10th Feb2021

ກອງປະຊູມ​ເຜີຍ​ແຜ່​ຜົນ​ການ​ຄົ້ນຄວ້າ​ປະຈຳ​ປີ ຄັ້ງທີ 2 ຂອງ​ໂຄງການ​ສ້າງ​ຖານ​ຂໍ້​ມູນ​ຂ່າວສານ​ແຫ່ງ​ຊາດ ດ້ານ​ໂພຊະ​ນາ​ການ

by somchan

ກອງປະຊູມ​ເຜີຍ​ແຜ່​ຜົນ​ການ​ຄົ້ນຄວ້າ​ປະຈຳ​ປີ ຄັ້ງທີ 2 ຂອງ​ໂຄງການ​ສ້າງ​ຖານ​ຂໍ້​ມູນ​ຂ່າວສານ​ແຫ່ງ​ຊາດ ດ້ານ​ໂພຊະ​ນາ​ການໄດ້ຈັດຂື້ນ ​ໃນ​ວັນ 10 ກຸມພາ 2021ນີ້ ທີ່​ ຫໍ​ປະຊຸມ​ແຫ່ງ​ຊາດ ນະຄອນຫຼວງວຽງຈັນ, ພາຍໃຕ້ການເປັນປະທານຮ່ວມຂອງທ່ານ  ນາງ ສີສົມບູນ ອຸນາວົງ ຫົວໜ້າກົມຮ່ວມມືສາກົນ ກະຊວງແຜນການ ແລະ ການລັງທືນ, ທ່ານ  ຈອນ ເພັຍເຊີນ Jonh Pearson, ເອກອັກຄະລັດຖະທູດແຫ່ງຣາຊະອານາຈັກອັງກິດ ປະຈໍາ ສປປ ລາວ ແລະ ດຣ ນາງ ເພຍ ເຣເບນໂລບຣິໂຕຜູ້​ຕາງໜ້າ​ອົງການສະຫະປະຊາດສໍາລັບເດັກ  ປະຈຳ​ລາວ ມີບັນດາຫົວໜ້າ​ກົມ, ຮອງ​ກົມ, ຫົວໜ້າ​ພະ​ແນ​ກ, ຮອງ​ພະ​ແນ​ກ​ຈາກ​ບັນດາ​ແຂວງ​ທົ່ວ​ປະ​ເທດແລະຂະແໜງການທີ່ກ່ຽວຂອງເຂົ້າຮ່ວມ.

ທ່ານ ນາງສົມບູນ ອຸນາວົງ ຫົວໜ້າກົມຮ່ວມມືສາກົນ ກະຊວງແຜນການ ແລະ ການລັງທຶນໄດ້ມີຄໍາເຫັນກ່າວເປີດກອງປະຊຸມວ່າ: ກອງປະຊູມ​​ເຜີຍ​ແຜ່​ຜົນ​ການ​ຄົ້ນຄວ້າ​ປະຈຳ​ປີ ຄັ້ງທີ 2 ຂອງໂຄງການ​ສ້າງ​ຖານ​ຂໍ້​ມູນ​ຂ່າວສານ​ແຫ່ງ​ຊາດ ດ້ານ​ໂພຊະ​ນາ​ການ ແມ່ນເພື່ອສ້າງຖານຂໍ້ມູນຕ່າງໆທີ່ຕິດພັນກັບວຽກໂພຊະນາການ ເຂົ້າໃນການຮັບໃຊ້ໃນການວິໄຈ ແລະ ຕິດຕາມຄວາມຄືບໜ້າຂອງວຽກງານໂພຊະນາການ ພ້ອມທັງກຳນົດນະໂຍ ບາຍດ້ານໂພຊະນາການໃຫ້ມີຄວາມສອດຄ່ອງ ​ແລະ ສະຫນັບສະຫນູນຕາມນະ​ໂຍບາຍ​ແຜນ​ງານ​ຂໍ້​ມູນ​ຂອງ​ຄະນະກໍາມະການ​ແຫ່ງ​ຊາດ​ດ້ານ​ໂພ​ຊະນາ​ການ ​ເຊິ່ງ​ໂຄງການ​ດັ່ງກ່າວ​​​ເຫັນ​ວ່າມີ​ບົດບາດ​ສຳຄັນ​ ທີ່​ຈະ​ຊ່ວຍ​ສ້າງ​ຄວາມ​ອາດ​ສາມາດ​ໃນ​ດ້ານ​ການ​ຄຸ້ມ​ຄອງ ​ແລະ ວິ​ໄຈ​ຂໍ້​ມູນ​ຂ່າວສານ​ດ້ານ​ໂພຊະ​ນາ​ການ ​ເພື່ອ​ສາມາດ​ປະ​ເມີນ ​ແລະ ສ້າງ​ນະ​ໂຍບາຍ​ຫຼຸດຜ່ອນ​ການ​ຂາດ​ສານ​ອາຫານ​ໃນ ສປປ ລາວ. ພ້ອມ​ກັນ​ນັ້ນ​, ກໍ່​ຈະ​ເປັນ​ການ​ສະໜັບສະໜູນການຈັດຕັ້ງປະຕິບັດຍຸດທະສາດ ຮອດປີ 2025, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025), ເປົ້າໝາຍຫລຸດພົ້ນອອກຈາກສະຖານະພາບປະເທດດ້ອຍພັດທະນາໃນປີ 2020 ແລະ ເປົ້າໝາຍການພັດທະນາແບບຍືນຍົງໃນປີ 2030.   ມາຮອດປະຈຸບັນ ໂຄງການດັ່ງກ່າວກໍ່ໄດ້ຖືກຈັດຕັ້ງປະຕິບັດເປັນປີທີ 3 ແລ້ວ ແລະ ກໍ່ໄດ້ມີຜົນສຳເລັດ ແລະ ຄວາມຄືບໜ້າໃນຫຼາຍດ້ານ​.

Off

Comments are closed.