17th Feb2021

ແຂວງ ໄຊຍະບູລີ ຖອດຖອນບົດຮຽນກ່ຽວກັບການຈັດງານ ບຸນຊ້າງຄັ້ງທີ 15 ປະຈຳປີ 2021

by somchan

ໃນຕອນເຊົ້າຂອງວັນທີ 17 ກຸມພາ ນີ້, ແຂວງ ໄຊຍະບູລີ ໄດ້ຈັດກອງປະຊຸມສະຫຼຸບຖອດຖອນບົດຮຽນກ່ຽວກັບການຈັດງານ ບຸນຊ້າງ ຄັ້ງທີ 15 ປະຈຳປີ 2021, ໂດຍການເປັນປະທານຂອງ ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີ ປະທານຈັດງານ ບຸນຊ້າງ, ເຂົ້າຮ່ວມມີ ມີເຈົ້າເມືອງ ໄຊຍະບູລີ, ມີບັນດາອານຸກຳມະການແຕ່ລະພາກສ່ວນເຂົ້າຮ່ວມຢ່າງພ້ອມພຽງ.

ໃນກອງປະຊຸມ ທ່ານ ພອນສະຫວັນ ໄຊສົມພັນ ຫົວໜ້າຫ້ອງວ່າການ ແຂວງ ໄດ້ຂຶ້ນຜ່ານບົດສະຫຼຸບຫຍໍ້ກ່ຽວກັບການຈັດງານມະຫາກຳບຸນຊ້າງ ຄັ້ງທີ 15 ປະຈຳປີ 2021  ເຊິ່ງທ່ານໄດ້ຍົກໃຫ້ເຫັນຜົນງານດ້ານດີ-ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈາກການຈັດງານບຸນດັ່ງກ່າວ, ທ່ານຍັງໄດ້ກ່າວຕື່ມອີກວ່າ: ຄະນະຮັບຜິດຊອບແຕ່ລະອານຸກໍາມະການແມ່ນໄດ້ເອົາໃຈໃສ່ປະຕິບັດໜ້າທີ່ວຽກງານແຕ່ລະກິດຈະກຳ ທີ່ໄດ້ຮັບມອບໝາຍໃຫ້ຢ່າງມີຄວາມຮັບຜິດຊອບສູງ ເຮັດໃຫ້ກິດຈະກຳຕ່າງໆຂອງງານບຸນໄດ້ຮັບຜົນສຳເລັດຕາມລະດັບຄາດໝາຍ, ເວົ້າລວມແລ້ວ ການຈັດງານ ບຸນຊ້າງຄັ້ງທີ 15 ປະຈຳປີ 2021 ນີ້ ແມ່ນໄດ້ຮັບຜົນສຳເລັດຢ່າງຈົບງາມ, ຮັບປະກັນໄດ້ຄວາມເປັນລະບຽບຮຽບຮ້ອຍ ແລະ ຮັກສາໄດ້ຄວາມສະຫງົບປອດໄພ, ໃນກອງປະຊຸມຜູ້ເຂົ້າຮ່ວມຍັງໄດ້ແລກປ່ຽນຄຳຄິດຄຳເຫັນເຊິ່ງກັນ ແລະ ກັນ ພ້ອມທັງໄດ້ວາງແຜນສືບຕໍ່ແຕ່ນີ້ຫາມື້ຈັດງານບຸນຄັ້ງຕໍ່ໄປ

Off

Comments are closed.