01st Apr2021

ກະຊວງຖະແຫຼງຂ່າວ-ວັດທະນະທຳແລະທ່ອງທ່ຽວຮັບຟັງປາຖະກະຖາວັນສ້າງຕັ້ງກຳລັງ ປກສ ຄົບຮອບ 60 ປີ.

by somchan

ກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ໄດ້ຮັບຟັງການປາຖະກະຖາ ມູນເຊື້ອ ວັນສ້າງຕັ້ງກຳລັງປ້ອງກັນຄວາມສະຫົງບ ປະຊາຊົນ ຄົບຮອບ 60 ປີ. ໃນວັນທີ 1 ເມສາ 2021 ນີ້. ໃຫ້ກຽດປາຖະກະຖາ ໂດຍ ພົຕ ບຸນມີ ແສງຄຳຢອງ ອາດີດຄະນະປະຈຳພັກກະຊວງ ອາດິດຫົວໜ້າກົມໃຫຍ່ສັນຕິບານ ກະຊວງປ້ອງກັນຄວາມສະຫົງບ, ເປັນກຽດເຂົ້າຮ່ວມຂອງ ທ່ານ ວັນສີ ກົວມົວຮອງລັດຖະມົນຕີ ກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ມີຄະນະກົມ, ພະນັກງານຫຼັກແຫຼ່ງ ກົມກອງອ້ອມຂ້າງເຂົ້າຮ່ວມ.

ພົຕ ບຸນມີ ແສງຄຳຢອງ ໄດ້ເລົ່າຄືນປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບ ປະຊາຊົນ ໃນໄລຍະ 60 ປີ ຜ່ານມາ, ກຳລັງປ້ອງກັນຄວາມສະຫງົບປະຊາຊົນ ແມ່ນກໍາລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກ ປະຊາຊົນ ປະຕິວັດລາວ ເປັນຜູ້ສ້າງຕັ້ງ, ນຳພາເດັດຂາດ, ໂດຍກົງຮອບດ້ານ, ເປັນກຳລັງທີ່ມາຈາກປະຊາຊົນ, ໂດຍ ປະຊາຊົນ ແລະ ເພື່ອຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ,  ກຳລັງປ້ອງກັນຄວາມສະຫງົບປະຊາຊົນ ໄດ້ ກຳເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ເວລາໃດກໍ່ມີມູນເຊື້ອການຕໍ່ສູ້ຢ່າງອົງອາດກ້າຫານ, ມີນ້ຳໃຈເສຍສະຫຼະເດັດດ່ຽວບໍ່ຍອມຈຳນົນ, ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນ. ສາມາດປົກປັກຮັກສາປະເທດຊາດ ແລະ ເຂດນ້ຳ ແດນດິນໄວ້ໄດ້ຢ່າງໝັ້ນຄົງ ບໍ່ມີເຫດການບໍ່ດີດ້ານການເມືອງໃດໆເກີດຂຶ້ນຢ່າງຮ້າຍແຮງ ສາມາດປ້ອງກັນຜູ້ນໍາພັກ-ລັດ,  ສຳນັກງານ-ອົງການ, ກອງປະຊຸມໃຫຍ່, ວັນບຸນສໍາຄັນລະດັບຊາດ ແລະ ສາກົນ; ປ້ອງກັນແຂກຕ່າງປະເທດໃຫ້ມີຄວາມປອດໄພ 100%. ທັງນີ້ເພື່ອເຮັດໃຫ້ພະນັກງານລັດຖະກອນ ໄດ້ຮັບຮູ້ເຊືອມຊືມຕໍ່ປະຫວັດການກຳເນີດເຕີບໃຫຍ່ ແລະ ຂະຫຍາຍຕົວ ພ້ອມທັງເສີມຂະຫຍາຍທາດແທ້ມູນເຊື້ອອັນພິອາດຫານຂອງກຳລັງປ້ອງກັນຄວາມສະຫົງບ. ພ້ອມດຽວກັນໃນ ພິທີຍັງໄດ້ປາຖະກະວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ ແລະ ວັນຜູ້ເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 75 ປີ. ໃຫ້ກຽດປາຖະກະຖາໂດຍ ທ່ານ ວັນສີ ກົວມົວ ຮອງລັດຖະມົນຕີ ກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ.

Off

Comments are closed.