01st Apr2021

ປູກຕົ້ນໄມ້ເພື່ອຂໍ່ານັບຮັບຕ້ອນ ວັນສ້າງຕັ້ງກໍາລັງ ປກສ ຄົບຮອບ 60 ປີ

by somchan

ກົມໃຫຍ່ການເມືອງ ກະຊວງປ້ອງກັນຄວາມສະຫົງບ ໄດ້ສ້າງຂະບວນການປູກຕົ້ນໄມ້ ເພື່ອຂ່ຳນັບຮັບຕ້ອນວັນສ້າງຕັ້ງ ກໍາລັງປ້ອງກັນຄວາມສະຫົງບ ຄົບຮອບ 60 ໃນວັນທີ 31 ມີນາ 2021 ນີ້, ທີ່ສູນຕ້ອນຮັບ ແລະ ຝຶກອົບຮົມວິຊາສະເພາະ ປ້ອງກັນຄວາມສະຫົງບ, ເປັນກຽດເຂົ້າຮ່ວມຂອງ ພົຕ ວັນທອງ ກອງມະນີ ຫົວຫນ້າກົມໃຫຍ່ການເມືອງປ້ອງກັນຄວາມສະຫົງບ, ມີຄະນະກົມໃຫຍ່, ຄະນະພັກ-ຄະນະ ບັນຊາ, ພະນັກງານຫຼັກແຫຼ່ງ ກົມກອງອ້ອມຂ້າງກົມໃຫຍ່ການເມືອງເຂົ້າຮ່ວມ.

ພັອ ພອນເພັງ ຫຼ້າບັນດິດ ຫົວຫນ້າຫ້ອງການ ກົມໃຫຍ່ການເມືອງບ້ອງກັນ ຄວາມສະຫົງບໂດ້ກ່າວວ່າ: ການປູກຕົ້ນໄມ້ ເພື່ອຂໍ່ານັບຮັບຕ້ອນວັນສ້າງຕັ້ງກໍາລັງ ປ້ອງກັນຄວາມສະຫງົບ ປະຊາຊົນ ຄົບຮອບ 60 ປີ ໃນຄັ້ງນີ້ ແມ່ນມີຄວາມຫມາຍສໍາຄັນ ທັງເປັນການປູກຕົ້ນໄມ້ທົດແທນ ສ້າງສິ່ງແວດລ້ອມ ໃຫ້ອຸດົມສົມບຸນ , ເປັນການສ້າງສະຕິ ແລະ ປູກຈິດສໍານຶກໃຫ້ແກ່ຄົນລຸ້ນຫນຸ່ມເວົ້າລວມ, ເວົ້າສະເພາະ ເເມ່ນ ພະນັກງານ-ນັກຮົບໃນກໍາລັງປ້ອງກັນຄວາມສະຫງົບ ຮູ້ຈັກຄຸ້ມຄອງ ແລະ ປົກປັກ ຮັກສາ ຊັບພະຍາກອນປ່າໄມ້, ຮັກສາສິ່ງແວດລ້ອມ, ລະບົບນິເວດວິທະຍາໃຫ້ມີ ຄວາມສົມດຸນ ແລະ ຍືນຍົງຕະຫຼອດໄປ, ທັງເປັນຟື້ນຟູຊັບພະຍາກອນປ່າໃຫ້ຂຽວ ສົດງົດງາມປະກອບສ່ວນປົກປັກຮັກສາໂລກ ມີຄວາມຊຸ່ມເຢັນ ຢູ່ຄູ່ ມະນຸດພວກເຮົາຕະຫຼອດໄປ, ທັງເປັນການປະດັບສຳນັກນັກງານ, ກົມກອງ, ຄ້າຍຄູໃຫ້ ສວຍສົດງົດງາມ.

ຕົ້ນໄມ້ທີ່ເອົາມາປູກໃນຄັ້ງນີ້ ມີຕົ້ນໄມ້ອຸດສາຫະກໍາ ແລະ ໄມ້ປະດັບໄມ້ອຸດສາຫະກຳມີໄມ້ດູ່ແດງ, ໄມ້ແຕ້ຂ່າ ແລະ ໄມ້ຂະຍຸງ ຈໍານວນ 29 ຕົ້ນ , ໄມ້ປະດັບ ຕົ້ນຄູນ ເເລະ ຕົ້ນຈໍາປາ ຈໍານວນ 38 ຕົນ.

 

Off

Comments are closed.