23rd Feb2021

ປກສ ເມືອງປາກງື່ມ ປ້ອງກັນບັ້ນເລືອກຕັ້ງ ສສຊ-ສສຂ ຮັບປະກັນຄວາມສະຫງົບ-ປອດໄພໄດ້ 100%.

by somchan

ພັທ ບຸນສີຈັນ ວົງຄຳດີ ຫົວໜ້າກອງບັນຊາການປ້ອງກັນຄວາມສະຫງົບ ເມືອງປາກງື່ມ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວວິທະຍຸປ້ອງກັນຄວາມສະຫງົບ, ໃນວັນທີ 22 ກຸມພາ 2021 ນີ້້ ວ່າ: ໂດຍຈັດຕັ້ງປະຕິບັດຕາມແຜນການຂອງກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ ກໍ່ຄືແຜນການວຽກງານຂອງກອງບັນຊາການປ້ອງກັນຄວາມສະຫງົບເມືອງປາກງື່ມ ໃນການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ໃຫ້ແກ່ບັ້ນເລືອກຕັ້ງ ສສຊ ຊຸດທີ 9 ແລະ  ສສຂ ຊຸດທີ 2 , ໃນ 53 ໜ່ວຍປ່ອນບັດທົ່ວເມືອງປາກງື່ມ. ທາງກອງບັນຊາການປ້ອງກັນຄວາມສະຫງົບເມືອງປາກງື່ມ ໄດ້ສົມທົບກັບກອງບັນຊາການທະຫານເມືອງ ໄດ້ຈັດວາງກຳລັງປ້ອງກັນຊາດ-ປ້ອງກັຄວາມສະຫງົບ ລົງປ້ອງກັນເວນຍາມຢູ່ແຕ່ລະຈຸດເລືອກຕັ້ງ ແຕ່ວັນທີ 19-21 ກຸມພາ ນີ້ ຢູ່ແຕ່ລະຈຸດປ້ອງກັນ ແມ່ນໄດ້ເຮັດສຳເລັດໜ້າທີ່ການເມືອງຂອງຕົນ ທີ່ພັກ-ລັດ ແລະ ການຈັດຕັ້ງຂັ້ນເທິງມອບໝາຍໃຫ້ ແລະ ພ້ອມທັງຮັບປະກັນໄດ້ຄວາມສະຫງົບ ຄວາມເປັນລະບຽບຮຽບຮ້ອຍ ໄດ້ຮ້ອຍສ່ວນຮ້ອຍ.

Off

Comments are closed.