30th Mar2021

ສະຫາຍຫົວຫນ້າກົມໃຫຍ່ພະລາທິການກອງທັບ ລົງກວດກາຄວາມຄືບຫນ້າ ໂຄງການກໍ່ສາງຢູ່ກອງພັນໃຫຍ່ 202

by somchan

ໃນວັນທີ 25 ມີນາ 2021 ນີ້, ສະຫາຍ ພົຕ ວົງຄໍາ ພົມມະກອນ ຫົວຫນ້າ ກົມໃຫຍ່ພະລາທິການກອງທັບ ພ້ອມດ້ວຍຄະນະ ໄດ້ລົງເຄື່ອນໄຫວກວດກາ ໂຄງການກໍ່ສ້າງພື້ນຖານໂຄງລ່າງ ກອງພັນໃຫຍ່ 202 ກອງພົນທີ 2, ໂດຍມີສະຫາຍ ພັອ ຄໍາດີ ໄຊຍະວົງ  ຫົວຫນ້າການທະຫານພົນທີ 2 ພ້ອມດ້ວຍຄະນະ ຕິດຕາມການເຄື່ອນໄຫວ

ໂອກາດນີ້ ສະຫາຍຫົວຫນ້າກົມໃຫຍ່ພະລາທິການກອງທັບ, ໄດ້ສໍາຫລວດເບີ່ງຄວາມຄືບຫນ້າ ໃນການກໍ່ສ້າງໂຄງການ ນ້ໍາປະປາ ຢູ່ກອງພັນໃຫຍ່ 202, ໂຄງການກໍ່ສ້າງດັ່ງກ່າວ ໂດຍແມ່ນບໍລິສັດ ໄຊນິກອນ ກໍ່ສ້າງຈໍາກັດ ເປັນຜູ່ຮັບເຫມົາກໍ່ສ້າງ ເຊິ່ງໄດ້ເລີ່ມລົງມືກໍ່ສ້າງແຕ່ຕົ້ນເດືອນ ພະຈິກປີ 2020 ເປັນຕົ້ນມາ, ຮອດປັດຈຸບັນ ໂຄງການດັ່ງກ່າວໄດ້ກໍ່ສ້າງສໍາເລັດແລ້ວ 85% ຄາດວ່າໃນ ທ້າຍເດືອນ ພຶດສະພາ 2021 ທີ່ຈະມາເຖິງນີ້ຈະໃຫ້ກໍ່ສ້າງສໍາເລັດ  ແລະ ເປີດນໍາໃຊ້ຢ່າງເປັນທາງການ, ໂອກາດນີ້ສະຫາຍຫົວຫນ້າກົມໃຫຍ່ພະລາທິການ ກອງທັບ ພ້ອມດ້ວຍຄະນະ ຍັງໄດ້ໄປກວດກາເບິ່ງຜົນສໍາເລັດຕົວຈິງໂຄງການກໍ່ສ້າງເຄຫະສະຖານຄ້າຍຄູຢູ່ ກອງພັນນ້ອຍ 413 ແລະ ກອງພັນທີ 2 ຕື່ມອີກ.

Off

Comments are closed.