11th Apr2021

ວັນທີ 11 ເມສາ 2021 ລາວ ກວດພົບຜູ້ຕິດເຊື້ອໂຄວິດ-19 ເພີ່ມ 2 ຄົນ ລວມຜູ້ຕິດເຊື້ອທັງຫມົດມີ 51 ຄົນ

by somchan

ໃນວັນທີ 11 ເມສາ 2021 ນີ້, ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ພ້ອມດ້ວຍ ດຣ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ, ຕາງຫນ້າໃຫ້ຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ໄດ້ຖະແຫລ່ງໃຫ້ຮູ້ວ່າ: ໃນວັນທີ 10 ເມສາ 2021 ໄດ້ເກັບຕົວຢ່າງມາກວດວິເຄາະທັງຫມົດ 1607 ຄົນ ຜົນວິເຄາະສາມາດຢັ້ງຢືນວ່າ: ມີຜູ້ຕິດເຊື້ອພະຍາດໂຄວິດ-19 ໃຫມ່ 2 ກໍລະນີຄື: ເພດຊາຍ 41 ປີ ສັນຊາດໄທອາຊີບນັກທຸລະກິດ ໄດ້ອາໄສຢູ່ເຂດເມືອງຈັນທະບູລີ ມາແຕ່ເດືອນກຸມພາ 2020 ເປັນຕົ້ນມາ ຫລັງຈາກ 1 ອາທິດ ກ່ອນຫນ້ານີ້ ຜູ້ກ່ຽວແມ່ນມີປະຫວັດສຳພັດກັບບຸກຄົນທີ່ລັກລອບເຂົ້າປະເທດລາວແບບບໍ່ຖືກຕ້ອງຈາກປະເທດໄທ ຈາກນັ້ນ ວັນທີ 8 ເມສາ 2021 ຜູ້ກ່ຽວຮູ້ສຶກໄຂ້ປວດຕາມຕົນໂຕ ແລະ ເຈັບຄໍ ເຖິງວັນທີ 10 ເມສາ ຈຶ່ງໄດ້ເຂົ້າໄປກວດຢູ່ໂຮງຫມໍມິຕະພາບ ແລະ ພົບວ່າມີເຊື້ອພະຍາດໂຄວິດ-19 ປະຈຸບັນ ຜູ້ກ່ຽວແມ່ນໄດ້ຮັບການປິ່ນປົວຢູ່ໂຮງຫມໍມິດຕະພາບ ແລະ ໄດ້ມີຜູ້ສຳພັດທັງຫມົດ 10 ຄົນ ເຊິ່ງເຈົ້າຫນ້າທີ່ໄດ້ເກັບຕົວຢ່າງມາກວດວິເຄາະ ແລະ ສືບຕໍ່ເຝົ້າລະວັງຢູ່ສູນຈຳກັດບໍລິເວນ ສ່ວນຜູ້ຕິດເຊື້ອກໍລະນີ 51 ເປັນເພດຊາຍ ອາຍຸ41 ປີ ສັນລາວອາຊີບພະນັກງານ ທີ່ເດີນທາງມາຈາກປະເທດມົງໂກນ ຫາສະຫນາມບິນອິນຊອນ ເກົາຫລີແລະ ເດີນທາງມາເຖິງສະຫນາມບິນສາກົນວັດໄຕ ໃນວັນທີ 9 ເມສາ 2021 ຈາກນັ້ນວັນທີ 10 ເມສາ 2021 ຜົນກວດວິເຄາະຢັ້ງຢືນວ່າຜູ້ກ່ຽວຕິດເຊື້ອພະຍາດໂຄວິດ-19 ປະຈຸບັນ ແມ່ນຮັບການປິ່ນປົວຢູ່ໂຮງຫມໍມິດຕະພາບ ແລະ ໄດ້ມີການເກັບຕົວຢ່າງຂອງຜູ້ສຳພັດໃກ້ຊິດກັບຜູ້ກ່ຽວທັງຫມົດ 31 ຄົນມາກວດວິເຄາະຜົນກວດວິເຄາະ ແມ່ນບໍ່ພົບເຊື້ອ ແຕ່ເຈົ້າຫນ້າທີ່ຍັງສືບຕໍ່ເຝົ້າລະວັງ ແລະ ຈຳກັດບໍລະເວນຈົນຄົບ 14 ວັນ.

ສັງລວມແລ້ວ ນັບແຕ່ເດືອນມັງກອນ 2020 ມາຮອດປັດຈຸບັນ ໄດ້ເກັບຕົວຢ່າງມາກວດທັງຫມົດ 142,596 ຕົວຢ່າງ ກວດພົບວ່າມີຜູ້ຕິດເຊື້ອທັງຫມົດ 51 ຄົນ.

Off

Comments are closed.