທີເຈົ້າໜ້າທີ່ກອງບັນຊາການທະຫານແຂວງສະຫວັນນະເຂດ ຍຶດໄດ້ໃຫ້ ເຈົ້າໜ້າທີຕຳຫຼວດກອງບັນຊາການ ປກສ ແຂວງສະຫວັນນະເຂດ ກ່າວມອບໂດຍທ່ານ ພົຈວ ສີທະວີໄຊ ຫົວໜ້າການເມືອງ ກອງບັນຊາການທະຫານແຂວງສະຫວັນນະເຂດ ແລະກ່າວຮັບໂດຍທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ,ເຂົ້າຮ່ວມ ພົຈວ ສີພັນພຸດທະວົງ ຫົວໜ້າກົມຊາຍແດນກົມໃຫ່ຍເສນາທິການກອງທັບ, ມີຄະນະຫ້ອງ ປກຊ-ປກສ ແຂວງ,ພະແນກຕຳຫຼວດສະກັດກັ້ນແລະຕ້ານຢາເສບຕິດ,ເຈົ້າໜ້າທີ່ທະຫານຊາຍແດນ324ແລະພາກສ່ວນທີ່ກ່ຽວຂ້ອງເຂົ້າຮ່ວມ

.

ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ ໃຫ້ຮູ້ວ່າ:  ຢາເສບຕິດປະເພດ(ຢາບ້າ)ຈໍ່ານວນ788 ມັດເທົ່າກັບ 1,576,000ເມັດແລະຢາໄອສ 09 ຖົງນັ້ນແມ່ນທາງເຈົ້າໜ້າທີ່ທະຫານຊາຍແດນ 324 ຢຶດໄດ້ ໃນວັນທີ 25ມັງກອນ 2021 ນີ້ ຈາກການປະຕິບັດໜ້າທີ່ອອກກວດກາລາດຕະເວນຢູ່ຂອບເຂດບ້ານຫ້ວຍໄຜ່ ນະຄອນໄກສອນພົມວິຫານ ແຂວງສະຫວັນນະເຂດ  ໃນຄະນະທີ່ອອກກວດກາຢູ່ນັ້ນ ທາງເຈົ້າໜ້າທີ່ທະຫານຊາຍແດນ 324 ກໍ່ໄດ້ພົບເຫັນເປົາສີຂາວຈໍານວນ 07 ເປົາ ທີ່ຊຸກເຊື່ອງໄວ້ຢູ່ໃນປ່າ ຈາກນັ້ນທາງເຈົ້າໜ້າທີ່ກໍ່ໄດ້ກວດກາເບິ່ງດັ່ງກ່າວ ຈິ່ງຮູ້ວ່າ: ມີຢາເສບຕິດ ແລ້ວຈິ່ງປະສານຫາພາກສ່ວນກ່ຽວຂ້ອງມາກວດກາ,ແລ້ວກໍ່ນຳໄປມອບໃຫ້ເຈົ້າໜ້າທີ່ວິຊາສະເພາະ ພະແນກຕຳຫຼວດສະກັດກັ້ນແລະຕ້ານຢາເສບຕິດ ກອງບັນຊາການ ປກສ ແຂວງ ສຶບຕໍ່ດຳເນີນຕາມກົດໝາຍ.

 

 

 

 

Off

Comments are closed.