04th Feb2021

ຮອງ ລມຕ ກະຊວງ ປກສ ເນັ້ນໜັກກຳລັງປ້ອງກັນເຄື່ອນທີ່ ສຸມໃສ່ຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ

by somchan

ພົຕ ປອ ທອງເຫຼັກ ມັງໝໍ່ເມກ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ຄະນະພັກ-ຄະນະບັນຊາ, ພະນັກ ງານຫຼັກແຫຼ່ງ ນາຍ ແລະ ພົນຕຳຫຼວດ ກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ໃນອາທິດຜ່ານມານີ້ ໃນໂອກາດທີ່ທ່ານໄດ້ເຂົ້າຮ່ວມ ກອງປະຊຸມສະຫຼຸບວຽກງານປະຈຳປີ 2020 ແລະ ວາງທິດທາງແຜນການວຽກງານຈຸດສຸມປີ 2021

ໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ, ຜົນສຳເລັດທີ່ຄະນະພັກ, ຄະນະບັນຊາ, ພະນັກງານຫຼັກແຫຼ່ງ ນາຍ ແລະ ພົນຕຳຫຼວດກອງບັນຊາການປ້ອງກັນເຄື່ອນທີ່ຍາດມາໄດ້ໃນ 1 ປີຜ່ານມາ ພ້ອມນີ້ທ່ານກໍ່ໄດ້ຮຽກຮ້ອງໃຫ້ຄະນະພັກ, ຄະນະບັນຊາ ກອງບັນຊາການປ້ອງກັນເຄື່ອນທີ່ແຕ່ລະຂັ້ນ ຕ້ອງເອົາໃຈໃສ່ຊີ້ນຳ-ນຳພາ ໃຫ້ແທດເຖິງ, ປັບປຸງແບບແຜນວິທີເຮັດວຽກ, ເພີ່ມທະວີການປັບປຸງກຳລັງໃຫ້ໜັກແໜ້ນເຂັ້ມແຂງ, ມີຄຸນນະພາບ ແລະ ທັນສະໄໝ ສຸມໃສ່ເຄື່ອນໄຫວຕ້ານ, ສະກັດກັ້ນທຸກໝໍ່ແໜງຄວາມບໍ່ສະເຫງົບ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ. ທັງແກ້ໄຂຖືກຕ້ອງ, ສອດຄ່ອງ, ທັນເວລາ ແລະ ມີປະສິດທິຜົນ ພ້ອມນີ້ກໍ່ຕ້ອງໄດ້ເພີ່ມທະວີສຶກສາອົບຮົມການເມືອງນຳພາແນວຄິດ ໂດຍແນ່ໃສ່ທາດແທ້ມູນເຊື້ອປະຕິວັດຂອງກຳລັງປ້ອງກັນຄວາມສະຫງົບປະຊາຊົນ, ມີຄຸນສົມບັດມີນ້ຳໃຈເສຍສະຫຼະຮັບໃຊ້ປະຊາຊົນໃຫ້ສູງ, ຕິດພັນກັບການປັບປຸງຍົກລະດັບຄວາມສາມາດໃນການນຳໃຊ້ເຄື່ອງມື, ອຸປະກອນທີ່ທັນສະໄໝ, ເພື່ອຮັບປະກັນໃຫ້ການປະຕິບັດໜ້າທີ່ມີປະສິດທິຜົນ ເຊິ່ງບາງເນື້ອໃນໂອ້ລົມທ່ານໄດ້ກ່າວວ່າ:

Off

Comments are closed.