24th Feb2021

ກອງປະຊຸມປຶກສາຫາລືກ່ຽວກັບແຜນສ້າງຂະບວນການແຂ່ງຂັນກິລາ ເພື່ອຂໍ່ານັບຮັບຕ້ອນວັນສ້າງຕັ້ງກໍາລັງ ປກສ ຄົບຮອບ 60 ປີ

by somchan

ຄະນະອານຸກໍາມະການຂະບວນການເພື່ອຂໍ່ານັບຮັບຕ້ອນວັນສ້າງຕັ້ງກໍາລັງ ປກສ ຄົບຮອບ 60 ປີ ໄດ້ຈັດກອງປະຊຸມປຶກສາຫາລືກ່ຽວກັບແຜນການສ້າງຂະບວນການແຂ່ງຂັນກິລາຂຶ້ນ ໃນວັນທີ 22 ກຸມພາ 2021 ທີ່ກະຊວງປ້ອງກັນຄວາມສະຫງົບ ໂດຍການເຂົ້າຮ່ວມຂອງ ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປກສ ມີບັນດາອານຸກໍາມາການ ແລະ ຄະນະຮັບຜິດຊອບຈັດການ ແຂ່ງຂັນກິລາ 19 ກົມກອງອ້ອມຂ້າງກະຊວງ ປກສ ເຂົ້າຮວ່ມ.

 

ພັອ ທອງເພັດ ມະນີສະຫວັນ ຫົວຫນ້າກົມກິລາ ໄດ້ກ່າວວ່າ: ເພື່ອເຮັດໃຫ້ຂະບວນການແຂ່ງຂັນກິລາຂໍ່ານັບຮັບຕ້ອນວັນສ້າງຕັ້ງກໍາລັງ ປກສ ຄົບຮອບ 60 ປີ ໃຫ້ມີບັນຍາກາດເບີກບານມ່ວນຊື່ນ, ເປັນຂະບວນການກວ້າງຂວາງ ແລະ ເຕັມໄປດວ້ຍເນື້ອໃນທີ່ມີຄວາມຫນາຍ ຄວາມສໍາຄັນ ພ້ອມທັງເປັນການສ້າງຄວາມສາມັກຄີຮັກແພງເຊິ່ງກັນ ແລະ ກັນຢູ່ພາຍໃນໃຫ້ມີຄວາມແຫນ້ນແຟ້ນ ແລະ ໃຫ້ມີຜົນສໍາເລັດຢ່າງຈົບງາມ ເຊີ່ງປະເພດກິລາທີ່ນໍາເຂົ້າແຂ່ງຂັນມ 7 ປະເພຸດຄື: ກິລາບານເຕະລະດັບການນໍາ ແລະ ບານເຕະຊາວຫນຸ່ມທົ່ວໄປ ກິລາບານສົ່ງຍິງ-ຊາຍ, ກິລາກະຕໍ້ທິມດ່ຽວຊາຍທົ່ວໄປ, ກິລາເປຕັງຄູ່ຍິງ-ຄູ່ຊາຍ-ທີມຊຸດຍິງ-ທີມຊຸດຊາຍ, ກິລາວິຊາສະເພາະນຸ່ງເຄື່ອງແບບໄວ-ມ້າງ ແລະ ປະກອບປືນອາກ້າຍິງ-ຊາຍ, ກິລາຍິງປືນລະດັບການນໍາ ແລະ ຍິງ-ຊາຍ ທົ່ວໄປ, ກິລາກອຝລະດັບການນໍາ, ສວ່ນສະຖານທີເປີດ ແລະ ປິດການແຂ່ງຂັນແມ່ນໄດ້ກໍານົດເອົາເດີນກົມກິລາ ສວ່ນການແຂ່ງຂັນຂອງແຕ່ລະກຸ່ມແມ່ນຈະເລີ່ມແຂ່ງຂັນແຕ່ວັນທີ 1 ມີນາເປັນຕົ້ນໄປ ຈົນເຖີງວັນທີ 19 ມີນາ 2021 ຈິ່ງສໍາເລັດ, ຈາກນັ້ນບັນດາອານຸກໍາມະການກໍ່ໄດ້ ປະກອບຄໍາຄິດເຫັນໃສ່ຮ່າງແຜນການເຄື່ອນໄຫວກິລາ ເພື່ອເຮັດໃຫ້ການແຂ່ງຂັນກິລາຄັ້ງນີ້ ມີບັນຍາກາດເບີກບານມວ່ນຊື່ນ ແລະສໍາເລັດຕາມຄາດຫມາຍທີ່ວາງໄວ້. ພ້ອມນັ້ນກອງປະຊຸມຍັງໄດ້ຜ່ານຂໍ້ຕົກລົງຄະນະຮັບຜິດຊອບຊີ້ນໍາລວມ ແລະ ບັນດາອານຸກໍາມະການຈັດການແຂ່ງຂັນ ພ້ອມທັງຈົກສະຫຼາກແບ່ງກຸ່ມແຂ່ງຂັນ.

Off

Comments are closed.