22nd Apr2021

ສປປລາວ ກວດພົບຜູ້ຕິດເຊື້ອໂຄວິດ19 ເພີ່ມອີກ 6 ຄົນໃນວັນທີ 22 ເມສາ 2021

by somchan

ຮສ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ,ຫົວໜ້າກອງເລຂາຄະນະສະເພາະກິດເພື່ອປ້ອງກັນ,ຄວບຄຸມແລະແກ້ໄຂການລະບາດຂອງພະຍາດໂຄວິດ 19, ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ພ້ອມດ້ວຍ  ດຣ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ  ກະຊວງສາທາລະນະສຸກ, ໄດ້ຖະແຫຼງຂ່າວຜ່ານສື່ມວນຊົນປະຈໍາວັນທີ 22 ເມສາ 2021ນີ້ໃຫ້ຮູ້ວ່າ: ສາທາລະນະລັດປະຊາທິປະໄຕປະຊາຊົນລາວ,ໄດ້ກວດພົບຜູ້ຕິດເຊື້ອພະຍາດໂຄວິດ-19ໃໝ່ເພີ່ມຕື່ມ 6 ຄົນ,ຈາກການເກັບຕົວຢ່າງມາກວດວິເຄາະທັງໝົດ 758 ຄົນ,ໃນວັນທີ 21 ເມສາ 2021,ໃນນັ້ນ ນະຄອນຫລວງວຽງຈັນ 4 ຄົນ,ແຂວງບໍ່ແກ້ວ 1 ຄົນແລະແຂວງສະຫວັນນະເຂດ1ຄົນ.ເຊີ່ງລາຍລະອຽດ ທ່ານ ດຣ ພອນປະດິດ ສັງໄຊຍະລາດ ໄດ້ມີຄໍາເຫັນຖະແຫຼງຂ່າວວ່າ:

ພ້ອມນີ້ ຮສ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ,ຫົວໜ້າກອງເລຂາຄະນະສະເພາະກິດເພື່ອປ້ອງກັນ,ຄວບຄຸມແລະແກ້ໄຂການລະບາດຂອງພະຍາດໂຄວິດ 19ໄດ້ຮຽກຮ້ອງມາຍັງປະຊາຊົນລາວບັນດາເຜົ່າຈົ່ງມີສະຕິຕື່ນຕົວໃນການປ້ອງກັນ,ຄວບຄຸມແລະແກ້ໄຂການລະບາດຂອງພະຍາດໂຄວິດ 19ແລະປະຕິບັດຕາມຄໍາສັງຂອງນາຍົກລັດຖະມົນຕີວາງອອກຢ່າງເຂັ້ມງວດ

ທ່ານຍັງໃຫ້ຮູ້ຕື່ມວ່າ: ສັງລວມການເກັບຕົວຢ່າງກວດວິເຄາະ ນັບແຕ່ເດືອນມັງກອນ 2020 ຮອດປະຈຸບັນ ມີທັງໝົດ 150,159 ຕົວຢ່າງ, ໃນນັ້ນ ກວດພົບເຊື້ອສະສົມ 94 ຄົນແລະໃນນີ້ປິ່ນປົວຫາຍດີແລ້ວ49ແລະພວມສືບຕໍ່ປິ່ນປົວຢູ່ໂຮງໝໍ45ຄົນ. 

 

Off

Comments are closed.