16th Mar2021

ກົມໃຫ່ຍຕຳຫຼວດກະຊວງ ປກສ ເປີດບັ້ນດຳເນີນຊີວິດການເມືອງ

by somchan

ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ເປີດບັ້ນດຳເນີນຊີວິດການເມືອງ ເພື່ອຂ່ຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃນວັນທີ 16 ມີນາ 2021 ນີ້ ພາຍໃຕ້ການເປັນປະທານຂອງ ພົຈວ ຄຳກິ່ງ ຜຸຍຫຼ້າມະນີ ຄະນະປະຈຳພັກກະຊວງ, ຫົວໜ້າກົມໃຫ່ຍຕຳຫຼວດ, ມີບັນດາຄະນະພັກ, ຄະນະກົມ, ພະນັກງານຫຼັກແຫຼ່ງ ກົມກອງອ້ອມຂ້າງກົມໃຫ່ຍຕຳຫຼວດເຂົ້າຮ່ວມ.

ພັອ ບຸນຫຼວງ ວິໄລສຸກ  ຄະນະພັກກົມໃຫ່ຍ ຫົວໜ້າຫ້ອງການເມືອງ ກົມໃຫ່ຍຕຳຫຼວດໄດ້ກ່າວວ່າ: ເອກະສານທີ່ນຳມາຈັດຕັ້ງເຜີຍແຜ່ເຊື່ອມຊຶມໃນບັ້ນດຳເນີນຊີວິດການເມືອງໃນຄັ້ງນີ້ ມີຄຳສັ່ງແນະນຳຂອງກະຊວງປ້ອງກັນຄວາມສະຫງົບ ວ່າດ້ວຍການເປີດບັ້ນດຳເນີນຊີວິດການເມືອງ ທົ່ວກຳລັງປ້ອງກັນຄວາມສະຫງົບ ໃນໂອກາດຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ເອກະສານຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕຳຫຼວດໃນໄລຍະໃໝ່ ເອກະສານເສີມຂະຫຍາຍທາດແທ້ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບ ປະຊາຊົນລາວ, ຄຳແນະນຳເຈາະຈິ່ມເນື້ອໃນສຳຫຼວດບຸກຄົນເພື່ອຮັບໃຊ້ບັນດຳເນີນຊີວິດການເມືອງ ແລະ ເອກະສານສຳຄັນອື່ນໆ.

ທັງນີ້ກໍ່ເພື່ອເຮັດໃຫ້ນາຍ ແລະ ພົນຕຳຫຼວດຢູ່ບັນດາກົມກອງອ້ອມຂ້າງກະຊວງປ້ອງກັນຄວາມສະຫງົບ, ກໍ່ຄືກົມກອງອ້ອມຂ້າງກົມໃຫ່ຍຕຳຫຼວດໄດ້ເຊື່ອມຊຶມກຳແໜ້ນທາດແທ້, ມູນເຊື້ອອັນສະຫງ່າງາມ, ຜົນງານໄຊຊະນະອັນໃຫ່ຍຫຼວງ ແລະ ການເຕີບໃຫ່ຍຂະຫຍາຍຕົວຂອງກຳລັງປ້ອງກັນຄວາມສະຫງົບປະຊາຊົນ ຕະຫຼອດໄລຍະ 60 ປີ ຜ່ານມາ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ພ້ອມກັນປົກປັກຮັກສາ, ເສີມຂະຫຍາຍທາດແທ້ ແລະ ມູນເຊື້ອດັ່ງກ່າວໃຫ້ນັບມື້ຈະເລີນງອກງາມຂື້ນເລື້ອຍໆ ແລະ ທັງເປັນການສຳຫຼວດກວດກາຄືນສະຕິຄວາມຮັບຜິດຊອບຕໍ່ໜ້າທີ່ການເມືອງ ການຝຶກຝົນຫຼໍ່ຫຼອມຄຸນສົມບັດສິນທຳປະຕິວັດຂອງນາຍ ແລະ ພົນຕຳຫຼວດ ຢູ່ໃນທົ່ວກຳລັງປ້ອງກັນຄວາມສະຫງົບ ຕະຫຼອດໄລຍະ 60 ປີທີ່ຜ່ານມາ ແລະ ຜ່ານບັ້ນດຳເນີນຊີວິດການເມືອງໃນຄັ້ງນີ້ ຈະເຮັດໃຫ້ນາຍ ແລະ ພົນຕຳຫຼວດທຸກສະຫາຍມີການຫັນປ່ຽນຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທຳປະຕິວັດໃຫ້ຕົນເອງກາຍເປັນນາຍຕຳຫຼວດທີ່ມີຄຸນທາດການເມືອງໜັກແໜ້ນ, ມີຄວາມຮັບຜິດຊອບສູງໃນການປະຕິບັດໜ້າທີ່ການເມືອງໃຫ້ສຳເລັດໃນສະເພາະໜ້າ ແລະ ຍາວນານ.

Off

Comments are closed.