02nd Apr2021

ລມຕ ກະຊວງ ປກສ ເຄື່ອນໄຫວຢ້ຽມຢາມພະນັກງານແພດໝໍ ແລະ ພະນັກງານກຳລັງ ປກສ ໂຮງໝໍ 5 ເມສາ

by somchan

ພົນໂທ ວິໄລ ຫລ້າຄໍາຟອງ ລັດຖະມົນຕີກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ພົບປະໂອ້ລົມ ພະນັກງານແພດໝໍ ແລະ ພະນັກງານກຳລັງປ້ອງກັນຄວາມສະຫງົບ ທີ່ປິ່ນປົວຢູ່ ໂຮງໝໍ 5 ເມສາ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກໍາລັງປັອງກັນຄວາມສະຫງົບ ຄົບຮອບ 60 ປີ ໃນວັນທີ 2 ເມສາ 2021 ນີ້ ໂດຍການຕ້ອນຮັບ ຂອງ ພັນເອກ ດຣ ນ. ພຸດມາລາ ພັນທະມິດ ອໍານວຍການໂຮງຫມໍ 5 ເມສາ ພ້ອມດ້ວຍພະນັກງານແພດໝໍໃຫ້ການຕ້ອນຮັບ.

ໃນໂອກາດນີ້ ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ຮັບຟັງການລາຍງານຜົນງານການເຄື່ອນໄຫວວຽກງານ ໃນໄລຍະ 1 ປີຜ່ານມາ ຈາກ ພັນເອກ ດຣ ນ ພຸດມາລາ ພັນທະມິດ  ຜູ້ອໍານວຍການໂຮງຫມໍ 5 ເມສາ ວ່າໄລຍະຜ່ານມາ ຄະນະພັກ-ຄະນະບັນຊາ ໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດໃຫ້ແກ່ພະນັກງານ ແພດຫມໍມີລະບຽບວິໄນເຂັ້ມງວດ ເຮັດສໍາເລັດຫນ້າທີ່ຕາມການມອບຫມາຍ ຮັກສາໄດ້ຈັນຍາບັນ ຈັນຍາທໍາ ມີນໍ້າໃຈບໍລິສຸດສັດຊື່ ຮັກແພງເບີ່ງແຍງຄົນເຈັບ ຄືຍາດພີ່ນ້ອງຂອງຕົນ ແລະ ບໍລິການຮັບໃຊ້ດ້ວຍຄວາມບໍລິສຸດໃຈ ເອົາໃຈໃສ່ປັບປຸງວຽກງານບໍລິການຮັບໃຊ້ໃຫ້ດີຂື້ນເທື່ອລະກ້າວ ເພື່ອຮັບປະກັນ ສຸຂະພາບຂອງນາຍ, ພົນຕຳຫຼວດ ແລະ ປະຊາຊົນ ໃຫ້ ໄດ້ຮັບຜົນດີຕາມຄໍາຂວັນ 5 ດີ 1 ພໍໃຈ ຄື ຮັບຕ້ອນດີ ບໍລິການດີ ສະອາດດີ ແລະ ສະດວກດີ ບົ່ງມະຕິຊັດເຈນດີ ປິ່ນປົວດີ ຄົນເຈັບມີຄວາມເພີ່ງພໍໃຈໃນການມາໃຊ້ບໍລິການ, ຢ້ຍມຢາມ ແລະ ໃຫ້ກຳລັງໃຈ ນາຍ ແລະ ພົນຕຳຫຼວດທີ່ນອນຮັກສາປິ່ນປົວຢ່າງໃກ້ຊິດ ແລະ ມອບກະຕ່າຂອງຂັວນກຳລັງໃຫ້ກັບຄົນເຈັບຈຳນວນໜຶ່ງ ພ້ອມນີ້ທ່ານກໍ່ໄດ້ເນັ້ນໜັກໃຫ້ບັນດາແພດໝໍຢູ່ໂຮງໝໍ 5 ເມສາ ຈົ່ງເຊີດຊູຄວາມຮັບຜິດຊອບໃນໜ້າທີ່ຂອງຕົນຢ່າງຕັ້ງໜ້າ, ປັບປຸງກໍ່ສ້າງກຳລັງແພດໝໍໃຫ້ມີຄຸນນະພາບ, ບຸກບືນຫ້າວຫັນ, ມີນ້ຳໃຈເສຍສະຫຼະ, ສຸມທຸກຄວາມສາມາດ ແລະ ປະສົບການເຂົ້າໃນການປິ່ນປົວຜູ້ເຈັບປ່ວຍ, ທັງຮັກສາຈັນຍາບັນຂອງແພດໝໍ ໃຫ້ສົມກັບນາມມະຍົດ ແພດປະຕິວັດ ແພດຂອງປະຊາຊົນ.

Off

Comments are closed.