02nd Apr2021

ໂຮງຮຽນທິດສະດີການເມືອງກອງທັບຮັບຟັງການເລົ່າມູນເຊື້ອວັນສ້າງຕັ້ງກໍາລັງ ປກສ ຄົບຮອບ 60 ປີ

by somchan

ໂຮງຮຽນທິດສະດີການເມືອງກອງທັບ ກະຊວງປ້ອງກັນປະເທດ ຮັບຟັງການຫວນຄືນມູນເຊື້ອ ວັນສ້າງຕັ້ງກໍາລັງ ປກສ ຄົບຮອບ 60 ປີ ໃນວັນທີ 2 ເມສາ 2011ນີ້ ໂດຍການໃຫ້ກຽດປາຖະກະຖາ ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ ໃຫ້ກຽດເຂົ້າຮ່ວມຮັບຟັງຂອງ ພົຈວ ປອ ຄໍາຜາຍ ສະພັງເຫນືອ ຫົວຫນ້າການເມືອງໂຮງຮຽນທິດສະດີການເມືອງກອງທັບ ມີຄະນະພັກ,ພະນັກງານ-ຫຼັກແຫຼ່ງ, ນາຍ ແລະ ພົນທະຫານ ຄູອາຈານເຂົ້າຮ່ວ

ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປກສ ໄດ້ຍົກໃຫ້ເຫັນວ່າ: ກໍາລັງປ້ອງກັນຄວາມສະຫງົບໄດ້ຮັບການສ້າງຕັ້ງຂື້ນໃນວັນທີ 5 ເມສາ 1961 ເຊິ່ງ ແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງ, ນໍາພາເດັດຂາດ ,ໂດຍກົງຮອບດ້ານ; ເປັນກໍາລັງທີ່ຈົງຮັກພັກດີ, ບໍລິສຸດສັດຊື່ຕໍ່ປະເທດຊາດ, ຕໍ່ປະຊາຊົນຢ່າງແທ້ຈິງ, ພັກເຮົາຍາມໃດກໍຖືເອົາວຽກງານປ້ອງກັນຄວາມສະຫງົບເປັນຫນຶ່ງໃນວຽກງານຍຸດທະສາດສໍາຄັນ ແລະ ເປັນວຽກງານແຖວຫນ້າຢູ່ສະເຫມີ. ນັບແຕ່ມື້ສ້າງຕັ້ງກໍາລັງປ້ອງກັນຄວາມສະຫງົບໄດ້ຮັບການປັບປຸງ, ບໍາລຸງ-ກໍ່ສ້າງ, ນາຍ ແລະ ພົນຕໍາຫຼວດ ໃຫ້ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ; ດ້ານກົງຈັກ ການຈັດຕັ້ງ, ການຄຸ້ມຄອງ-ບັນຊາ ເປັນລະບົບຄົບຊຸດ ແລະ ເປັນເອກະພາບ ແຕ່ຂັ້ນສູນກາງລົງຮອດກົມ-ກອງທ້ອງຖິ່ນຮາກຖານ,ໄດ້ຍົກລະດັບຄວາມຮູ້, ຄວາມສາມາດ, ຄວາມຊໍານິຊໍານານດ້ານວິຊາສະເພາະ ແລະ ແບບແຜນທັນສະໄຫມຢູ່ຮາກຖານ, ກົມກອງວິຊາສະເພາະ, ໂຮງຮຽນ, ກໍ່ສ້າງກໍາລັງເພື່ອຕອບສະຫນອງ ໄດ້ຕາມຄວາມຮຽກຮ້ອງຕ້ອງການຂອງຫນ້າທີ່ວຽກງານໃນແຕ່ລະໄລຍະ.

ໃນວັນດຽວກັນຢູ່ທີ່ອົງການປົກຄອງເມືອງໄຊເສດຖາກໍ່ໄດ້ຈັດພິທີປາຖະກະຖາວັນສ້າງຕັ້ງກໍາລັງ ປ້ອງກັນຄວາມສະຫງົບ ຄົບຮອບ 60 ປີ ເຊັ່ນດຽວກັນ ໂດຍການປາຖະກະຖາຂອງ ພັທ ຄໍາສຸ້ຍ ແກ້ວມະນີວົງ ອາດີດຮອງຫົວຫນ້າກອງບັນຊາການ ປກສ ນະຄອນຫຼວງວຽງຈັນ, ມີຄະນະພັກ, ຫົວຫນ້າຫ້ອງການ, ເລຂາຫນ່ວຍພັກ, ນາຍບ້ານ, ຄູອາຈານ ແລະ ນ້ອງນັກຮຽນ ທົ່ວເມືອງໄຊເສດຖາເຂົ້າຮ່ວມ

ການປາຖະກະຖາກໍ່ເພື່ອເປັນການທົບທວນຄືນມູນເຊື້ອແຫ່ງການຕໍ່ສູ້ອົງອາດກ້າຫານ,ຄວາມພິລະອາດຫານ ແລະ ໄຊຊະນະໃນພາລະກິດຕໍ່ສູ້ປົດປ່ອຍຊາດກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຂອງກໍາລັງປ້ອງກັນຄວາມສະຫງົບ ປະຊາຊົນພາຍໃຕ້ການນໍາພາຂອງພັກປະຊາຊົນ ປະຕິວັດລາວ, ເພື່ອເພີ່ມທະວີສຶກສາອົບຮົມໃຫ້ພະນັກງານ, ສະມາຊິກພັກ ປະຊາຊົນບັນດາເຜົ່າ, ນັກຮຽນຮູ້ປັນຍາຊົນໃຫ້ມີນໍ້າໃຈຮັກຊາດ,ຮັກລະບອບໃຫມ່, ສ້າງຄວາມສາມັກຄີໃຫ້ເປັນປຶກແຜ່ນ, ສ້າງສະຕິເປັນເຈົ້າຕົນເອງ ເພິ່ງຕົນເອງ, ເປັນເຈົ້າການເຂົ້າຮ່ວມໃນການປະຕິບັດວຽກງານປ້ອງກັນຄວາມສະຫງົບທົ່ວປວງຊົນ ຮອບດ້ານຂອງພັກ ແລະ ເພີ່ມທະວີວຽກງານປ້ອງກັນຄວາມສະຫງົບໃນສະພາບການໃຫມ່.

Off

Comments are closed.