08th Apr2021

ຕໍາຫຼວດຈະລາຈອນ ນະຄອນຫຼວງວຽງຈັນ ຜ່ານແຜນປ້ອງກັນບຸນປີໄຫມ່ລາວ

by somchan

ພະແນກຕໍາຫຼວດຈະລາຈອນ ປກສ ນະຄອນຫຼວງວຽງຈັນ ໄດ້ຈັດກອງປະຊຸມຜ່ານແຜນການເຄື່ອນ ເຄືອນໄຫວລົງກວດກາບັງຄັບໃຊ້ກົດຫມາຍ ແລະ ລະບຽບການກຽວກັບການຈະລາຈອນທາງບົກ ໃນໄລຍະປີໃຫມ່ລາວ ໃນວັນທີ 7 ເມສາ 2021 ນີ້ ໂດຍການເປັນປະທານຂອງ ພັທ ວິໄລພົງ ສະເຫນ່ຫາ ຫົວຫນ້າ ພະແນກຕໍາຫຼວດຈະລາຈອນ ນະຄອນຫຼວງວຽງຈັນ , ເຂົ້າຮ່ວມໂດຍ ພັທ ຄໍາສອນ ສີດາວົງ ຮອງຫົວຫນ້າ ກົມຕໍາຫຼວດຈະລາຈອນ, ພັທ ຈັນທະບູນ ມະນີວົງ ຮອງຫົວຫນ້າຫ້ອງຕໍາຫຼວດ ມີບັນດາ ຄະນະພະແນກ ແລະ ກຳລັງຕຳຫຼວດ ຈະລາຈອນ 9 ເມືອງ ເຂົ້າຮ່ວມ.

ພັທ ທອງສະຫວັນ ນາມວົງ ກ່າວວ່າ: ເພື່ອເຮັດໃຫ້ການສະເຫຼີມສະຫຼອງບຸນປີໃຫມ່ລາວ ພສ 2564 ທີ່ຈະມາເຖິງນີ້ເປັນໂອກາດຫນຶ່ງທີ່ສໍາຄັນໃນການເສີມຂະຫຍາຍມູນເຊື່ອຮີດຄອງປະເພນີອັນ ດີງາມ ແລະ ຄວາມສາມັກຄີເປັນປຶກແຜ່ນຂອງຊາດ ຖືເອົາໂອກາດນີ້ອວຍພອນໄຊເຊິ່ງກັນແລະກັນ ຈັດຕັ້ງສະເຫຼີມສະຫຼອງດ້ວຍບັນຍາກາດເບີກບານມ່ວນຊື່ນ, ຕິດພັນກັບການສົ່ງເສີມປີທ່ອງທຽວ ລາວ

ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ແຕ່ງຕັ້ງຄະນະພັກ -ຄະນະບັນຊາ ລົງ ຕັ້ງຈຸດ ກວດກາ ຢູ່ຂອບເຂດ 9 ຕົວເມືອງ ພາຍໃນນະຄອນຫຼວງວຽງຈັນ,ມີທັງໝົດ 10 ຈຸດຄື:ຈຸດກວດກາເສັ້ນທາງ ເລກທີ 11 ເຂດບ້ານອ່າງໃຫຍ, ຈຸດກວດກາຈະລາຈອນເມືອງຈັນທະບຸລີ, ຈຸດ ກວດກາຈະລາຈອນເມືອງໄຊເສດ ຖາ, ຈຸດກວດກາຈະລາຈອນເມືອງສີໂຄຕຕະບອງ, ຈຸດກວດກາ ຈະລາຈອນເມືອງສີສັດຕະນາກ, ຈຸດ ກວດກາເສັ້ນທາງເລກທີ 10 ຈຸດກວດກາ ຫນ້າວັດທະນະທໍາ ເມືອງຫາດຊາຍຟອງ , ຈຸດກວດກາ ຢູ່ບ້ານປາກ ຕອນ ເມືອງສັງທອງ, ຈຸດກວດກາ ເມືອງນາຊາຍທອງ ເຂດບ້ານຫນອງສະ ຈຸດ ກວດກາ ເມືອງປາກງື່ມ ຢູ່ເຂດບ້ານ ສົມສະຫວາດ.

ໃນກອງປະຊຸມ ຍັງໄດ້ເຜີຍແຜ່ຄໍາສັ່ງຂອງທ່ານເຈົ້າຄອງ ນະຄອນຫຼວງວຽງຈັນ ວ່າດ້ວຍການ ຮັກສາຄວາມເປັນລະບຽບຮຽບຮ້ອຍ ໃນການຈັດງານສົ່ງທ້າຍປີ ເກົ່າ ພສ 2563 ແລະ ຕ້ອນຮັບປີໃຫມ່ ພສ 2564 ແລະ ແຈ້ງການຂອງກອງບັນຊາການ ປກສ ນະຄອນຫຼວງວຽງຈັນ ວ່າດ້ວຍການເພີ່ມທະວີ

ໃຫມ່ລາວ ພສ 2564 ຢູ່ນະຄອນຫຼວງວຽງຈັນ.

 

Off

Comments are closed.