30th Mar2021

ພິທີມອບໃບຢັ້ງຢືນ 4 ບຸກ ແລະ ໃບຍ້ອງຍໍໃຫ້ສະມາຊິກຊາວຫນຸ່ມ ປະຈໍາປີ 2020

by somchan

ຄະນະບໍລິຫານງານຊາວຫນຸ່ມ ກົມໃຫຍ່ການເມືອງນ້ອງກັນຄວາມສະຫົງບ ດ້ ມອບໃບຢັ້ງຢືນ 4 ບຸກ ແລະ ໃບຍ້ອງຍໍ ໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2020. ໃນວັນທີ 30 ມີນາ 2021ນີ້, ເປັນປະທານຂອງ ທ ປທ ວຽງໄຊ ທໍາມະ ສິດ ເລຂາຄະນະບໍລິຫານງານຊາວຫນຸ່ມ ກົມໃຫຍ່ການເມືອງ, ເປັນກຽດເຂົ້າຮ່ວມ ຂອງ ຈວ ຄໍາສາຍ ຈັນທະວົງ ຄະນະພັກກະຊວງ ຮອງຫົວຫນ້າກົມໃຫຍ່ການເມືອງ ປ້ອງກັນຄວາມສະຫົງບ, ມີຄະນະຫນ່ວຍຊາວຫນຸ່ມຮາກຖານ, ແຂກຖືກເຊີນ ແລະ ສະມາຊິກຊາວຫນຸ່ມເຂົ້າຮ່ວມ.

ພັອ ວຽງໄຊ ທໍາມະສິດ ໄດ້ກ່າວວ່າ: ໃນ 01 ປີຜ່ານມາ ຄະນະບໍລິຫານງານ ຊາວຫນຸ່ມກົມໃຫຍ່ການເມືອງ ປກສ ໄດ້ລົງຕິດຕາມ, ກວດກາ ແລະ ຊຸກຍູ້ເຄື່ອນໄຫວ ວຽກງານໂດຍປະຕິບັດລະບອບສ່ອງແສງລາຍງານປະຈໍາເດືອນ , ແຕ່ລະຫນ່ວຍແມ່ນ ໄດ້ເປີດກອງປະຊຸມໃນການສະຫຼຸບຕີລະຄາປະເມີນຜົນຈັດແບ່ງປະເພດຂອງ ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງສູນກາງຊາວໜຸ່ມ ຕິດພັນກັບ 18 ຂໍ້ແຂ່ງຂັນ ຂອງຄະນະບໍລິຫານງານຊາວໜຸ່ມ ກະຊວງ ປກສ ວາງອອກ ໃນໄລຍະຜ່ານມາ ຄະນະບໍລິຫານງານຊາວຫນຸ່ມກົມໃຫຍ່ການເມືອງ ປກສ ແລະ ບັນດາຫນ່ວຍຂຶ້ນກັບ ໄດ້ຮັບການຍົງຍືນເປັນຫນ່ວຍຊາວຫນຸ່ມ 04 ບຸກ ປະຈໍາປີ 2020 ເທົ່າກັບ 100% ແລະ ໄດ້ຮັບໃບ ຍ້ອງຍໍຈາກກະຊວງ ປກສ , ຊາວຫນຸ່ມ ກະຊວງ ປກສ ແລະ ສູນກາງຊາວຫນຸ່ມ ປະຊາຊົນປະຕິວັດລາວ ຈໍານວນຫນຶ່ງ; ການເຄື່ອນໄຫວວຽກງານປົກປ້ອງຊາວຫນຸ່ມ -ເຍົາວະຊົນໄດ້ປະຕິບັດຢ່າງເປັນປົກກະຕິ ແລະ ຕໍ່ເນື່ອງ, ເຊິ່ງກອງ ເຍົາວະຊົນ ທີ່ ຂຶ້ນກັບໄດ້ຮັບນາມມະຍົດ 3 ດີ 4 ຮູ້ ກວມ 98%, ພິເສດແມ່ນສາມາດຍາດໄດ້ໃບ ກຽດຕິຍົດ ແລະ ຮັບທຸງໄຊນຳຫນ້າ 3 ປີ ຊ້ອນ.

ໃນພິທີໄດ້ຜ່ານຂໍ້ຕົກລົງ ວ່າດ້ວຍການຍັງຢືນຫນ່ວຍຊາວຫນຸ່ມຮາກຖານ ທີ່ຂຶ້ນ ກັບຄະນະຊາວຫນຸ່ມ ກົມໃຫຍ່ການເມືອງບ້ອງກັນຄວາມສະຫົງບ ເປັນຫນ່ວຍ 4 ບຸກ ປະຈໍາປີ 2020 ຈໍານວນ 15 ຫນ່ວຍ ແລະ ຂໍ້ຕົກລົງວ່າດ້ວຍການມອບໃບຍ້ອງຍໍໃຫ້ ສະມາຊິກຊາວຫນຸ່ມ ກົມໃຫຍ່ການເມືອງບ້ອງກັນຄວາມສະຫົງບ ທີ່ມີຜົນງານດີເດັ່ນ ໃນການເຄື່ອນໄຫວວຽກງານຊາວຫນຸ່ມ ປະຈໍາປີ 2020 ຈໍານວນ 582 ສະຫາຍ. ໃຫ້ກຽດ ມອບໃບຢັ້ງຢືນ 4 ບຸກ ໂດຍ ພັທ ສັນຕິ ບຸນມາໄລ ຮອງເລຂາຄະນະບໍລິຫານງານຊາວ ໜຸ່ມ ກະຊວງປ້ອງກັນຄວາມສະຫງົບ ມອບໃບຍ້ອງຍໍໂດຍ ພັທ ປອ ວຽງໄຊ ທຳມະສິດ ເລຂາຄະນະບໍລິຫານງານຊາວໜຸ່ມ ກົມໃຫ່ຍການເມືອງ ປ້ອງກັນຄວາມສະຫງົບ.

 

Off

Comments are closed.