17th Sep2013

ການພົບປະສອງຝ່າຍລະຫວ່າງເຈົ້າໜ້າທີ່ ອາວຸໂສ ສປປລາວ ແລະ ປະເທດຍີ່ປຸ່ນ

by somchan

ໃນຕອນເຊົ້າວັນທີ 16 ກັນຍາ 2013 ນີ້ ທ່ານ ກິມມີຮໂຣະ ອິຊິກາເນະ ຫົວໜ້າຄະນະເຈົ້າໜ້າທີ່ອາວຸໂສ ປະເທດຍີ່ປຸ່ນ ພ້ອມດ້ວຍຄະນະທີ່ເຂົ້າຮ່ວມກອງ ປະຊຸມອາຊະຍາກຳຂ້າມຊາດຄັ້ງທີ 9 ໄດ້ເຂົ້າພົບປະ ໂອ້ລົມກັບທ່ານ ພົຈວ ສີລະຫວາດ ແກ້ວມະລາວົງ ຫວົໜ້າກົມໃຫຍ່ຕຳຫຼວດ ກະຊວງປ້ອງກັນຄວາມ ສະຫງົບ ທັງເປັນຫົວໜ້າຄະນະເຈົ້າໜ້າທີ່ອາວຸໂສ ສປປລາວ ຢູ່ທີ່ໂຮງແຮມດອນຈັນພາເລດ.

ໃນໂອກາດນີ້ ທ່ານ ກິມມີຮໂຣະ ອິຊິກາເນະ ຫົວໜ້າຄະນະເຈົ້າໜ້າທີ່ອາວຸໂສ ຍີ່ປຸ່ນ ໄດ້ລາຍງານການມາຮ່ວມກອງປະຊຸມລັດຖະມົນຕີອາຊຽນວ່າດ້ວຍອາຊະຍາກຳຂ້າມຊາດ ຄັ້ງທີ່ 9 ທີ່ ສປປລາວ ເປັນເຈົ້າພາບ ໂດຍສະເພາະທ່ານໄດ້ຍົກໃຫ້ເຫັນຄວາມໝາຍຄວາມສຳຄັນຂອງກອງປະຊຸມ ແລະ ສາບພົວພັນຮ່ວມມືໃນວຽກງານຕ້ານອາຊະຍາກຳຂ້າມຊາດລະຫວ່າງອາຊຽນ ກັບຍິ່ປຸ່ນເວົ້າລວມ ເວົ້າສະເພາະກໍ່ແມ່ນ ສປປລາວກັບຍີ່ປຸ່ນທີ່ມີຄວາມເພີ່ມທະວີເປັນກ້າວໆ.

ພ້ອມດຽວກັນນີ້ ທ່ານພົຈວ ສີສະຫວາດ ແກ້ວມາລາວົງ ຫົວໜ້າຄະນະອາວຸໂສ ຂອງ ສປປລາວກໍ່ໄດ້ກ່າວຄຳຂອບໃຈ ແລະຍ້ອງຍໍຊົມເຊີບຕໍ່ການເຂົ້າຮ່ວມກອງປະຊຸມຂອງຄະນະຜູ້ແທນຍີ່ປຸ່ນໃນຄັ້ງນີ້. ໂດຍທ່ານໄດ້ຕີລາຄາສູງ ຕໍ່ກັບສາຍພົວພັນສະໜິດແໜ້ນ ລະຫວ່າງລາວ ແລະຍີ່ປຸ່ນ ໂດຍສະເພາະກໍ່ແມ່ນວຽກງານປ້ອງກັນຄວາມສະຫງົບ ກໍ່ຄືການຕ້ານອາສະຍາກຳຂ້າມຊາດ ແລະ ທ່ານກໍ່ເຊື້ອໝັ້ນວ່າຜ່ານກອງປະຊຸມໃນຄັ້ງນີ້ຈະເຮັດໃຫ້ການພົວພັນຮ່ວມສະຫວ່າງ ອາຊຽນ ແລະຍີ່ປຸ່ນເວົ້າລວມເວົ້າສະເພາະກໍ່ແມ່ນຍີ່ປຸ່ນ ແລະ ສປປລາວ ຈະມີຄວາມເພີ່ມທະວີຂຶ້ນເລື່ອຍໆ.

ນອກຈາກນີ້ທັງສອງຝ່າຍຍັງໄດ້ປຶກສາຫາລື ແລກປ່ຽນບົດຮຽນ ຂໍ້ມູນຂ່າວສານ ກຽ່ວກັບການຕ້ານອາຊະຍາກຳຂ້າມຊາດໂດຍສະເພາະແມ່ນບັນຫາຢາເສບຕິດ, ການຮ່ວມມືດ້ານການຕ້ານການຄ້າມະນຸດ, ການລັກພາຕົວ ແລະ ບັນຫາອື່ນໆອີກ

Off

Comments are closed.