08th Feb2021

ປະທານສະມາຄົມນັກທຸລະກິດ ຍິງ ຈັດງານເທດສະການອາຫານລາວ ປະຈຳປີ 2021

by somchan

ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດ ຍິງ ທັງເປັນປະທານຄະນະກຳມະການ ຈັດງານເທດສະການອາຫານລາວ ປະຈຳປີ 2021 ໄດ້ຖະແຫຼ່ງຂ່າວ ໃນວັນທີ 5 ກຸມພາ 2021 ທີ່ຮ້ານອາຫານ ເລີປາແດກ ເມືອງໄຊເຊດຖາ ນະຄອນຫຼວງວຽງຈັນ ກ່ຽວກັບການຈັດກິດຈະກຳ ເທດສະການອາຫານລາວ ປະຈຳປີ 2021 ວ່າ:

ການຈັດເທດສະການອາຫານລາວ ໃນຄັ້ງນີ້ ເປັນການປູກຈິດສຳນືກ ໃນການອະນຸລັກອາຫານ ການກີນຢູ່, ການດຳລົງຊີວິດທີ່ເປັນວັດທະນາທຳ ຮິດຄອງປະເພນີດັ່ງເດີມ ແລະ ປັບໃຫ້ເຂົ້າກັບຍຸກສະໄໝຂອງຄົນລາວເຮົາ ເພື່ອເສີມສ້າງບັນຍາກາດ ແບບສັງຄົມພື້ນເມືອງລາວ ທີ່ເຄີຍມີມາ ແລະ ສືບຕໍ່ຊຸກຍູ້ສົ່ງເສີມແມ່ຍິງ ຜູ້ຜະລິດ, ຜູ້ປູກຝັງ, ລ້ຽງສັດ ທີ່ປຸງແຕ່ງໃນຮ້ານອາຫານ ໂຮຽແຮມ ຮ້ານຂາຍຍ່ອຍ ຈາກທ້ອງຖິ່ນຕ່າງໆ ແລະ ຈາກນະຄອນຫຼວງວຽງຈັນ, ເພື່ອໂຄສະນາປຸກລະດົມເຊີນຊວນຜູ້ປະກອບການແມ່ຍິງ ໃນການຜະລິດເປັນສິນຄ້າໃຫ້ສາມາດສ້າງເຄື່ອຂ່າຍ ການຄ້າຢ່າງກວ້າງຂວາງ ໃນຂອບເຂດທົ່ວປະເທດ ແລະ ພາກພື້ນ ເປັນການສົ່ງເສີມນະໂຍບາຍ ລາວທ່ຽວລາວ ແລະ ເພື່ອສາມາດຕອບສະໜອງສິນຄ້າຢ່າງພຽງພໍໃຫ້ແກ່ຜູ້ມາທ່ຽວຊົມ ໄດ້ຈັບຈ່າຍຊື້ຂາຍຢ່າງສະດວກສະບາຍ ເຊີ່ງພິທີເປີດງານເທດສະການອາຫານລາວປະຈຳປີ 2021 ແມ່ນຈັດຂື້ນໃນລະຫວ່າງວັນທີ 23 ຫາ 27 ກຸມພາ 2021.

Off

Comments are closed.