02nd Feb2021

ລັດຖະມົນຕີກະຊວງ ປກສ ເໜັ້ນໜັກວຽກງານພະລາທິການ ໃຫ້ພຽງພໍ, ຄົບຖ້ວນ ແລະ ທັນສະໄຫມ

by somchan

ພົທ ວິໄລ ຫລ້າຄຳຟອງ ກຳມະການກົມການເມືອງສູນກາງພັກ ລັດຖະມົນຕີກະຊວງ ປກສ ໄດ້ໂອ້ລົມແລະໃຫ້ທິດຊີນຳ ຄະນະພັກ – ຄະນະບັນຊາ ກົມກອງ ແລະ ພະນັກງານຫລັກແຫລ່ງກົມໃຫຍ່ພາລາທິການປ້ອງກັນຄວາມສະຫງົບ ໃນໂອກາດທີ່ທ່ານໄດ້ເຂົ້າຮ່ວມກອງປະຊຸມສະຫລຸບວຽກງານພະລາທິການປະຈຳປີ 2020 ແລະວາງທິດທາງແຜນການປີ 2021 ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະ 1 ປີ ຜ່ານມາ ຄ່ຽງຄູ່ກັບຜົນສໍາເລັດໃນຫຼາຍດ້ານທີ່ຍາດມາໄດ້ໃນໄລຍະຜ່ານມາ, ບັນດາຄະນະພັກ-ຄະນະບັນຊາ ພະນັກງານຫຼັກແຫຼ່ງ ຕ້ອງສຸມໃສ່ຈັດຕັ້ງປະຕິບັດແຜນງານຮັບປະກັນພະລາທິການ ແລະ 6 ໂຄງການ ເພື່ອຮັບປະກັນດ້ານພະລາທິການໃຫ້ນັບມື້ນັບພຽງພໍ, ຄົບຖ້ວນ ແລະ ທັນສະໄຫມ ສຸມໃສ່ສ້າງບຸກຄະລາກອນພະລາທິການ ໃຫ້ພຽງພໍທັງດ້ານຈໍານວນ ແລະ ຄຸນນະພາບ ສຸມໃສ່ຈັດຕັ້ງປະຕິບັດແຜນງົບປະມານ ແລະ ແຜນການລົງທຶນຂອງລັດ ປະຈໍາປີ 2021 ທີ່ກະຊວງປ້ອງກັນຄວາມສະຫງົບ ໄດ້ຮັບອະນຸມັດຈາກລັດຖະບານໃຫ້ຖືກຕ້ອງຕາມລະບຽບກົດຫມາຍ, ເບີກຈ່າຍເງິນເດືອນ, ເງິນເຄື່ອນໄຫວວິຊາສະເພາະໃຫ້ທັນເວລາ, ເອົາໃຈໃສ່ຈັດຕັ້ງປະຕິບັດໂຄງການກໍ່ສ້າງ-ສ້ອມແປງ ຈາກແຫຼ່ງທຶນພາຍໃນ ແລະ ຕ່າງປະເທດ ໃຫ້ສໍາເລັດຕາມແຜນການທີ່ວາງໄວ້.ເອົາໃຈໃສ່ປະກອບພາຫະນະ, ອຸປະກອນເຕັກນິກ, ເຄື່ອງອຸປະໂພກ-ບໍລິໂພກ ໃຫ້ ພຽງພໍ ແລະ ທັນກັບຄວາມຮຽກຮ້ອງຕ້ອງການອັນຈໍາເປັນຂອງວຽກງານປ້ອງກັນຄວາມສະຫງົບ.

Off

Comments are closed.