19th Feb2021

ກະຊວງ ປກສ ມີຄວາມພ້ອມຮອບດ້ານໃນການປ່ອນບັດເລືອກຕັ້ງ ແລະ ການປະຕິບັດໜ້າທີ່ໃນການປ້ອງກັນຄວາມສະຫງົບ

by somchan

ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫ່ຍການເມືອງ ປກສ, ຮອງອະນຸກຳມະການເລືອກຕັ້ງຂັ້ນກະຊວງ ໄດ້ໃຫ້ສຳພາດຕໍ່ສື່ມວນຊົນ ປກສ ໃນວັນທີ 19 ກຸມພາ 2021 ນີ້ວ່າ: ພາຍຫຼັງທີ່ກະຊວງປ້ອງກັນຄວາມສະຫງົບໄດ້ຮັບມະຕິຂອງຄະນະກຳມະການເລືອກຕັ້ງລະດັບຊາດ ວ່າດ້ວຍການຈັດຕັ້ງເຄື່ອນໄຫວຂອງຄະນະກຳມະການເລືອກຕັ້ງລະດັບຊາດ ເພື່ອດຳເນີນການເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະມາຊິກສະພາປະຊາຊົນຂັ້ນແຂວງ ຊຸດທີ 2 ກະຊວງປ້ອງກັນຄວາມສະຫງົບ

ໄດ້ສ້າງແຜນການໃນການປ່ອນບັດ ເຊິ່ງຢູ່ຂັ້ນສູນກາງແມ່ນມີ 14 ໜ່ວຍປ່ອນບັດເລືອກຕັ້ງ, ກຸ່ມ ປກສ ນະຄອນຫຼວງວຽງຈັນ ແລະ ປກສ ແຂວງທົ່ວປະເທດ ແມ່ນຈັດເປັນໜ່ວຍປ່ອນບັດເລືອກຕັ້ງ ຄະນະຮັບຜິດຊອບລວມ, ກອງເສນາຊ່ວຍວຽກ, ບັນດາອະນຸກຳມະການຕ່າງໆ  ແລະ ອະນຸກຳມະການຊ່ວຍວຽກ ເພື່ອກະກຽມໃຫ້ແກ່ການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນຂັ້ນແຂວງ ຊຸດທີ2.

ສຳລັບວຽກງານປ້ອງກັນກໍ່ໄດ້ອອກຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການແຕ່ງຕັ້ງຄະນະຊີ້ນຳລວມ, ຄະນະຊີ້ນຳພາກສະໜາມ, ກອງເສນາຊ່ວຍວຽກ ແລະ ອະນຸກຳມະການຮັບໃຊ້ວຽກງານປ້ອງກັນ, ພ້ອມທັງໄດ້ວາງແຜນການປ້ອງກັນ ເພື່ອຮັບປະກັນໃຫ້ການປ່ອນບັດເລືອກຕັ້້ງຄັ້ງນີ້ມີຄວາມສະຫງົບປອດໄພ 100% ແລະ ໄດ້ມອບໝາຍໃຫ້ກົມ-ກອງວິຊາສະເພາະ ແລະ ບັນດາກອງບັນຊາການ ປກສ ແຂວງທົ່ວປະເທດ ຈັດຕັ້ງຜັນຂະຫຍາຍ.

ນອກນີ້ ຍັງໄດ້ປະສານສົມທົບກັບກະຊວງປ້ອງກັນປະເທດຢ່າງກົມກຽວ, ໄດ້ແຕ່ງຕັ້ງຄະນະບັນຊາລົງຕິດຕາມການປ້ອງກັນການມາໃຊ້ສິດຂອງການນຳພັກ-ລັດ ປ້ອງກັນພື້ນຖານເສດຖະກິດ, ບັນດາດ່ານ, ປ້ອງກັນຕາມຊາຍແດນ ແລະ ແຕ່ງຕັ້ງຈຸປະຈຳການ ຕະຫຼອດ 24 ຊົ່ວໂມງ ຢູ່ສູນບັນຊາກະຊວງ ປກກສ.

Off

Comments are closed.