02nd Mar2021

ມອບລົດມອດໄຟໃຫ້ ປກສ ເມືອງຫຼາ ແຂວງອຸດົມໄຊ.

by somchan

ກອງບັນຊາການ ປກສ ແຂວງອຸດົມໄຊ ມອບລົດມອດໄຟ ໃຫ້ກອງບັນຊາການ ປກສ ເມືອງຫຼາ ແຂວງອຸດົມໄຊ ເພື່ອຮັບໃຊ້ວຽກງານວິຊາສະເພາະ. ໃນວັນທີ 26 ກຸມພາ 2021; ກ່າວມອບໂດຍ  ພັທ ສອນວິໄລ ຕຸລາທອງ ຄະນະປະຈຳພັກ ຮອງກອງບັນຊາການ ປກສ ແຂວງ ອຸດົມໄຊ ແລະ ຮັບໂດຍ ພັທ ສຸລີ ດວງພອນໄຊ ເລຂາພັກຮາກຖານ ຫົວໜ້າກອງບັນຊາການ ປກສ ເມືອງຫຼາ, ມີຄະນະພັກ-ພະນັກງານທີ່ກ່ຽວຂ້ອງເຂົ້າຮ່ວມ.

ພັທ ສອນວິໄລ ຕຸລາທອງ ຄະນະປະຈຳພັກ ຮອງກອງບັນຊາການ ປກສ ແຂວງ ອຸດົມໄຊ ໄດ້ກ່າວວ່າ: ການມອບລົດມອດໄຟໃນຄັ້ງນີ້ ແມ່ນເພື່ອນໍາໃຊ້ເຂົ້າໃນວຽກງານວິຊາສະເພາະ ເວົ້າລວມ, ເວົ້າສະເພາະແມ່ນວຽກງານປ້ອງກັນສະກັດກັ້ນ ແລະ ຕ້ານອັກຄີໄພທີ່ອາດຈະເກີດຂື້ນໃນຂອບເຂດເມືອງຫຼາ ແລະ ຍ້ອນເຫັນໄດ້ຄວາມຈຳເປັນຕໍ່ວຽກງານດັ່ງກ່າວ  ສະນັ້ນ, ກອງບັນຊາການ ປກສ ແຂວງ ຈຶ່ງໄດ້ມອບລົດມອດໄຟ ຈໍານວນ 01 ຄັນ ພ້ອມດ້ວຍອຸປະກອນຮັບໃຊ້ອີກຈຳນວນໜື່ງໃຫ້ກອງບັນຊາການ ປກສ ເມືອງຫຼາ ເພື່ອນໍາໃຊ້ເຂົ້າໃນວຽກງານວິຊາສະເພາະໃຫ້ເກີດປະໂຫຍດສູງສຸດ.

ໃນໂອກາດດັ່ງກ່າວນັ້ນ ພະນັກງານ ວິຊາສະເພາະ ປກສ ແຂວງ ຍັງໄດ້ແນະນໍາວິທີການບົວລະບັດ-ຮັກສາ ລວມເຖິງວິທີການນໍາໃຊ້ລົດພ້ອມອຸປະກອນຮັບໃຊ້ຕ່າງໆໃນລົດມອດໄຟ ໃຫ້ເຈົ້າໜ້າທີ່ວິຊາສະເພາະ ກອງບັນຊາການ ປກສ ເມືອງຫຼາ ໃຫ້ມີຄວາມສໍານິສໍານານໃນການຊົມໃຊ້, ຕອບສະໜອງໄດ້ກັບຄວາມຮຽກຮ້ອງຕ້ອງການ ແລະ ທັນກັບສະພາບການທີ່ອາດຈະເກີດຂື້ນໄດ້ຕະຫຼອດເວລາ.

Off

Comments are closed.