22nd Mar2021

ກົມ 512 ປະກາດເລື່ອນຊັ້ນ ແລະ ເປີດບັ້ນດໍາເນີນຊີວິດການເມືອງ

by somchan

ກົມຄົ້ນຄວ້າວິທະຍາສາດ ແລະ ປະຫວັດສາດ (512) ກະຊວງ ປກສ ປະກາດເລື່ອນຊັ້ນ ແລະ ເປີດບັ້ນດໍາເນີນຊີວິດການເມືອງ ເພື່ອຂ່ໍານັບຮັບຕ້ອນວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ  ໃນທ້າຍອາທິດທີ່ຜ່ານມານີ້ ໂດຍການເປັນປະທານ ແລະ ເຜີຍແຜ່ເອກະສານໂດຍ ພົຈວ ປອ ມາລາ ວິລະຈິດ ຫົວຫນ້າກົມ,ຄົ້ນຄ້ວາ ວິທະຍາສາດ ແລະ ປະຫວັດສາດ ມີຄະນະພັກ-ຄະນະກົມ, ສະມາຊິກພັກ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.

ພົຈວ ມາລາ ວິລະຈິດ ກ່າວວ່າ: ການຈັດຕັ້ງບັ້ນດໍາເນີນຊີວິດການເມືອງ ກໍເພື່ອເປັນການສໍາ ຫຼວດກວດກາຄືນສະຕິຄວາມຮັບຜິດຊອບຕໍ່ຫນ້າທີ່ການເມືອງ, ການຝຶກຝົນຫຼໍ່ຫຼອມຄຸນສົມບັດສິນທໍາ ປະຕິວັດຂອງນາຍ ແລະ ພົນຕໍາຫຼວດຢູ່ພາຍໃນກໍາລັງປ້ອງກັນຄວາມສະຫງົບຕະຫຼອດໄລຍະຜ່ານມາ, ຜ່ານບັ້ນດໍາເນີນຊີວິດການເມືອງຈະເຮັດໃຫ້ນາຍ ແລະ ພົນຕໍາຫຼວດທຸກສະຫາຍມີການຫັນປ່ຽນຢ່າງ ຈະແຈ້ງ, ຕັ້ງຫນ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດເພື່ອໃຫ້ຕົນເອງກາຍເປັນນາຍ ແລະ ພົນຕໍາ ຫຼວດທີ່ມີຄຸນທາດການເມືອງຫນັກແຫນ້ນ, ມີຄວາມຮັບຜິດຊອບສູງໃນການປະຕິບັດຫນ້າທີ່ການເມືອງ ໃຫ້ມີຜົນສໍາເລັດ, ສໍາລັບເອກະສານທີ່ນໍາມາເຜີຍແຜ່ຄັ້ງນີ້, ປະກອບມີຄື: ເອກະສານເສີມຂະຫຍາຍ ທາດແທ້ ແລະ ມູນເຊື້ອອັນສະຫງ່າງາມຂອງກໍາລັງປ້ອງກັນຄວາມສະຫງົບປະຊາຊົນລາວ,ເອກະສານ ມູນເຊື້ອວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນ ຄົບຮອບ 60 ປີ, ເອກະສານຕັ້ງຫນ້າຝຶກ ຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕໍາ ຫຼວດໃນໄລຍະໃຫມ່.

ໂອກາດນີ້ກໍ່ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການ ເລື່ອນຊັ້ນໃນນາຍຕໍາຫຼວດ ກົມຄົ້ນຄວ້າວິທະຍາສາດ ແລະ ປະຫວັດສາດ, ໃນນີ້ , ເລື່ອນຮ້ອຍເອກ ຂຶ້ນ  ພັນຕີ 2 ສະຫາຍ, ຮ້ອຍໂທ ຂຶ້ນ  ຮ້ອຍເອກ 1 ສະຫາຍ ເປັນກຽດປະດັບຊັ້ນໂດຍ ພົຈວ ປອ ມາລາ ວິລະຈິດ ຫົວຫນ້າກົມຄົ້ນຄວ້າວິທະຍາສາດ ແລະ ປະຫວັດສາດ.

 

Off

Comments are closed.