22nd Mar2021

ກົມກວດກາ-ກວດການ ປະກາດເລື່ອນຊັ້ນໃຫ້ພະນັກງານນັກຮົບ ແລະ ເປີດບັ້ນດໍາເນີນຊີວິດການເມືອງ

by somchan

ກົມກວດກາ-ກວດການ ກະຊວງປ້ອງກັນຄວາມສະຫງົບ ປະກາດເລື່ອນຊັ້ນໃຫ້ພະນັກງານ – ນັກຮົບ ແລະ ເປີດບັ້ນດໍາເນີນຊີວິດການເມືອງເພື່ອຂໍ່ານັບຮັບຕ້ອນວັນສ້າງກໍາລັງປ້ອງກັນຄວາມ ສະຫງົບ ຄົບຮອບ 60 ປີ ໃນວັນທີ 22 ມີນາ 2021 ນີ້ ໂດຍການເປັນປະທານ ຂອງ ພຈົວ ຄໍາຜາສິດ ບົງມູນທອງ ຫົວຫນ້າກົມກວດກາ-ກວດການ ມີບັນດາພະນັກງານນັກຮົບພາຍໃນກົມເຂົ້າຮ່ວມ.

ພັທ ບຸນລຽນ ແກ້ວທະນູສິນ ໄດ້ຜ່ານຂໍ້ຕົກລົງຂອງ ລັດຖະມົນຕີກະຊວງປ້ອງກັນຄວາມສະຫງົບ ແລະ ຂໍ້ຕົກລົງຂອງກົມໃຫຍ່ການເມືອງ ປກສ ວ່າດ້ວຍການເລື່ອນຊັ້ນໃຫ້ນາຍຕໍາຫລວດ ກົມກວດກາ-ກວດການ ໃນນີ້ ເລື່ອນຊັ້ນ ພັຕ ຂື້ນ ພັທ 1 ສະຫາຍ, ເລື່ອນຊັ້ນນາຍພັນ 4 ສະຫາຍ, ນາຍຮ້ອຍ 6 ສະຫາຍ ເປັນກຽດປະດັບຊັ້ນ ໂດຍ ພົຈວ ຄໍາຜາສິດ ບົງມູນທອງ ຫົວຫນ້າກົມກວດກາ-ກວດການ

ໂອກາດນີ້ ທ່ານກໍ່ໄດ້ເຜີຍແຜ່ເອກະສານເສີມຂະຫຍາຍທາດແທ້ ແລະ ມູນເຊື້ອອັນສະຫງ່າງາມຂອງກໍາລັງປ້ອງກັນຄວາມສະຫງົບ ປະຊາຊົນລາວ, ເອກະສານມູນເຊື້ອວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນ ຄົບຮອບ 60 ປີ, ເອກະສານຕັ້ງຫນ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ປັບປຸງແບບແຜນວິທີເຮັດວຽກນາຍ ແລະ ພົນຕໍາຫຼວດໃນໄລຍະໃຫມ່ພາຍຫຼັງເຊື່ອມຊຶມເອກະສານແລ້ວຈະໄດ້ຂຽນໃບສໍາຫຼວດຕົນເອງ ສັງເກດຄືນໄລຍະ 5 ປີຜ່ານມາ ເພື່ອຄັດເລືອກຜົນງານ, ແລະ ກວດກາຈັດແບ່ງປະເພດທັງນີ້ກໍ ເພື່ອເປັນການສໍາຫຼວດກວດກາຄືນສະຕິຄວາມຮັບຜິດຊອບຕໍ່ຫນ້າທີ່ການເມືອງ, ການຝຶກຝົນຫຼໍ່ຫຼອມ ຄຸນສົມບັດສິນທໍາປະຕິວັດຂອງນາຍ ແລະ ພົນຕໍາຫຼວດຢູ່ ພາຍໃນກໍາລັງປ້ອງກັນຄວາມສະຫງົບ ຕະຫຼອດໄລຍະຜ່ານມາ, ຜ່ານບັນດໍາເນີນຊີວິດການເມືອງຈະເຮັດໃຫ້ນາຍ ແລະ ພົນຕໍາຫຼວດທຸກສະຫາຍມີການຫັນປ່ຽນຢ່າງຈະແຈ້ງ, ຕັ້ງຫນ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດເພື່ອໃຫ້ຕົນເອງ ກາຍເປັນນາຍ ແລະ ພົນຕໍາຫຼວດທີ່ມີຄຸນທາດການເມືອງຫນັກແຫນ້ນ, ມີຄວາມຮັບຜິດຊອບສູງໃນການປະຕິບັດຫນ້າທີ່ການເມືອງໃຫ້ມີຜົນສໍາເລັດ.

Off

Comments are closed.