01st Apr2021

ພິທີເຊັນສັນຍາ ວ່າດ້ວຍການສະຫນອງ ບໍລິການ ເງິນອຸດຫນູນປະກັນສັງຄົມ ຜ່ານ ບໍລິການ ການເງິນດິຈິຕ້ອນ M Money

by somchan

ພິທີເຊັນສັນຍາ ວ່າດ້ວຍການສະຫນອງ ບໍລິການ ເງິນອຸດຫນູນປະກັນສັງຄົມ ຜ່ານ ບໍລິການ ການເງິນດິຈິຕ້ອນ M Money ລະຫວ່າງ ອົງການປະກັນສັງຄົມແຫ່ງ ຊາດ ແລະ ບໍລິສັດ ລາວໂມບາຍມັນນີ ຈໍາກັດຜູ້ດຽວ ໄດ້ຈັດໃນວັນທີ 31 ມີນາ 2021ນີ ທີ່ໂຮງເເຮມ ແລນມາກ ເປັນກຽດເຂົ້າຮ່ວມຂອງທ່ານ ລີປ່າວ ຢ່າງ ຫົວຫນ້າຫ້ອງການ ກະຊວງແຮງງານ ແລະ ສະຫັວດດີການສັງຄົມ, ທ່ານ ສຸວົນ ຈັນທະວີໄຊ ອໍານວຍການ ໃຫຍ່ ບໍລິສັດລາວໂທລະຄົມມະນາຄົມ ມະຫາຊົນ, ມີຫົວຫນ້າອົງການປະກັນສັງຄົມ ແຫ່ງຊາດ, ອໍານວຍການບໍລິສັດ ລາວໂມບາຍມັນນີ້ຈໍາກັດຜູ້ດຽວ, ແຂກຖືກເຊີນ, ພາກສ່ວນກ່ຽວຂ້ອງ ແລະ ສື່ມວນຊົນເຂົ້າຮ່ວມ.

ວີທີເຊັນສັນຍາຮ່ວມມືໃນຄັ້ງນີ້ ເພື່ອເປັນການເປີດໂຕຄູ່ຮ່ວມທຸລະກິດກັບ ອົງການ ປະກັນສັງຄົມcແຫ່ງຊາດ ຢ່າງເປັນທາງການ ໃນການສະຫນອງບໍລິການ ເງິນ ອຸດຫນູນປະກັນສັງຄົມ ຜ່ານ ບໍລິການ ການ ເງິນດິຈິຕ້ອນ M Money ເພື່ອແນໃສ່ ຕອບສະຫນອງຄວາມຕ້ອງການຂອງລູກຄ້າ ແລະ ເຮັດໃຫ້ການບໍລິການມີຄວາມ ສະດວກ ສະບາຍ ປອດໄພ ວອງໄວ ໄດ້ມາດຕະຖານສາກົນ ພາຍໃຕ້ຄໍາຂວັນ ໃຫ້ຊີວິດ ງ່າຍຂື້ນ ຕາມຍຸກດິຈິຕ້ອນ  ອົງການປະກັນສັງຄົມແຫ່ງຊາດ ເບັນຄູ່ຮ່ວມ ທຸລະກິດ ໃນການເປັນຜູ້ສະຫນອງບໍລິການປະກັນສັງຄົມປະເພດຕ່າງໆ ໃຫ້ຜູ້ປະກັນ ຕົນ ໂດຍສະເພາະເເມ່ນການຈ່າຍເງິນອຸດຫນູນຕ່າງໆ ຜ່ານ M Monvey ກະເປົ່າເງິນ ເທິງມືຖື

ການຮ່ວມມືທາງທຸລະກິດໃນຄັ້ງນີ້ ເປັນບາດກ້າວຫນຶ່ງທີ່ສໍາຄັນ ແລະ ເປັນ ບາດກ້າວທໍາອິດໃນການຫັນການ ຊໍາລະເງິນຮູບແບບໃຫມຜ່ານ M Monoy ກະເບົາ ເງິນເທິງມືຖື ເຂົ້າໃນຫົວຫນ່ວຍທຸລະກິດ ທີ່ທັນສະຫມ ເເລະ ມີ ຄວາມຈໍາເປັນໃນ ການດໍາລົງຊີວິດປະຈໍາວັນຂອງຄົນໃນທົ່ວປະເທດ ເປັນສ່ວນຫນຶ່ງໃນການສ້າງ ທ່າແຮງ, ຊຸກຍູ້, ເສີມ ສ້າງ ແລະ ຜັນຂະຫຍາຍເສດຖະກິດດິຈິຕອນ , ຫຼຸດຜ່ອນ ການນໍາໃຊ້ເງິນສົດ ຕາມແຜນພັດທະນາເສດຖະກິດດິຈິຕອນ ຂອງພັກ-ລັດ ໃຫ້ ປະກົດຜົນເປັນຈິງ ຕາມວິໄສທັດຂອງ ບໍລິສັດ ລາວໂມບາຍມັນນີ ຈໍາກັດຜູ້ດຽວ ເປັນ ຜູ້ນໍາດ້ານການ ບໍລິການການເງິນດິຈິຕ້ອນ ໃນ ສປປ ລາວ.

ໂອກາດດັ່ງກ່າວ ກໍ່ໄດ້ລົງນາມສັນຍາລະຫວ່າງ ທ່ານ ນາງ ແກ້ວ ຈັນທະວີໄຊ ຫົວໜ້າອົງການປະກັນສັງຄົມແຫ່ງຊາດ ແລະ ທ່ານ ທັນສະໄໝ ຂາມຸນຕີ ອຳນວຍການ ບໍລິສັດ ລາວໂມບາຍມັນນີ ຈຳກັດຜູ້ດຽວ.

 

Off

Comments are closed.