23rd Apr2021

ຄະນະສະເພາະກິດເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດ ໂຄວິດ 19 ກະຊວງ ປກສ ໄດ້ລົງກວດກາສູນກັກກັດບໍລິເວນເພື່ອກຽມຄວາມພ້ອມ ໃຫ້ແກ່ຜູ້ທີ່ມີຄວາມສ່ຽງໃຫ້ແກ່ກໍາລັງ ປກສ

by somchan

ໃນວັນທີ 23 ເມສາ 2021  ພົຕ ປອ ທອງເຫຼັກ ມັງຫນໍ່ເມກ ຮອງລັດຖະມົນຕີກະຊວງປ້ອງ ກັນຄວາມສະຫງົບ ພ້ອມດ້ວຍຄະນະ ໄດ້ລົງກວດກາສູນຈຳກັດບໍລິເວນແກ່ຜູ້ທີ່ມີຄວາມສ່ຽງຈາກ ການຈະຕິດເຊື້ອ ພະຍາດໂຄວິດ 19 ທີ່ສູນຝຶກອົບຮົມວິຊາສະເພາະປ້ອງກັນທີ່ຕັ້ງກະຊວງປ້ອງຄວາມສະຫງົບ

ເພື່ອກະກຽມຄວາມພ້ອມໃຫ້ແກ່ກໍາລັງປ້ອງກັນຄວາມສະຫງົບທີ່ມີຄວາມສຽງຈາກການຕິດເຊື້ອ ພະຍາດໂວຄິດ 19 ສໍາລັບສູນ ດັ່ງກ່າວແມ່ນໄດ້ກະກຽມຄວາມພ້ອມ ປະກອບມີ 2 ອາຄານ ແລະ 1 ສະໂມສອນ ,ສາມາດຮອງຮັບໄດ້ຫລາຍຮ້ອຍຄົນ ສ່ວນສະຖານທີ່ດັ່ງກ່າວແມ່ນມີຄວາມສະດວກ ສະບາຍມີນໍ້າ,ມີໄຟຟ້າຄົບຊຸດ ໃນການອໍານວຍຄວາມສະດວກໃຫ້ແກ່ຜູ້ຖືກຈຳກັດບໍລິເວນ ແຕ່ລະອານຸກໍາມະການກໍ່ມີຄວາມພ້ອມຢ່າງຮອບດ້ານເປັນຕົ້ນແມ່ນ ອານຸກໍາມະການປ້ອງກັນ,ອະນຸກໍາມະການປິ່ນປົວ ແລະ ອານຸກໍາມະການແຕ່ງຢູ່ຄົວກີນ ເພື່ອປ້ອງກັນໃຫ້ ແກ່ກໍາລັງ ປກສ ຜູ້ທີ່ມີຄວາມສ່ຽງທີ່ມາຈຳກັດບໍລິເວນຢູ່ໃນສູນ ບໍ່ໃຫ້ມີການແຜ່ເຊື້ອພະຍາດໂຄວິດ 19 ຫາກມີກໍລະນີຕິດເຊື້ອ.

ໃນໂອກາດນີ້ ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ ໄດ້ເນັ້ນໜັກ ໃຫ້ບັນດາອານຸກຳມະການດ້ານຕ່າງໆ ຈົ່ງເພີມທະວີ ຄວາມຮັບຜິດຊອບ ໃຫ້ສູງ ຕັ້ງໜ້າຈັດຕັ້ງປະຕິບັດຕາມແຜນທີ່ວາງໄວ້ ກໍລະນີມີການສຸກເສີນ ເກີດຂື້ນແມ່ນໃຫ້ສາມາດສະກັດກັ້ນ ປ້ອງກັນໄດ້ທັນກັບສະພາບການ.

Off

Comments are closed.