25th Mar2021

ພິທີມອບ-ຮັບ ລົດມອດໄຟ ຂອງພະແນຕຳຫຼວດກສະກັດກັ້ນ ແລະ ຕ້ານອັກຄີໄພ ປກສ ແຂວງສະຫວັນນະເຂດ ໃຫ້ບັນດາ ປກສ ເມືອງ

by somchan

ໃນວັນທີ 23 ມີນາ 2021 ນີ້ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີ ມອບ-ຮັບ ລົດມອດໄຟຈຳນວນ 03 ຄັນ ແລະ ອຸປະກອນຄົບຊຸດ,ໃຫ້ກອງບັນຊາການ ປກສ ເມືອງນອງ, ປກສ ເມືອງອາດສະພອນ ແລະ ປກສ ເມືອງຊົນນະບູລີ, ມອບໂດຍ ພັທ ບຸນຖະໜອມ ໄຊປັນຍາ ຫົວໜ້າຫ້ອງຕຳຫຼວດ ປກສ ແຂວງ ແລະ ຕ່າງໜ້າຮັບມີ ບັນດາຄະນະ ກອງບັນຊາການ ປກສ ທັງ ສາມເມືອງ ແລະພະນັກງານທີ່ກ່ຽວຂອງ ເຂົ້າຮ່ວມເປັນສັກຂີພະຍານ.

ພັທ ບຸນຖະໜອມ ໄຊປັນຍາ ຫົວໜ້າຫ້ອງຕຳຫຼວດ ປກສ ແຂວງກ່າວວ່າ: ເພື່ອປະຕິບັດຕາມຂໍ້ຕົກລົງຂອງກອງບັນຊາການ ປກສ ແຂວງສະຫວັນນະເຂດ, ວ່າດ້ວຍການມອບລົດມອດໄຟໃຫ້ກົມກອງທ້ອງຖິ່ນທີ່ຂຶ້ນກັບກອງບັນຊາການ ປກສ ແຂວງ ສະຫວັນນະເຂດ, ເພື່ອເຮັດໃຫ້ວຽກງານວິຊາສະເພາະມີຄວາມເຂັ້ມແຂງ,ຍົກສູງຄວາມຮັບພິຊອບໃນການປະຕິບັດໜ້າທີ່ວຽກງານສະກັດກັ້ນຕ້ານອັກຄີໄຟໃຫ້ຖືກຕ້ອງສອດຄ່ອງແລະມີປະສິດທິພົນສູງທັງຮັບປະກັນໃຫ້ແກ່ການຄຸ້ມຄອງກວດກາພາຫະນະພ້ອມຮັບໃຊ້ງານຕະຫ໌ອດເວລາ,ຮັບປະກັນໃນການຈັດຕັ້ງປະຕິບັດທ່ວງທັນກັບສະພາບການທີ່ອາດຈະເກີດຂຶ້ນໃນຕໍ່ໜ້າ, ພ້ອມກັນນັ້ນທາງວິຊາສະເພາະພະແນກຕຳຫຼວດສະກັດກັ້ນ ແລະ ຕ້ານອັກຄີໄພ, ຍັງໄດ້ຝຶກອົບຮົມຄວາມຮູ້ພື້ນຖານກ່ຽວກັບການສະກັດກັ້ນ ແລະ ຕ້ານອັກຄີໄພ ໃຫ້ ປກສ ເມືອງຕື່ມອີກ, ໃນຄະນະດຽວກັນຕ່າງໜ້າ ປກສ ທັງສາມເມືອງ ກໍ່ໄດ້ສະແດງຄວາມຂອບໃຈຕໍ່ ປກສ ແຂວງ ທີ່ເຫັນໄດ້ເຖິງວຽກງານສະກັດກັ້ນ ແລະ ຕ້ານອັກຄີໄພ ເຊິ່ງເປັນວຽກງານໜຶ່ງທີ່ສຳຄັນ ເພື່ອປ້ອງກັນບໍ່ໃຫ້ເກີດຄວາມເສຍຫາຍ ຫຼື ສະກັດກັ້ນຄວາມເສຍຫາຍ ແລະ ອັນຕະລາຍຈາກອັກຄີໄພ.

Off

Comments are closed.