04th Mar2021

ລຕມ ກະຊວງ ປກສ ຕ້ອນຮັບເອກອັກຄະຣາຊະທູດໄທ ຄົນໃໝ່

by somchan

ໃນວັນທີ 4 ມີນານີ້ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ເຈດສະດາ ກະຕະເວທິນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສ ປປ ລາວ. ໃນໂອກາດມາດຳລົງຕຳແໜງເປັນເອກອັກຄະຣາຊະທູດ ຄົນໃໝ່ ປະຈຳ ສ ປປ ລາວ. ໂອກາດນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫົງບ ໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຂົ້າຢ້ຽມຂ່ຳນັບໃນຄັ້ງນີ້. ເຊີ່ງລາວ-ໄທ ເປັນປະເທດບ້ານໃກ້ເຮືອນຄຽງ, ມີການໄປມາຫາສູ່ກັນໃນການທຳມາຄ້າຂາຍຂອງ ພົນລະເມືອງທັງສອງປະເທດ ກໍຄື ການພົວພັນຮ່ວມມືກັນດ້ານຕ່າງໆ ໃນວຽກງານປ້ອງກັນຄວາມສະຫົງບ ໂດຍສະເພາະແມ່ນ ວຽກງານສະກັດກັ້ນຕ້ານຢາເສບຕິດ, ການຕ້ານການຄ້າມະນຸດ  ວຽກງານຮັກສາຄວາມສະຫົງບຕາມຊາຍແດນ ແລະ ອື່ນໆ ພ້ອມທັງມີການຊ່ວຍເຫຼືອເຊີ່ງກັນແລະກັນໃນຫຼາຍດ່ານ.

ພ້ອມກໍ່ໄດ້ສະແດງຄວາມຍິນດີຕໍ່ການມາຮັບຕຳແໜ່ງໃໝ່ໂດຍທີວ່າຈະເຮັດໃຫ້ມິດຕະພາບ ລາວ-ໄທ ໄດ້ຮັກສາການທັງເນັ້ນໃຫ້ເອກອັກຄະຣາຊະທູດຄົນໃໝ່ສືບຕໍ່ເພີ່ມພູນຄູນສ້າງສາຍພົວພັນຮ່ວມມືດັ່ງກ່າວໃຫ້ເກີດດອກອອກຜົນ ແລະ ມີປະສິດທິຜົນກ່ວາເກົ່າ.

ໂອກາດດຽວກັນນີ້ ທ່ານເອກອັກຄະຣາຊະທູດຄົນໃໝ່ກໍໄດ້ສະແດງຄວາມຂອບໃຈຕໍ່ທ່ານລັດຖະມົນຕີ ກະຊວງ ປກສ ທີ່ໃຫ້ການຕ້ອນຮັບໃນຄັ້ງນີ້ ແລະ ພ້ອມທີ່ຈະສືບຕໍ່ສາຍພົວພັນຮ່ວມມືໃນທຸກດ້ານ ເພື່ອຄວາມໝັ້ນຄົງ ແລະ ຄວາມສະຫົງບ ຄວາມເປັນລະບຽບຮຽບຮ້ອຍຂອງສອງປະເທດ.

 

Off

Comments are closed.