13th Sep2013

ລັດຖະມົນຕີວ່າການກະຊວງປ້ງກັນຄວາມ ສະຫງົບຕ້ອນຮັບການເຂົ້າຢ້ຽມຢາມພົບປະ ຂອງປະທານອົງການຮ່ວມມືສາກົນ ສ.ເກົາຫຼີ

by somchan

ທ່ານ ດຣ ທອງບັນ ແສງອາພອນ ລັດຖະມົນຕີວ່າ ການກະຊວງປ້ອງກັນຄວາມສະຫງົບໄດ້ຕ້ອນຮັບ ການເຂົ້າພົບປະຂອງທ່ານ ຢູ່ງ ມົກ ກິມ ປະທານ ອົງການຮ່ວມມືສາກົນ ສາທາລະນະລັດເກົາຫຼີ ພ້ອມດ້ວຍຄະນະ ໃນວັນທີ 12 ກັນຍາ 2013ທີ່ຫ້ອງຮັບ ແຂກກະຊວງປ້ອງກັນຄວາມສະຫງົບ. ເນື່ອງໃນ ໂອກາດທີ່ທ່ານມາຢ້ຽມຢາມ ແລະ ເຮັດວຽກຢູ່ ສາທາລະນະລັດ ປະຊາທິປະໄຕ ປະຊາຊົນລາວ, ການຢ້ຽມຢາມພົບປະໃນຄັ້ງນີ້ທັງສອງຝ່າຍໄດ້ປຶກສາຫາລື ກັນຫຼາຍບັນຫາໃນການແລກປ່ຽນບົດຮຽນ ແລະ ແນວຄວາມຄິດກ່ຽວກັບການຊ່ວຍເຫຼືອ ໃນຂະແໜງການວຽກງານປ້ອງກັນຄວາມສະຫງົບ ໃຫ້ປະກົດຜົນເປັນຈິງໃນຕໍ່ໜ້າ ແລະ ທາງອົງການພ້ອມສະເໝີແລະຍິນດີທີ່ຈະຊ່ວຍເຫຼືອໃນດ້ານຕ່າງໆ ໃຫ້ແກ່ກະຊວງປ້ອງກັນຄວາມສະຫງົບ ທັງນີ້ກໍ່ເພື່ອເປັນການປະກອບສ່ວນເສີມຂະຫຍາຍສາຍພົວພັນຂອງສອງປະເທດໃຫ້ຮັດແໜ້ນກັນຍີ່ງໆຂື້ນ.

ໂອກາດດຽວກັນນີ້ ທ່ານ ດຣ ທອງບັນ ແສງອາພອນ ລັດຖະມົນຕີວ່າການກະຊວງປ້ອງກັນຄວາມສະຫງົບ ໄດ້ກ່າວສະແດງຄວາມຂອບໃຈຕໍ່ອົງການຮ່ວມມືສາກົນ ສ.ເກົາຫຼີ ທີ່ມີຄວາມຄິດເຫັນຈະໃຫ້ການສະໜັບສະໜູນຕໍ່ຂະແໜງການວຽກງານປ້ອງກັນຄວາມສະຫງົບ ເຊີ່ງມັນເປັນຂີດໝາຍໃຫ້ແກ່ກຳລັງປ້ອງກັນຄວາມສະຫງົບຈະໄດ້ພັດທະນາຄວາມຮູ້-ຄວາມສາມາດດ້ານວຽກງານວິຊາສະເພາະ ແນໃສ່ເຮັດໃຫ້ປະເທດຊາດມີຄວາມສະຫງົບປອດໄພ ໂດຍສະເພາະແມ່ນຕຳຫຼວດກວດຄົນເຂົ້າ-ອອກເມືອງ, ຂະ ແໜງການວຽກງານ ຕຳຫຼວດກວດຄົນເຂົ້າ-ອອກເມືອງແມ່ນຍັງມີຄວາມຕ້ອງການຊ່ວຍເຫຼືອທາງດ້ານການຝຶກອົບຮົມພາສາຕ່າງປະເທດ ແລະ ເຄື່ອງກວດກາທີ່ທັນສະໄໝໃນການກວດຄົນເຂົ້າ-ອອກເມືອງ ໃຫ້ມີຄວາມລະອຽດຊັດເຈນ ໂດຍກະຊວງປ້ອງກັນຄວາມສະຫງົບແມ່ນມີຄວາມຈຳເປັນຫຼາຍໃນດ້ານນີ້ ແລະ ຫວັງຢ່າງຍິ່ງວ່າທາງອົງການຮ່ວມມືສາກົນ ສ.ເກົາຫຼີຈະໃຫ້ການສະໜັບສະໜູນທາງກະຊວງປ້ອງກັນຄວາມສະຫງົບ ສາທາລະນະລັດ ປະຊາທິປະໄຕ ປະຊາຊົນລາວ ໃນຕໍ່ໜ້າ.

Off

Comments are closed.